احببتك وتالمت

البارت 12

{ احبــبتك وتألــمت }

__________________
البارت الثامن

...................................................................................

طلعنا وابوي خطيه سندني وعمي وحنين امها وخالتي سندنها وتمشي صعدت وي ابوي وعمي وحنين بالسياره وام حنين وخالتي وجواد واحمد واخوي جاسم بسياره رجعنا للبيت والناس كلها ملتمه بشارعنه واخواني مبين عليهم الانكسار واصلهم الخبر اني مستشهد ومنتضرين توصل جثتي بس م̷ـــِْن شافوني كلها ابتسمت فرح والهوسات سلموا عليه وتحمدولي بالسلامه دخلت لبيت عمي اخذت ابني لحضني وارتاحيت نص سَـآعــهْْ ورجعت وي ابوي لبيته اخواني وزوجاتهم فرحانين بسلامتي سوولنه وليمه وبيت عمي حاضرين وابوي كال يوم الجمعه اعزم العمام والخوال نذبج ونسوي ثواب لسلامتك

حنين: رجعت للبيت الْحٍمَدٍ للـّہ بعد ما تعبني مصاب محمد لان بوكتها ادمرت كلش حسيت فقدت روحي وبقى شهر مايداوم وماطلعنا م̷ـــِْن البيت ابد لان الناس تجينا وخطار بكل وقت واهلي فرحانين بحملي كأني اول مَـرّھٌ احمل وهومن كلش متعبني بس يبجي وشايلته لْـۆ يم ابوه وبعد كم شهر محمد ترك دوامه بتكريت وقدم ع مركز شرطه بمنطقتنه ويداوم قريب علينه رجعت للمدرسه هالسنه ثالث وكلش صعب ومنا ابني والحمل وحالي حال بس محمد حبيبي مساعدني وهواي واوقات الدوام مهيمن اخليه يم اهلي امي ونور يهتمن بيه وجهال احمد اخوي هواي يحبونه صار روتيني اليومي اكعد الفجر اُصًلًيےّ وانظف البيت وارتبه ونتريك اني ومحمد نبدل واخذ مهيمن ونطلع نوصل مهيمن ل امي تهتم بي واني يوصلني للمدرسة ويروح للدوام ارجع ب12الضهر اروح لأهلي اخذ مهيمن ومرات امي تنطيني اكل وارجع للبيت احضر دروسي وبعدها يرجع محمد نتغدا ونام سَـآعــهْْ ونكعد المغرب ادرس شوي والاعب هومن وبليل نسوي عشا ونكعد سوالف وضحك ودراسه وانام سَـآعــهْْ 12 ه̷̷َـَْـُذآ روتيني اليومي يوم عن يوم اتعب اكثر

وصلت شهر التاسع بالحمل ومهيمن كبر شوي وصار متعب اكثر م̷ـــِْن قبل خلصت امتحانات الثالث دخلت بشهر العاشر وماكو اي وجع للولاده رحت للدكتوره كالت فات موعد ولادتج وضروري اولد قيصري لان الطفل حاله تُعباُنٌ وطلع الجنس بنت الْحٍمَدٍ للـّہ اخذني محمد وامي للمستشفى واني ابجي ع حالي وخايفه م̷ـــِْن العمليه وامي ومحمد يصبروني وماكو شي والم قليل بس اني خايفه اموت وبعد ما اشوف اطفالي واهلي وحبيبي دخلوني لصاله العمليات طوارئ سَـآعــهْْ 11 اجت دكتوره وضربتني ابره التخدير ونمت ماحسيت ع اي شي

كعدت ع وجع مو طبيعي وبس ابجي ورجفه بجسمي واحس الجو بارد ثلج الرغم شهر 8والجو حار بس جسمي ثلج وارجف وابجي م̷ـــِْن الوجع امي تسكتني وصاحت الممرضات انطوني ابر مسكن اللام وشوي خف الوجع بس بارده خطيه محمد جابلي 2بطانيات شوي دفيت تحمدولي ع السلامه وطمنوني ع بنتي بخير ومحمد سماها نغم بصراحه ماعجبني الاسم بس هم حلو ماناقشتهم ع الاسم لان الوجع يكفيني بقيت يومين بالمستشفى وگلبي طاك ع ابني هواي مشتاقه ڵـهٍ وبنتي بـّخـْيرٌ دامـّگ بـْخـّيرٌ يـّٱلـّغـٌالـّے وارضعها بس العمليه تأذيني طلعوني وامي اخذتني يمها لان عمليه ويحتاجلي عنايه خطيه شموسه اجت يمنه

»»»جابت بنت تخبل سمتها قمر »»»

