(اسكريبت 12)💕
"لا وعـــود" 💕
"زرونـــي كل سنـــه مـــره... حبيبي فرقتـــك مـــره حـــرام تنســـوني بالمـــره" 💕💕
صباح الخير.. أنا ملك عندي 29 سنـــه بحب جـــوزى أدم جدا،، ملـــيش غيره بعد بـــابا وماما معرفش ليه الفتره دي قاعدين عنـــد أهلـــي بس اكـــيد هعرف.. وهـــعرف هما ليه دايمًا في عيونهـــم الحـــزن دا.. !!
نزلت من بيتـــي بليـــل كنـــت مخنوقـــة قررت أروح أتمشي شويه ورجعت تانـــي البيـــت كان الكل نايـــم دخلت لاقيت أدم قاعـــد مستنيني ومشـــغل ميوزك هاديـــة بحبها بدأت ارقـــص معاه وأنا مندمجه مع كلامه ولمساتـــه الرقيـــقة....الـــحب كله بنســـبه ليا هـــو أدم.... فـــات اليــوم عـــادي... كنت قاعده وبقرأ روايـــة لاقيـــته دخل وقالي
_بتقرائي إيه ؟
-دي روايـــة فرنسية البطله مستحملتش إن البطل أتجوز غيرها فـــ انتحرت رمـــت نفســـها من فوق النهــر.
أبتسم ليا وباسني ومسك قلم وكتب علي الروايه بحبك ومشـــي.. حاولت أمسك إيـــده بس كانت زى السراب معرفتش أمسكها.. نمت بتعب..
بعدها بكام يوم كنت ماشيـــة علي النيـــل بليل بحب هواها اوى بليـــل كنت برن علي أدم بس فونـــه مقفول حسيت إني اتخنقت فـــ عيـــط لاقيت أيد بتلمسني من ورا لافيت لاقيت أيده حاولت أحضنه معرفتش كل ما أحضنه أحس أني بحضـــن الهوا.
_بتعيطي ليـــة؟..
-بـــرن عليك مش بتـــرد!
_كنت مشغول متزعليش..
-طب يلا أتمشي معايا شويـــة
مشيت انا وهو جمب بعد حاولــت أمســـك إيـــده معرفتش بس كفايـــة أنـــي جمبـــه شغلـــت أكتـــر اغنية بحبـــها لاقيتـــه ابتســـم
"No promises "
-شايف حالتنا عاملـــة إزاى! اكتر اتنين عنادين ماشين مع بعض عادي واتجوزنا! مين يصدق إننا هنبقي كـــدة بعد كل المشاكل اللي مرينا بيها.. إنت هتحافظ علي وعودك ليـــا صح؟
-لا وعود!!
-انا عارفه إن الوعود اتخلقت علشان نخلفها بس خليك علي والوعد يا آدم... مقدرش أكمل من غيـــرك..
أبتسم وانا كمان أبتسمت بهدوء وطلعت فوني أخدنا سيلفي و روحنا رميت السلام علي أهلي ودخـــلت الاوضه مع آدم لاقيته نام.. نمت جمبه بسلام وراحه
..................
الحب حلو اوي يا أدم صح.
-مفيش أحلي من الحب يا مـــلك.. الحب هو اللي بيخلي الناس تكمل هو اللي بيـــدي شجاعه انـــك تواجـــه..الحب امـــان شعور ميتعوضش أبدًا....
-إنت فعلاً متتعوضش يا أدم..
الآيام بتعدي وسط نظرات الشفقـــة من أهلـــي وأصحابي مبقتش فاهمه هما مالـــهم ؟فيـــهم ايـــه؟
كنت زهقانه فـــ خرجت انا وأدم روحت نايت كلب بنحبه أوى اقعدت وطلبت اتنين مشروب لاقيت النادل بيبص ليا باستغراب مهتمتش وقعدت انا وأدم مع بعض بنتكلم
_أدم أنا بحبك أوى.
-طب وبتعيطي ليه؟
_علشان عارفه إنك مش موجود!
