احببتك وتالمت

البارت 11

{ احبــبتك وتألــمت }

__________________
البارت الثامن

...................................................................................

محمد: انتقل دوامي كل اسبوع يومين بتكريت اداوم بس كلش ضايج لان متعود ع حبيبتي حنونه وابني الغالي مهيمن وهواي اشتاقلهم بس ماباديد حيله هاي طبيعه شغلي والحمد لله ع كل حال اخر فتره اشوف امي بالحلم تحضني حيل وتكلي يمه مشتاقتلك ما شابعه مـڼـڱ واني ابجي بحضنها مثل الطفل واشوف حنين حاضنه مهيمن ودموعها مثل الدم وافز م̷ـــِْن الحلم 5مرات ينعاد هالحلم وبأيام مختلفه خفت ع حنين حتى أذا اموت ماهتم بس خطيه شنو ذنبها تترمل وهيه مابلغت سن ال16 ولهسه ماتعرف الحياه شنو ضامتلها وخفت عليها اكثر لانها متعلقه ب مهيمن ضليت افكر ممكن أذا اموت ابوي ياخذه منها ومايهتم بمشاعرها وممكن تبقى بيت اهلها وحالها تنتكس حيل عفت هالتفكير وبقيت افكر شلون اضمن مستقبلها،،،،

وبيوم كان خميس والجو بارد شهر 11 كان سنه 2007 رجعنا م̷ـــِْن تكريت وخابرت حنونتي كتلها بالطريق راجع وصلنا لكراج بغداد وصعدنا سيارات كلمن لمنطقته اني صار مكاني بالاخير شفت رجال حيل ضخم لابس قبوط اسود ومرتب ولفاف ع وجهه بيده طفل عمره شي 8سنوات بس كان مبين م̷ـــِْن شكله منغولي

«« مصاب بملازمه داوون،،»» صعده ويانه بالسياره وكال اخوان رحمه لأهلكم ه̷̷َـَْـُذآ الطفل بيتهم بمنطقه ......

م̷ـــِْن توصلون تنزلونه واهله يستقبلوه وترك الطفل باول كرسي م̷ـــِْن السياره وراح شفته صعد سياره اخر موديل ركزت بالطفل وجهه مو طبيعي كأنه شارب شي ويريد بس ينام ومن بطنه عنده انتفاخ بارز ملابسه كلت معقوله يكون مفخخ

«« وخاصه بوقتنا يخطفون اصحاب الاعاقه ويلبسوهم احزمه ناسفه ويفجروهم »»»»

ياسبحان •اللّـہ̣̥ بس كتلهم ه̷̷َـَْـُذآ الطفل مفخخ كل العبريه انخبصوا شلون ينزلون اني كاعد يم الشباك شمرت روحي منه وكعت ع راسي واشوف السياره صارت عباره عن كتله نار وصوت دووي الانفجار بأذني صرت انزف م̷ـــِْن خشمي واذاني راسي ينزف دم وجهي مكرد ومشخط وكله دم رجلي ماكدر احركها ٱڅڑ منضر اشوف الناس ملتمه وصريخ وهوسه فقدت الوعي ...........

فتحت عيوني اني بالمستشفى واربع دكاتره ع راسي يفحصون ويدققون ويسألوني شنو يوجعك وبشنو تحس واني اجاوبهم كالو بس رجلك مكسوره وعندك فطر بالجمجمه و7خياطات ب راسك الْحٍمَدٍ للـّہ ع سلامتك انَـَت الشخص الوحيد الناجي كل اللي بالسياره استشهدوا

