فات تقريبا شهرين و راح نعطيكم أهم التطورات لي صرات في هذي الفترة .... رنيم قنعت قاسم باه يبقى يعيش معاهم في الفيلا و مايكريش وحدو كيما كان حاب و بدات تخدم مع عمر و خلاتو يوثق فيها و زهرة راهي حامل و في الشهر الخامس (أصبروا ذرك نفهمكم كيفاه في الشهر الخامس 😂) تسما هي فاقت بلي راهي حامل و هي في الشهر الثالث و نزيدوا ليهم شهرين يلحقوا خمسة ( وااي نعرف نحسب 😂) ... المهم سامي خطب أحلام و عرسهم قريب و غالية و رامي تعلقوا ببعضهم و بداو يحبو بعضهم .... و زيد رامي بدا يخدم مع جود في الشركة و يتعلم منو باه يحكم شركة باباه
...... أوكي درك نروحوا عند رنيم:
الساعة 9 تاع الصباح
رنيم : جود يا لبهيييم نووض
جود : ممم واش كاين
رنيم : لا ما كاين والو راهي 9 و أنت مزالك راقد
جود : اااه 9
ناض يجري راح لدوش يغسل في وجهوا و يحكي
جود : رنيم أجبديلي قشي و عيطي لقاسم و قوليلو يبدا في المراجعة تاع الملفات حتى نوصل
راحت رنيم لعندوا
رنيم : إيه سيد جود كاش ما تحب حاجة أخرى .... وليت سكرتيرة تاعك
جود : والله مانقبل نحطك سكرتيرة عندي
رنيم : وعلااااه وش خصني
جود : مممم أنتي تتحطي مديرة و أنا نخدم عندك سكرتير 😁
رنيم : قييييو فاااقو
جود لبس قشو و خرج بعد ما خطف من عندها بوسة و هي دخلت تدوش .... دوشت و خرجت راحت لجامعة كملت المحاضرات كانت الساعة تقريبا زوج تاع لعشية ..... ركبت لوطو تاعها و راحت لدار
رنيم : ماما(على أم جود) ...... إبتهال وينكم
خرج عليها جواد يمشي و يتعكل
رنيم : يا عمري يا عمري شكون جا عندي
راحت لعندو و هزاتوا
رنيم : جوجو وينها هذيك لبڨرة أمك
جواد : تيتا 😁
رنيم : إيه نسييت ماكش راح تفهمني و تعطيني إجابة صحيحة 😂😅
جواد : بيبي .... بيبي
رنيم : احاااا وين تشوف فيه لبيبي .... أنا قتلني الجوع نروح كاش مانوكل
دخلت للكوزينة و لقات هديل و أم جود يديروا في لڨاطو
رنيم : مسا الخير عليكم
إبتهال: أهلا واش تغديتي ولا نحطلك
رنيم : لا ماتغديتش
راحت هديل تحطلها لغدا
رنيم : ماما تاع واش هذا الڨاطو
أم جود : يا بنيتي عندي وحدة حبيبتي دايرة عرس بنتها راح نديلها الڨاطو
رنيم : إيييه دبرتيها 😁 عرس ... شوفي أرڨصي مليح كاش ما يشوفك ولد لجلال و يخطبك
أم جود : يا لطيييف يا بنيتي هذا واش خممتي 😁
إبتهال : 😂 والله عندها حق
أم جود : هيا أسكتوا عليا 😁
رنيم : ماما نروح نبدل قشي و نجي نطيبلك لڨاطوا
إبتهال : وعلاه ماتخدميش ليوم
رنيم : لا ني عيطت و قلتلهم بلي تعبانة مانقدرش نروح
راحت بدلت قشها .... لبست جبة حمرا و راحت للكوزينة و بدات تعاون فيهم
رنيم : ماما روحي أنتي أرتاحي شويا راكي غدوة رايحة و طريق شويا طويلة
أم جود : لا خلي برك
راحت عندها رنيم وقفتها
رنيم : هيا روحي أرتاحي
خرجت أم جود و كملت رنيم و إبتهال الڨاطوا و كانوا قاعدين في الأرض حتى دخل جود
جود : وااااو شوف شكون يطيب في الڨاطو
رنيم : جود جابك ربي هات يدك وقفني
راح عندها جود هبط حط يديه في وسطها و وقفها
رنيم : جود وش هذي الريحة لي فيك
جود : وش من ريحة
رنيم : أوووف ريحة ماشي مليحة ... ااااع راح نرجع
راحت لدوش و جود راح جنب إبتهال
جود : إبتهال شمي والله مافيا والو
إبتهال : وي وي ريحتك باهية و رنيم تعبانة شويا نروح نشوفها و نجي
راحت لعندها إبتهال
إبتهال : رنيم شبييك 😁
رنيم : والو ... و أنتي شبييك تضحكي تحسب راكي في سيرك
إبتهال : أحمم أححممم والو .... هيا نطلعك لبيتك أرتاحي شويا
داتها لبيتها و راحت حكات لأم جود .... و راحو عندها
أم جود : رنيم بنتي رتحتي شويا
رنيم : ماما والله ماكان والو ني لاباس عليا
أم جود : إيه نشالله ماكان والو .... صحا بنتي جاتك ...
