(اسكريبت 9)💛
"العيب فيكم يا في حبايبكم أما الحب يا روحي عليه "💙
_صباح كل حاجه حلوه!!.
_إنت تاني.. إنت عبيط يلاا؟.
_عبيط وأهبل وكل حاجة.. بس بحبك.
_حبك برص يا حيوان إنت.
_بس انا مش عايز برص يحبني انا عايز ملك تحبني!
لاقيت فريحه بتقولي بهمس _ملك أهدي مش كده.
رديت بعصبيه-ولا أهدي ولا زفت.. أسمع يا أستاذ إنت لو فضلت تنط ليا كل شويه هزعلك مني جامد اوى.
_هتزعليني اوى اوى!
_أها
_طيب بصي يا ملاكي.. إنت متقدريش تعملي ليا حاجه... وراكي محاضره دلوقتي روحي احضريها وانا همشي بقا انا خلاص اطمنت عليكي باي يا ملاكي!
مشي بهدوء زى ما جيه بهدوء، إنسان غريب متمسك بيا بطريقه غريبه اوى.. أنا لو منه وبتهزق كل التهزيق دا أبعد لكن دا لا ماسك فيا لدرجه غريبه هو بيحبني بجد ولا أي؟ حتي لو بيحبني بجد مينفعش أبدًا..روحت كان عندي محاضره.. مكنتش مركزه في أي حاجة غير في المجنون دا اللي حتي معرفش إسمه، طلعت ورقه وكتبت فيها
"ألم تر ما فعلته إنت بي!؟".
"ألم تر أن حان وقت اللقاء!؟ ".
دايمًا بحلم بشخص غريب أوى بيحضن روحي من الوجع والألم اللي أنا فيه... بابا وماما أطلقوا من وانا صغيرة... الحياه بينهم كانت مستحيله فقرروا الطلاق كان أنسب حل وفعلاً أطلقوا وبابا قرر يروح ويتجوز وأنا أخترت ماما واجرنا شقه وعيشنا فيها، ماما كانت أهم عندي من بابا ومكنش ليها غيري، العالم في كفه وماما دي في كفه تانيه وقررت مختارش إنسان غلط يدمر حياتي وابقي تجربه فاشله زى ماما.
خلصت محاضرات وروحت البيت دخلت أوضتي بدون كلام.. شويه ولاقيت جرس باب بيرن مهتمش بس شويه وماما دخلت وفي أيدها جواب وورده حمرا.
_إيه دا يا ماما..؟
_معرفش يا حبيبتي بس لاقيت دا بره ومكتوب أسمك.
_طيب يا ماما شكراً.
فتحت الجواب بهدوء، بحب الجوابات اوى.. بحب الجواب لأن بيبقي فيها سحر خاص يعني الكلام بحسه من القلب أكتر وأحتفظ بيه.. الواتساب والماسنجر غير كل حاجه اللي عايز يقول حاجه بيقولها كده بس لأ انا بحب الجوابات، فتحت الجواب وقرأت كل كلمه بهدوء ومع كل كلمه بتخرج قلب بيدق أكتر..
"بحبك... أدم "💙
_برغم من إنها كلمه واحده لكن لمست قلبي، خرجت صندوق صغير وشيلت فيه الجواب والورده.
تاني يوم روحت الجامعه أقعدتب في الكافتريا مكنتش حابه اختلط بحد النهارده وبذات لأن فريحه مش جايه،لاقيت آدم جيه وقعد قدامي بإبتسامه حب.
_إنت تاني!
=تاني وتالت لحد ما تحبيني.
سكت شويه وأنا فكر ورديت_ إنت عايز إيه؟
أنت تقرأ
حكايات لِـملك طارق (اسكريبت)
Romanceبعض الأفكار المزدحمة في رأسي تجعل مني شخص لم تريديه يوماً، وبعض من الشكوك داخلي لم أستطيع أن أتغلب عليها،ولكن معك سوف أتغير مع ولأجلك فقط....💚🌚 شويه هلوسه علي حكايات بقلمي "ملك طارق"
