(اسكريبت 7)🌍💙
"💙الأول "
وهي البنت عايزه إيه غير راجل يهتم بيها ويحسسها إنها ملكة علي عرش قلبه... بابا الله يرحمه كان بيحب ماما لدرجه إنه بعد ما مات ماما مرديتش تتجوز وقالت مش هلاقي راجل يحبني زي ما هو حبني... لما سألتها ليه هو إيه الحب اللي تقصده قالت أن الحب مش شكليات مش مكان شيك نسهر فيه... الحب في البساطة.. يعني كلمة حلوة، ورده حمرا... كل الحاجات البسيطة دي بتدل علي الحب...فأنا كان نفسي إني احب بطريقه دي طريقه الجوابات اللي بتكتب بخط اليد والورد الأحمر اللي هفضل أفكر أشمعني جاب ورده حمرا ومجبش معاه ورده صفرا... الورد الأحمر بيدل علي الحب والأصفر بيدل علي الغيره ومينفعش الحب من غير الغيرة... الحب اللي بيحرك جواك حاجات كتير وبتالي هتتعرض لمواقف تحتاج فيها لغيره...
"بيقولوا الحب بيقتل الوقت وبيقولوا الوقت بيقتل الحب "
_إنت أتجوزتني ليه يا آدم..؟!
لاقيته رد عليا ببرود_ عادي شايف أننا متافهمين..!
رديت عليه بصدمة_ تفاهم... طب والحب..
لاقيته رد عليا بطريقه سخيفه _ حب أي.. الحب ضعف إنتي عيزاني أبقي ضعيف يا ملك ؟
_طيب ما أنا بحبك..
-علشان كده ضعيفه!
" كلمته نزلت في قلبي قتلتني.. دايمًا متعود يقل مني ومن شأني.. مع إني مش جاهلة ولا مستوايا الاجتماعي وحش مثلاً لكن لا بالعكس أنا دكتورة ليا مستشفي خاص بيا مش ناقصني حاجة.. مش ناقصني غير الحب ومش لاقيها مع آدم"
كنت راجعه مش شغلي لاقيت في ضيوف مش من العادي آدم يجيب حد البيت مش عادي رحبت بيهم
_ملك مراتي.. يوسف و وفريحه يا ملك اصحابي ومتجوزين..
سلمت عليهم وسألت إذا كان شربوا حاجة ولا لا..لاقيت آدم رد وياريته ما رد..
-اه تاني متخافيش لسه متعلمتش قلة الذوق
-طيب عن اذنكم.
سبته ومشيت بزعل لاقيت يوسف قاله
_ليه كده يا آدم لازمته إيه دا؟
رد آدم بلا مبالاة _عادي هي خدت علي كده
فريحه=شكلك ضامن وجودها بزيادة لردجه إنك بتجرح فيها عادي.. بلاش تضمن وجودها علشان ممكن يوم متلاقيش ملك.
طلعت أوضتي بكل عصبيه وغضب ليه أسلوبه دا.. هو فعلاً ضامن وجودي وحبي لدرجة إنه بيوجعني عادي كدة..؟؟.. حسيت إن حيطان أوضتي بتخنقني جامد.. غيرت لبسي واخدت شنطتي ونزلت لاقيتهم بيضحكوا كملت طريقي بهدوء لاقيت آدم بيقولي بصوت حاد _رايحه فين؟
قولت ليه ببرود_ اتصلوا من المستشفي.
_وأنتي هتسيبي الضيوف وتمشي إيه قلة ذوقك دي؟..
يوسف =في إيه يا آدم عادي يعني وبعدين إحنا مش ضيوف
آدم =و إزاى تخرجي من غير ما تقولي
رديت عليه بنفاذ صبر - آدم انا مخرجتش من وراك أنا خارجه قدامك وبعدين أنت مشغول محبتش اضايقكم بس.. عن اذنكم
خرجت وانا بحاول أمانع دموعي إنها تنزل وجع منه ومن طريقته هو فعلاً ضامن وجودي... قضيت يومي كله في المستشفي ورجعت تاني يوم دخلت الاوضه لاقيت آدم نايم بصيت ليه وصحيته _آدم قوم علشان شغلك يلا!
