(اسكريبت 6)💙🌚
زي كل سنة في نفس اليوم وفي نفس المكان...من خلال اللي حصل معايا وشوفته إن "يوسف "غدار زيه زي البحر بظبط... وعدني إنه هيفضل بس مشي وسبني.. أنا عارفة إن الوعود موجوده علشان نخلفها...بس ليه دايمًا الوعود مش بتكمل معايا أنا... عمر ما حد جيه ليا وقالي إن الوعد مش بيتوفي....إلا "يوسف " بيثبت ليا عكس كل شئ... أنا النهاردة بحتفل بعيد ميلادي زى كل سنة لوحدي... من غير حبيب ولا صاحب ولا أهل... لوحدي.. مسكت تذكرتين حجزتهم علشان السينما اللي هدخلها وكالعاده هسيب الكرسي اللي جمبي فاضي... مسكت الهديه اللي جبتها لِـنفسي وأقول إنها أجمل هديه جات ليا رغم إن مفيش هدية غيرها بس بكدب علي نفسي علشان أحي حاجات تانية بتموت جوايا... مسحت دمعة نزلت من عيني وأنا ببتسم لِـنفسي وبفتكر أنا أديت وعد بإني عمري ما هبكي بسببه تاني... مفيش دمعه هتنزل من "ملك" علشان "يوسف" تاني... إن كنت بعيط لأيام وأنا عارفة إن الوجع وكسره قلبي هيروحوا وفعلاً راحوا.. عرفت إن القلب ممكن يعيش حتي لو اتكسر.. عادي هينبض أنا عارفة إن كل حاجة هتعدي بس عارف يعني إيه وحيد... يعني زي التايه ومش لاقي مدينته!!! أنا عارفة أنه كذب عليا كتير وعرفت برضه إن الكدب بداية الحقيقه....بصيت في ساعتي لاقيت يدوب ألحق الفيلم... روحت السينما وقعدت وحطيت الهدية علي الكرسي اللي جمبي ومركزتش غير في الفيلم بس.... عجبني الفيلم يمكن لأن البطلة كانت قويه والبطل مقدرش يستغلها... الفيلم خلص قومت واخدت الهدية وروحت محل ورد واشتريت ورده التوليب واخدتها وروحت بيتي حطيت الحاجه علي السرير وغمضت عيني ومحستش بحاجة تانيه أبدًا غير تاني يوم وانا بلبس هدومي اللي ألوانها ملهاش علاقة ببعض نهائيًا...بس بحبهم جداً نزلت من بيتي وروحت شغلي اللي مفتكرش إن في فحياتي غيره وابتديت البرنامج أها بالمناسبة أنا "مذيعة راديو"
_أهلاً بيكم وحشتوني جداً جداً، انهارده يوم مختلف حابه يمكن لإن أنا حاسة إنه مش هيبقي زي أي يوم ومعاكم النهارده واللي حابب يعرف رأي في أي شئ يتفضل.... ومعانا اول مكالمة
-أهلاً كنت حابب أسالك عن حاجة!
-أتفضل
_ من رأيك ليه بنت تدخل سينما لوحدها وتكون حاجزه كرسي تاني وحاطه عليه هديه لونها أسود وطول الفيلم مستمتعه عادي جداً وكأن مش مهم عندها إن اللي استنيته مجاش
حسيت بخوف رهيب أن في حد بيراقب أنا بعمل إيه يمكن لأن مش عايزه إهتمام من حد!! رديت بإرتجاف
_يمكن لأن مفيش حد جاي مثلاً أو يمكن لأنها حابه الوحده دي..
-بس الوحده مش حلوه..
_أحيانًا بتكون حلوه لما تبقي بهدف تحمي نفسك...
-من مين.!؟
_من اللي حواليك...!!
ابتديت أحس بخوف.. معني كده أن في حد عارف أنا بعمل إيه ومش بعمل إيه... أنا في الطبيعي مش بحب الخوف بس الخوف ضرورى علشان أقدر أكمل الحياة دي لازم يبقي جوايا حابه رهبة مع حابه خوف.....!
كنت قاعده في مكاني المفضل وأنا بسمع فيروز وبشرب قهوتي السادة... بحبها ساده وحبيتها علشان هي شبه أيامي.. مره... لاقيت حد بيقعد جمي وبيقولي
أنت تقرأ
حكايات لِـملك طارق (اسكريبت)
Roman d'amourبعض الأفكار المزدحمة في رأسي تجعل مني شخص لم تريديه يوماً، وبعض من الشكوك داخلي لم أستطيع أن أتغلب عليها،ولكن معك سوف أتغير مع ولأجلك فقط....💚🌚 شويه هلوسه علي حكايات بقلمي "ملك طارق"