رنيم : لا وعلاه .... ياربي ماتقوليليش عندي مرض و راح نموت عرفتها كحلة و خذي على روحي
إبتهال : 😂😂 خلا خلاص يزي بلا نواح يضهرلي هذي أعراض حمل
رنيم : وااش حمل .... لا تڨسري باين
أم جود : وعلاه يابنتي
رنيم : أما أنا نخدم و نقرا مانقدرش على هذي المسؤولية
إبتهال : عااادي .... أنا راح نروح نقول لجود يشري تاست
رنيم : لا لا درك نقولوا أنا خلوه سر بينا
أم جود : معليش
كانوا خارجين و هي خارجة معاهم ..... رنيم حطت يدها مع الحيط
رنيم : إبتهال راسي يدور مانيش قادرة نوقف
إبتهال رجعت عندها حكمتها و رجعتها للفراش و أم جود رجعت معاهم
إبتهال : وش حاسة رنيم وش يوجع فيك
رنيم : والو والو راسي برك
إبتهال : وااش راسك يوجع ياااسر
رنيم : إيه
أم جود : إبتهال عيطي لجود يديها لسبيطار
طلع جود و هزها كيما راها داها لسبيطار .... وصل .... دخل عند الطبيب
الطبيب : وش عندها
جود : منيتك كون جيت علابالي وش عندها نجيبها عندك
الطبيب : أوكي ... أوكي
دارلها فحص ...
جود : وش عندها
الطبيب : عااادي أعراض عادية في بداية الحمل ....
جود : واااش حمل 😁😁😁 .... ااااا راح نولي أب 😂😂 راااح نولي أب
الطبيب : 😁 إيه أهم حاجة بعدوها على الغش و القلق و المشاكل و التعب
جود : إيه ... إيه ما دير والو
الطبيب : باين هذا أول طفل
جود : 😁😁 وي وي
الطبيب : أرواح تقدر تسمع دقاات قلبو
داه عند رنيم و دارلها هذاك الدوا في كرشها و بدا يحرك حتى خرجت التصويرة و بدا يسمع في دقات قلب
جود : شحال عمروا 😍
الطبيب : شهر و نص 😀
رنيم : ماتقدرش ديرلنا صورة
الطبيب : وي معليش
عطاهم التصويرة و خرجوا
.
.
.
يتبع 😁 😁
وينها لي سقسات وقتاه يجيبوا بوبو صغير ....رآه قريب ... هيا رايكم و دعمكم و أفكاركم
نحبكم 😘😘
أنت تقرأ
في مستشفى الأمراض النفسية(بالهجة الجزائرية)
Romantik💟جود & رنيم 💟 لقاء في مستشفى الأمراض النفسية بين مريض إكتئاب و فتاة حاولت الإنتحار ليقرر القدر إعطائهما الحب ذات يوم سمعت .... أحدهم يقول من الصعب💔 أن تصل♥ لكن ليس🚫 من المستحيل 💪 ممنوع نقل القصة