_يوووه بقا إنتي إيه قرف حتي في نومي..
_إنت إيه يا أخي! قرف علطول كده! إزاى قادر تستحمل نفسك يا آدم.. انا تعبت.. طلقني يا آدم..
لاقيته رد عليا بصدمة _ إنتي اتجننتي يا ملك عايزه تتطلقي! ؟
_أيوة عايزه أطلق أنا تعبت منك أوى قلبي عمال بتجرح منك يا آدم.. أنا مش حمل وجع والله.. أنا عماله اداوى جرح دا و أشوف دا بس مش لاقيه حد يحس بيا.. إنت بالناسبة ليك الحب ضعف... لا يا ادم إنت اللي مريض ونفسك مريضه.
"سبته ومشيت وأنا خلاص مليت افتكرت أميرة البيلي وهي بتقول" أنا مليت مهو انا الهبلة إني شوفتك بيت" أنا شوفته كل حاجه مش بيت بس!"
"التاني "💙
طول عمري بخاف من الحب ويوم ما أحب حبيت ملك.. ست البنات وست ستات كمان... مكنتش هعرف إني هتعبها معايا اوى كده ومع كميه القرف اللي في حياتي، هي فاكره إني بكرها بس لا أنا بحبها والله بحبها ولا عمري ما هحب غيره.. سمعت صوت قوي جداً بصيت من الشباك لاقيت حادثة حطيت إيدي علي قلبي بخوف وطلعت أجري زى المجنون برا الفيلا لحد ما وصلت الحادثة لاقيتها غرقانه في دمها... شيلتها وحطيتها في عربيه وروحت بيها علي المستشفي بخوف وأنا بدعي ربي ترجع ليا من تاني أقولها بس إني بحبها!!.. بصيت لاقيت يوسف جيه هو وفريحه لاقيت فريحه بتحاول تخفف عني بس الدكتور خرج وقال البقاء لله ومشي وكأن الوضع عادي مبقتش قادر أصدق آه وألف آه تخرج من قلبي علي حالي ياريت ترجع اقول ليها إني بحبها حسيت إني بتخنق وأنا بصوت بأسمها
_مللللللللك.
"بعد مرور سنوات"
"_النهارده عيد ميلادك يا ملاكي عارف إنك بتحبي الورد الأحمر ومينفعش من غير الورد الأصفر فجبت ليكي الاتنين علشان أنا بحبك وبغير عليكي اوى وبحبك ونفسي لو ترجعي علشان أقولك إني بحبك، أيوة أنا مريض نفسي.. مريض بيكي وكنت خايف تستغلي حبي، ايوة أنا بحبك.. ياريت لو الزمن يرجع علشان أعيش معاكي واقولك كل يوم بحبك.. ملك كل دقيقه وثانية بتمر من غيرك بتبقي تقيله اوى علي قلبي يا حبيبتي.. ياريت لو كل اللي بنحبهم مش يسبونا أبدًا... عارفه يا ملك دا اللي بيحصل ليا دايمًا بفقد أي شخص بحبه أو عزيز عليا.. أنا مش قارد أعيش من غيرك ولا قادر أتنفس.. أتحرم عليا النفس من يوم ما غبتي وكأنك اكسچين حياتي... مش قادر أوصف وجعي في بعدك... آه يا ملك لو الألم دا ينتهي... مش باقي ليا منك غير شوية ذكريات... بحبك "
" وفي الخلفيه صوت دنيا سمير غانم وهي بتقول:
قرب من كل اللي حاببهم شيل عنهم خوفهم وتعباهم يمكن يسبوك هما الأول أو يمكن إنت اللي تسيبهم"
#حكايات_ادم 💙
#ملك_طارق💙
...
أنت تقرأ
حكايات لِـملك طارق (اسكريبت)
Romanceبعض الأفكار المزدحمة في رأسي تجعل مني شخص لم تريديه يوماً، وبعض من الشكوك داخلي لم أستطيع أن أتغلب عليها،ولكن معك سوف أتغير مع ولأجلك فقط....💚🌚 شويه هلوسه علي حكايات بقلمي "ملك طارق"
