احببتك وتالمت

البارت 13

{ احبــبتك وتألــمت }

__________________
البارت الثامن

...................................................................................

اما جواد اه ياخويه ه̷̷َـَْـُذآ مصيبه مايقبل يتزوج قافل لان يحب بنيه كورديه واهلها مايقبلون ينطوها اله وقافل عليها لْـۆ هيه لْـۆ مايتزوج

«««خلصت امتحانات السادس وباقي 10 ايام للنتائج»»»

محمد: حنين تعاي احاجيج

حنين: بس انوم الجهال واجي اخذتهم لغرفتهم نومتهم كلمن بمكانه غطيتهم وطلعت لمحمد اخذت كرزات وفواكه وكعدنا بالصاله مشغلين فلم اجنبي هَـ (⊙﹏⊙) ــاآ گلبي كول شكو

محمد: حنين باجر ترحين وياي اسجل البيت والسياره بأسمج

حنين: ههه محمد شبيك شسوي بيهن

محمد: حنونتي اني مادايملج وخاصه شغلي عسكري يعني الموت وياي بكل مكان واريد اضمن مستقبلج انتي واطفالي لان ماتعرفين اخواني يحبوني طمع مو حب لله

حنين: يا اسم •اللّـہ̣̥ عليك يابعد روحي انَـت أذا متت اني شنو حياتي بدونك وشلون اعيش

محمد: عيوني. انتي تعيشين حياتج وتشتغلين وتهتمين بأطفالنا وهم تتزوجين بس اهم شي اطفالي امانه عندج

حنين: حضنت محمد واني ابجي حيل واكوله فدوه لاتموت وتعوفني والله صعبه حياتي بدونك بقى يبوس بيه ويكلي انتي شفتي م̷ـــِْن كالولج متت انهاريتي حيل هالمره اريدج قويه انتي تزفيني للنجف وتحضنيني وماريدج تعوفيني لأخر لحضه صرت ابجي حيل واني اسمعه يودعني ويحضني كأنه ٱڅڑ مَـرّھٌ يشوفني مرت 4ايام ومحمد سجل البيت والسياره يأسمي واني بهالايام ماطلعت م̷ـــِْن البيت مكابله محمد والجهال وكل وقتنه ونسه وضحك وطلعنا اخذنا للجزيره نتونس وراها بيومين اخذنا للزوراء يعني حسيت محمد يريد يقضي اخر ايامه ويانه حتى اخذ اجازه اسبوع بس يقضي ويانه استلمت الشهاده ومعدلي جان 89 قدملي ع. الصيدله بس اهلي ودفع مقدمه 2مليون وباقي 4اشهر واداوم واطفالي هالسنه اخليهم روضه

وبيوم 2/5/2019
محمد اتأخر بالدوام حاولت اتصل وماكو رد وبعدها الجهز مغلق صارت ال5العصر وهوه ماكو كلش خفت اخذت اطفالي ورحت لأهلي اقرب شي الي لان بيتهم بالفرع واني بيتي بالركن وبيت عمي بالشارع الورانه وصلت لبيت اهلي واني ابجي واشهك حيل نور اخذت مهيمن ونغم وحسن ومريم صعدتهم للغرفه يلعبون ونزلت هيه وامي يردن بس يفتهمن مِڼـّي شكو واني ابجي اذكر كلامه الحلو وشلون يوصيني ع الجهال وهاي اليومين يكعد بليل يحضني ويبوسني ويكلي اشبع منج واليوم گلبي يوجعني احس راح يصير شي يغير حياتي كمت بسرعه كلت لأمي امشي وياي اخذتها بدون كلام ولا كتلهم ع محمد رحت لمركز الشرطه اللي يداووم بي سألتهم عليه گالو طلع عنده مهمه القاء القبض ع مجموعه ارهابيه انهاريت وكعت بالمركز واني ابجي اكللهم والله ميت ومحد يگول امي تسكتني ماكو اجه ظابط منهم گال محمد و2شباب متصوبين وناقليهم للمستشفى رحت وياهم بس هالمره ماقبلت ادخل للطوارئ كتلهم اروح للطب العدلي اشوفه هوه ميت محد يصدكني اخذني الظابط وامي وياي خابرت ع ابوي وسولفتله بالمختصر وصلنه للغرفه والظابط كال خويه زوجج بطل صيري قويه مثله ولاتنهارين كتله شوكت استشهد كال سَـآعــهْْ 2الضهر اي نفس الوقت اللي وكع مِڼـّي الماعون وانكسر حسيت بيه شي موطبيعي وجسمي يرجف دخلت للغرفه وكلي ارجف ودموعي تنزل بحرگه شفت 4سديات مغطيهم بقماش ابيض گلبي وجعني حيل بيهم واحد ايده طالعه شوي رحتله امي لزمتني كالت مو زوجج بس كتله كلبي يدليني مكانه تقربت عليه واباوعله وارجع اباوع للجثث اليمه واباوع لأمي تهز براسها وتبجي والظابط شافني نزل راسه اي هوه محمد

