(اسكريبت 5)💚💚
وطلعت فوق الجبل قصدي أودعهم يالالالي.... لاقيتهم سافرو والريح متبعهم يا لالالي💚
-الله يخربيت اليوم إلا اتجوزتك فيه غيرتك بقيت قاتله ياملك وبقت بتخنقني...!!!!
رديت بحزن ووجع من كلامه للدرجه دي بقيت بخنقه أنا بعمل كدة من حبي وعشقي ليه مني حبي في آدم
-أنت بقيت بتشتكي من اليوم إلا اتجوزنا فيه يا آدم للدرجة دي بقيت غيرتي بتخنقك، خلاص يا ادم أنت حر... روح يلا ليها وخليها معاك من تاني.
-ملك أنا تعبان وعلي أخري من كل حاجه أبعدي عني.
رديت بوجع - إبعد اكتر من كده إيه تاني يا أدم ، بقا بيني وبينك خطوات مش خطوه واحده.
.................
عدي إسبوع وإحنا علي نفس الحال مش بكلم معاه ولا مع أي حد، أنا عارفه إنه مش وخدني عن حب زى ما أنا بحبه... هو أكتفي بأني بنت عمه واتغصبت عليه من أهله....بس أنا كنت مش عايزة غيره والله، بقيت أحس أني ورقه من ورق الخريف مع أول ريح الشتا طارت ،حاسه إني لازم أبعد اووى، عارفه إنه بيحب واحده تانيه وبيكلمها وأنه أتجوزني علشان يرضي أهله بس كفايه بقا وجع أنا مستهلش دا كله،ملك متستهلش دا كله والله.
كنت داخله أوضتي زى العاده بعد ما جهزت ليه الأكل علي السفره وعملت قهوتي واخدتي روايتي وتلفوني ودخلت البلكونه من تاني بقوا هما ونيسي كنت كالعاده بقرأ روايتي المفضله (إنت لي) كان نفسي أبقي زى "رغد"ويكون ليا "وليد" يحبني بس الظاهر إن "وليد" في الرواية بس ومفيش منه تاني ليا وإن "أدم " عمره ما هيبقي "وليد" لاقيت أدم في الشباك إلا جمبي وماسك فونه وبيبتسم الواضح من إبتسامته إنه بيكلمها أصل ذي بتبقي نفس إبتسامتي وأنا بكلمه يبختها بيه وبحبه ليها بجد ،كان نفسي أبقي مكانها، أخدت نفس بعمق وخرجت من أوضتي بهدوء وروحت ليه أوضته
-أدم
بصلي وهو بيداري إبتسامته عني وفونه
- أيوه يا ملك أخيرًا خرجتي بره قوقعتك دي، عامله إيه
رديت عليه وانا مركزه اووى في ملامحه وكأني بحفطها أو أنا فعلاً بحفظ ملامحه
- أنا همشي أدم وهروح أعيش عند اهلي وورقة طلاقي توصل ليا كفايه كده يا أدم بس بعد الحب دا كُله قولي إزاي أبعد وأنساك، ساعدني أرجوك إني إبعد وأنساك لأن دي خطوهه مهمه في حياتي عارف يا أدم مبحبش اللحظه اللي بكتشف فيها فجأه إن الحاجه اللي ضيّعت وقت طويل من عُمري في الجري وراها طلعت ما تستاهلش كُل وجع القلب ده ، مبحبهاش فعلاً ..!ومبقتش بحبك خلاص
رد عليا بإحراج
-سامحيني يا ملك بس قلوبنا مش بأيدينا
رديت عليه وانا حاسه أن روحي بتطلع
-بس الوجع بأيدينا
..............
روحت بيت أهلي وأنا معايا شنطتي رفضت أتكلم مع أي حد كل إلا قولته إننا أطلقنا فضلت في أوضتي شهر كامل مش بخرج منها بقيت أحس بوجع اوى جوايا بقيت مقهوره، أخيرًا قررت أخرج من أو١تي لاقيت عمي بره ومعاه مراته وطلبين يشوفوني أقعدت معاهم وبعد كلام وسلام عرفت سبب هما جايين ليه وكلامهم وجعني
-ملك.... أدم عايز يتجوز وإحنا شارين خاطرك يا بنتي
رديت عليهم وكأن أدم دا ولا حاجة
-تسلمي يا طنط، بس أدم مش بقا يعني ليا أي شئ، وعلشان أثبت ليكي دا أنا هحضر الفرح إنشاء الله
.........
النهاردة فرح أدم دخلت القاعة وأنا رجلي ثابته في الأرض متهزتش ولا هتتهز في يوم دخلت وبركت لآدم وحضنته ودا سبب إستغراب الكل قربت من ودنه وقولت له إني بحبه وبعدها حسيت إني دخلت في عالم تاني، أنا فعلاً مش حاسة بحاجه، أنا مت فعلاً.
#حكايات_ادم💚
#ملك_طارق 💚
أنت تقرأ
حكايات لِـملك طارق (اسكريبت)
Romanceبعض الأفكار المزدحمة في رأسي تجعل مني شخص لم تريديه يوماً، وبعض من الشكوك داخلي لم أستطيع أن أتغلب عليها،ولكن معك سوف أتغير مع ولأجلك فقط....💚🌚 شويه هلوسه علي حكايات بقلمي "ملك طارق"
