في مستشفى الأمراض النفسية(بالهجة الجزائرية)

💟 الحلقة 12 💟

رنيم : قلتها قبل و حبيت نعاودها درك عمرك ما راح تربحي حاجة من الرقاد
غالية (تنهدت) : ......
رنيم : وي أبقاي ساكتة و ضيعي حياتك
غالية (بصوت هادي) : أصلا حياتي ضايعة 💔
رنيم تفاجئة بعد ما ردت عليها شافت فيها و قالت : ما كانش حاجة تضيع من دون ما تلقايها
غالية : أنا .... أنا ضعت واحد ما لقاني
رنيم (وقفت من فراشها ) : أنا لقيتك
غالية : أنا توجعت و واحد ما دواني 😔
رنيم (قربت لعندها قعدت على جنب السرير حطت يدها على كتف غالية ) : أنا نوعدك ندويك و حتى حاجة ما تجرحك
غالية : ما تقدريش أنا فقدت الثقة في أقرب الناس ليا كيفاه راح نصدق
رنيم : خلاص ما تصدقيش أما نوعدك مع الوقت راح توثقي فيا .......... مانيش راح نضغط عليك تقدري تبقاي هنا اليوم أما بشوية راح تخرجي من هنا
غالية ( تبسمت )
رنيم (وقفت و بعد رجعت هبطت لمستوى غالية ) : تعرفي بلي عندك ضحكة تهبل ما لازمش تخبيها بين لحيوط هذي ..... و درك باي
خرجت رنيم و راحت لبيت لي يرقد فيها جود و هو يرقد في بيت وحدوا دخلت بشوي قفلت الباب راحت قعدت في جنب السرير حطت يدها على شعروا و بقات تفوت فيها على شعروا جود كان نايض أما ماحبش يحكي حس كأنوا جداتو معاه وقتها عينيه تملات بدموع
جود : رنيم وش ديري هنا 😫
رنيم : جود نضتي 😁 هيا تجي معايا نفطروا
جود (كان حاب يبكي أما بلا مايشوفوا حتى واحد وقتها دار عند رنيم حضنها و قعد يبكي )
رنيم : شبيك جود وش كاين
جود : .......
رنيم فهمت و بقات تمسح على ظهروا حتى سكت
رنيم : إيه و ذرك ما نفطروش و لا 😅
جود : 😂 واش أنتي ديما جيعانة ........... هيا أخرجي نبدل قشي و نجي أوكي
رنيم : أوكي
رنيم هابطة في الدروج حتى تلاقات مع أحلام
أحلام : كنت جاية ليك
رنيم : 😁 وش توحشتيني
أحلام : 😂 نن عيط واحد و قال لازم يحكي معاك ضروري
رنيم : ما قالش شكون
أحلام : أيا أمشي تلعبي حسابلك سكرتيرة عندك 😂
رنيم هبطت لتيليفون كانت ماشية و تخمم شكون هذا لي عيط وصلت لتيليفون
رنيم : آلو أنا رنيم شكون معايا
......: رنيم وش ماتوحشتينيش
رنيم (قلبها يضرب بالقاوي) : ش .... شكون أنت
....... : ممممم يعني ما عرفتينيش
رنيم : أشرف وش تسحق فيا كلشي خلاص بيناتنا
أشرف : نن و الله مانقدر نعيش بلا بيك
رنيم : هذيك الغلطة تاعك ما نزيدش نحب نسمع صوتك و قبل ما نكوبي حبيت نقلك عرفت بلي أنا كنت معجبة بيك برك أما درك راني نحب نحب طفل و هو ثاني يحبني

كوبات قبل ما يهدر أول ما دارت لقات جود في وجها حضناتوا
رنيم : نحبك
جود: 😅 مهبولة حتى أنا نحبك
رنيم : ماتخلينيش 😇
جود : أوكي نوعدك 😁

😘 فاتت سمانة 😘
نفس الروتين ما تبدل والو (كل يوم رنيم كانت تحاول تقنع غالية باه تخرج) اليوم ناضت رنيم على صوت حس قاوي قدام باب البيت تاعها فتحت عينيها و مالقتش غالية في بلاصتها تخلعت خرجت قدام الباب لقات غالية واقفة و المرضى و الأطباء دايرين بيها
رنيم (راحت حضنتها) : غالية و أخيرا خرجتي
غالية : عندك حق الدنيا مليحة 😇
رنيم : 😁 باينة هادي هيا معايا
داتها لسبيطار كامل و زيد عرفتها ب جود و أحلام و فوتوا نهار مع بعض

Mon 7bibeti a9raw et a3touni raykom 😘😘