فضلت اشرب كتير وهو قاعد مبتسم ليا وبس خرجت من المكان دا ووقفت قدام عربيـــة وهي جايـــة بتجري لاقيت ايد بتخبط علي ضهري لافيت لاقيت إيده هو وهو بيهز رأسه بعنف واختفي....مقدرتش اكمل في اللي انا فيه وقعدت في الأرض اعيط بحرقه ساعه كامله بعيط فيها وبعدها قومت نفضت هدومـــي ومشيت فضلت ماشيه بلف حوالين نفسي وانا بهمس بأسم أدم لحد ما وصلت المقابر واقعدت قدام مقبرة عليها أسمه "ادم" فضلت اعيط بجنون
-أنا بعيط علشان أنت مش موجود بعيط علشان مش لاقيه حضنك.. الناس كلها فكراني مجنونه بس انا مش مجنونه لأ أنا بس حطاك في قلبـــي فـــ طيفك حواليا فـــ كل مكان.. أنا عارفة أن انا اللي كنت برقص لوحدي وأنت مش موجود.. عارفه أنك مكنتش موجود يوم ما كنت بقرأ الروايه وأنك مكتبتش عليها بحبك أو حاجه.. عارفه إنك مكنتش موجود يوم ما كنت بتمشي ولا حتي اتكلمت معايا وحتي انت مش فـــ اللي اتصورناها.. وعارفه أنك مكنتش موجود لما روحنا وإني نمت لوحدي وطيفك هو اللي مواسيني!..عارفه إنك مكنتش قاعد معايا فـــ النايت كلب ولا حاجة! وعارفه إن أنا دلوقتي واقفه عند قبرك..أنا مدركة فكـــره إنك ميت بس مش مدركة فكره إنك مش موجود.. وعارفه نظرات الناس دي ليه برضه.. بس انا بحبك إنت انا عيزاك أنت ترجع! فـــ حاجات كتير لسه مش عشناها ســـوي.. فـــ إن انا من غير وجـــودك ناقـــصة جدا وبردانه.. أنا ببرد لما تبـــقي مش معايـــا.. بخاف من زحمـــه الحياه والناس بـــدون وجودك... أنا ايامـــي بتعدي بصعوبة من غيرك.. أنا مش بأكل أو اشرب أو حتي أدرك عدم وجودك..أنا بحبك فاهم لا لا.. أنا بحبك لدرجة إن بعد 5 سنين من وفاتك مش قارده اشوف راجل غيرك! انا بقالي خمس سنين عايشه علي ذكرياتك...أنا بشوف ملامحك فيا.. بشوف ملامحك فـــ مرايتي كل يوم.. أنا مش بفتقد حد غيرك مبحسش بشئ فـــ بعدك عنـــي غير الوجع.. انا تعبانه اوى يا أدم...أنا كاتمه كل الوجع في قلبي وساكته مكنتش بطلع اللي فـــ قلبي إلا ليك، أنت مره قولت ليا إن الكتمان بيولد إنفجار فـــ مخزن الذكريات.. دلوقتي أنا فهمت قصدك..
قومت من مكاني بتعب مسكت فونـــي لاقيت مكالمات كتير من أهلي طبعاً اكيد قلقانين بعت رساله من كلمتين بس "" أنا بخير"" قريت لآدم الفاتحة وقربت من القبر اوى وقولت بهمس وتعب
" ياريتك كنت موجود.. أنا مبقاش ليا حد أميل عليه يا أدم.."
لِــ ذاك البعيد.. !
"لكنك لم تكن بعيدًا عني" 💕
#حكايات_آدم💕
#ملك_طارق💕
أنت تقرأ
حكايات لِـملك طارق (اسكريبت)
عاطفيةبعض الأفكار المزدحمة في رأسي تجعل مني شخص لم تريديه يوماً، وبعض من الشكوك داخلي لم أستطيع أن أتغلب عليها،ولكن معك سوف أتغير مع ولأجلك فقط....💚🌚 شويه هلوسه علي حكايات بقلمي "ملك طارق"