ومرام هم اجت وصار البيت هوسه وخطار بس كل هاي ماتهمني مثل اهتمامي ب مهيمن ما اريد اخلي يحس بنقص لان ولاده بنتي وهوه عمره سنه ونص الْحٍمَدٍ للـّہ عدت الايام بخير وسلامه ومحمد فد شي يخبل لعباته وي اطفاله وسوالفه الحلوه صرت اعشقه صار يساعدني بالبيت م̷ـــِْن يرجع م̷ـــِْن دوامه لان مالحگ اطفالي صغار ويحتاجلهم عنايه وبيت كبير ويحتاجله شغل ابقى نهاري ڱڵـه. للاطفال ومن يرجع محمد ينامون واخلص تنظيف وطبخ وغسل ملابس م̷ـــِْن يكعدون كلشي جاهز محمد مساعدته الي بالاطفال يدير باله عليهم م̷ـــِْن اشتغل وبليل نطلع نروح لاهله لْـۆ اهليـّۓ وبأيام العطل نطلع للزياره لكربلاء او النجف او نروح منتزهات وحدائق

««««بعد مرور سنتين »»»»

محمد: حنونتي هالسنه انتي سادس اريدج تطلعين معدل عالي حتى ادخلج هندسه او صيدله

حنين: حييييييل صعب والله شيجيب المعدل العالي ومنا شغل البيت والجهال شصير اني

محمد: كلشي ماتصيرين اهم شي مستقبلج الجهال اخليهم يم اهلي او اهلج اريد مستقبلج حلو مو تبقين للبيت وشغله

حنين: هَـ (⊙﹏⊙) ــاآ •اللّـہ̣̥ كريم بس انت شلون

محمد: اني شنو الْحٍمَدٍ للـّہ خلصت دراستي وشغل عندي واحلى عائله بعد شبيه

حنين : قصدي خاف اهملك بحقوقك

محمد: اويلي يااااب فديت الحقوقيه هالايام تعوضيني قبل الدراسه 😉😉 ☺☺☺☺ بدت الدراسة والحمدلله الدروس اكدر استوعبهن وكل يوم اكد الفجر اطبخ وانضف لما تصير سَـآعــهْْ 7 نتريك ونروح لاهلي لْـۆ بيت عمي نخلي الجهال يمهم واروح لمدرستي ومن ارجع كبل للبيت احضر دروسي واقرأ ومن يرجع محمد م̷ـــِْن دوامه يجيب الجهال وياه وكدرت اهتم بالدراسه والبيت وكلشي ماشي سهل وخلصت امتحانات نصف السنه وكلشي ټمـٱمـ مهيمن صار عمره 3سنوات ونغم 2سنه وكلش مؤدبين مايتعاركون يلعبون بهدوء ومن يشوفوني ادرس كلمن ياخذ كتاب ودفتر ويشخبطون ومحمد عشق م̷ـــِْن نوع ٱڅڑ هوه الشخص اللي ماردته زوجي بس الْحٍمَدٍ للـّہ عسى ان تكرهوا شيئا وهو خير لكنها محمد يعاملني كأني ملكه ويخاف عليه كأني طفل ويهتم بيه كأني بنته ممكن اكون محظوظه بشخص يحبني مثله ويمكن اكثر م̷ـــِْن اهلي صّـْْ(☑)ـْْحّ اني محبوبه عند الكل وما أذي شخص ولا اتجاوز واللي يغثني بكلامه يكون جوابي دمعه خفيه وانزل راسي وابتعد عنهم ومحمد شخص حقاني ماياخذ حق غيره ويهتم بكل اللي يحبونه حتى خواته م̷ـــِْن امه يحبنه اكثر م̷ـــِْن اخوتهن لان يسأل عليهن وينطيهن مصروف اذا ماعدهن ويتعاطف وياهن احسه ابوهن مو اخوهن واني اخواني يحبوني وخاصه احمد يحبني هواي يكولي انتي طفلتنه المدلله وابوي خطيه السكر اخذ م̷ـــِْن صحته وصار يتعب بسرعه وامي الضغط مأذيها نواره حبيبتي ماصارت حامل بعد اكتفت بحسن ومريم ودراستهم واختي مرام اموري وياس كبروا ما احلاهم وهم جابت بنوته سمتها ورده، وشموسه حامل وبيها ولد وقموره صايره تخبل اما جواد اه ياخويه ه̷̷َـَْـُذآ مصيبه مايقبل يتزوج قافل
لان يحب بنيه كورديه
واهلها مايقبلون ينطوها اله....

يتبع...

لاتنسون التصويت حبايب كلبي
احبكم😘