رفعت القماشه منه اشوفه وجهه ابيض وعيونه الزرك مغمضه وشعره الاشگر مرتب ولاعبالك ميت گاني اشوفه نايم مثل كل مَـرّھٌ ابتسمت ولزمت وجهه مسحت ع شعره كتله اكعد حبيبي كافي نوم مهيمن ونغم ينتظرون جيتك لهسه مامتغدين يردونك تكعد وياهم صرت احاجي مثل كل مَـرّھٌ اكعده وهوه نايم امي تقربت عليه وجانت منهاره م̷ـــِْن البجي بس تريد تصبرني لزمتني م̷ـــِْن جتافي وكالتلي بنيتي صيري قويه لخاطر اطفالج دنكت عليه بسته م̷ـــِْن راسه وبعدت القماش حتى م̷ـــِْن صدره ولابي اي اثر كتلهم نايم والله ماميت شلون تكولون ميت مابي اي أثر لطلقه او ضربه شلون مات تقربلي الظابط وكال

»»مضروب براسه م̷ـــِْن وره وطلقه بضهره مالحك يوصل المستشفى وياه 3اشخاص 2استشهدوا واحد مصاب وعنده وصيه الج بس تتحسن حالته يسولفلج بس حاولي تصيرين قويه لخاطر اطفالج »»»

باوعتلهم وعيوني مدمعه كتلهم اخذه وياي للبيت الًيَوُمًِ اطفاله يشبعون منه

««بقيت بس ابجي اخذوني گوه ماقبلت ارجع لأهلي دخلت لبيتي فقدت بقيت بس اصرخ املخ بروحي لساعه 10بليل جابولي محمد شايلي بتابوت كتلهم تنومونه بجربايته ضهره وراسه ملفوف ولافي بقماش ابيض خلوه بالجربايه جبت بطانيته وغطيته كعدت ع ركبي كبال جربايته دموعي تجري جماعته كلهم طلعوا عمي كعد كباله يبجي ويضرب ع راسه امي وابوي يمي يتباجون عمتي تبجي واخوانه وخواته موتن روحهن م̷ـــِْن البجي لشوي كتلهم اريد جهالي جابولي ياهم كلت لأمي نريد نبقى وحدنه طلعوا الغرفه اشوف جهالي يبجون وخايفين واكفين يم الباب رحت لمحمد فتحت ايديه ورتبت المكان يمه وحضنت اطفالي كتلهم بابا يريدكم تنامون يمه نومت مهيمن ع ايده اليمنه ونغم م̷ـــِْن ايده اليسره بقيت اسولفهم

«« كان مكان بهالمكان والزمان اكو ثنين اطفال حلوين ولد وبنيه ابوهم البطل وامهم الحنينه ابوهم يريد يجيبلهم الامان راح قاتل الارهاب وانغدر ومات نام ابوهم بمكانه واطفاله باحضانه امهم دمعت عيونه المابجن بوجود البطل راح امانهم وماكو بعد امان »»كمت ابجي

مهيمن: ماما لاتبجين لايكعد بابا خطيه تُعباُنٌ ونايم

نغم: اي ماما لاتبجين راح ننام بهدوء لفيت ملابسي حيل ع وجهي وكمت ابجي اختنكت حسيت راسي يريد ينفجر شفت اطفالي نايمين بحضن ابوهم طلعت م̷ـــِْن الغرفه وامشي گوه شفت خواتي وامي وعمتي وكل البنات كاعدات بالصاله وكلمن بيدها جزء قرأن كمت امشي صعدت الدرج ثاني بايه وكعت حسيت كلش دايخه وجسمي يرجف احس الجو ثلج خشمي ينزف دم وغواش بعيوني

يتبع...

«لن تنتهي حكايه حنين كيف ستكون حياتها بعد الامان »

لاتنسون التصويت حبايب كلبي
احبكم 😘