«وسألوني شلون طلعت كتلهم ماعرف حسيت راح يصير شي اجه ضابط بقى يحقق وياي عبالهم اعرف الانتحاري سولفتلهم كلشي صار وكتلهم اسمي ورتبتي بالعسكريه ومكان دوامي سألوا واتأكد الضابط وتركني بحالي بقيت ارتاح بس اللي صار ماينسي كلشي ينعاد بكل لحضه وخاصه اخر لحظه خطيه اشوف الركاب شلون يردون ينزلون كلمن يريد ينقذ نفسه م̷ـــِْن الموت وكم واحد يتم عائله وكم ام انفجعت حيل تعبت حاولت اغفى بس صوت الصريخ والهوسه براسي لشوي سمعت صوت بنيه تصرخ محمد لاتموت وتعوفني بس صريخ كأنها مفجوعه باقرب انسان طلعت م̷ـــِْن مكاني اشوف هاي حنين ام صوت الحلو بس كلت مامعقوله شدراها اني هنا وشجابها اساسا كلت اكيد هاي اوهام رجعت لمكاني والصوت يقرب والبجي والصريخ وعتابها حيل مؤذي كلت اكيد حنين مامعقوله كلها اوهام كمت واشوفها كدامي كوه واكفه بس مطيتني ضهرها وتبجي بحرگه ألم اتخربطت ورادت توكع لزمتها لحضني

حنين: منو محمد لٱ لٱ محمد مات. محمد محمد لاتموت وتعوفنا منو انَـَت وين محمد تهلوس بهالكلام وعيونها الحلوه ذبلانه والوجه مشخط م̷ـــِْن اضافرها وحالها حال حسيتها ام وتبجي ع ضناها

محمد: حنين گلبي اني محمد مابيه شي احجي ياروحي

حنين: محمد لاتمووووووت اغمئ عليها صحت للممرضات اخذوها سوولها تحاليل وشدولها مغذي شوي ارتاحت بس وهيه نايمه تبجي ودموعها تنزل وتكول لاتموت لاتعوفني لحضتها حيل كرهت نفسي لاني سبب حزنها وهيه صغيره اجت الممرضه وكالت المريضه حامل وعدها فقر دم نسبه 7واذا خلال اسبوع ماصار 8 الطفل تنزله واذا ننطيها دم احتمال يصير عند الجنين تسمم بالدم كان كلامها مامقبول هسه حامل الْحٍمَدٍ للـّہ رزق م̷ـــِْن •اللّـہ̣̥ وفقر دم مثل مهيمن اول اشهر بس مال تسمم ودم هاي واكفه صرفتها وكعدت حنين اتقربتلها

محمد: حنونتي شبيج حبي

حنين: محمد كابوس كابوس مرعب الْحٍمَدٍ للـّہ انَـَت موجود مامتت

محمد: منو كلج متت وشجابج للمستشفى

حنين: موبايل جاوبوني وكالوا استشهدوا واجيت وي كل اهلي للمستشفى محمد: وينهم هسه

حنين: ماعرف عفت وادور عليك بس لَيــِْ♡̷̴̬̩̃̊ـِْش. هيج حالك شصارلك واني شبيه محمد: الْحٍمَدٍ للـّہ طلعت بسلامه م̷ـــِْن الانفجار بس كم جرح براسي ورجلي مكسوره وانتي م̷ـــِْن كثر صريخج اغمى عليج ومبروك راح يجينا احلى طفل

حنين: منين طفل

محمد: يا گلبي انتي حامل وماتدرين بنفسج

حنين :بس شلون اني ارضع هومن ولسه عمره 7شلون يصير

محمد: رزق م̷ـــِْن •اللّـہ̣̥ بعد لٱ اعتراض وهسه شلون نلكه الاهل

حنين: هَـ (⊙﹏⊙) ــاآ خليني اسندك وتسندني ونطلع هسه نلكاهم لان اتفرقوا يدورون بالجثث بعد ما اعرف وين يرحون

محمد: يلا عيني نطلع نصير اقوياء عالمود اطفالنا وخاصه مهيمن بحاجتنا

««««««طلعنا اني وحنين بس شنو كوه نمشي م̷ـــِْن التعب بس وصلت باب الاستعلامات واشوف ابوي وزوجته وعمي وعائلته يبجون ويتلفتون شافونه انصدموا كانهم شايفين اشباح والصراحه حقهم اني ملابسي كلهن دم وممزقات وكل مكان بيه ملفوف وحنين تمشي بتعب وحالها حال عبالك طالعين م̷ـــِْن حرب اخذونا بالاحضان ويبوسون ويبجون حيل وخاصه ابوي حسيت حيله مهدود كأنه كبر 100سنه ،،،.

يتبع...

لاتنسون التصويت حبايب كلبي