في مستشفى الأمراض النفسية(بالهجة الجزائرية)

💟 الحلقة 40 💟

رنيم : غالية ماشي يااسر هكا 😁
غالية : لا والو وليد أختي يستاهل أكثر
رنيم : مرسي حبيبتي
رامي : إييه رنيم كبرت و راح تجيب طفل
جود : و أنت كبرتي و لدرك لا زواج لا ميمون 😂😂
رامي : 😂😂 شفتي شفتي هذا كل في سباب غالية
غالية : ااااا وأنا وش درتلك صحا أنا طول ننصح فيك وش تقول لطفلة لي تحبها و أنت تقعد تجرب تقولها ليا و مين تروح عندها ماتقلها والو
رامي : نندب وجهي 😂😂 لعشية نلاقيك بيها و قوليلها أنتي أوكي
غالية(بصوت حزين) : أوكي
جود : هيا رنيم نروحوا باه ترتاحي شويا
رنيم : وي ... رامي ماتنساش بوسها 😁😁
راحو خرجو و بداو يمشو باه يرجعوا للوطو
رنيم : اااا جود عييت
جود : هيا برك قريب نوصلوا  و لا كبرتي 😂
رنيم : ما كبرتش 😒 mais كليت ڨاطو يااسر مانيش قادرة نتحرك
جود : خلاااص هيا نهزك
رنيم : لا طريق بعيدة
جود : مالا وااش
رنيم : أنت روح جيب لوطو و أنا نستناك هنا
جود : أوكي مانطولش 😘😘
رنيم : وي
رنيم راحت قعدت على كرسي هاذوك لي يجو في الطريق  و هو راح .... شويا و عيطلها عمر
عمر : وي منال حبيبتي ريحتي شويا
رنيم : وي عمر راني مليحة
عمر : وينك
رنيم : ااا راني مروحة من عند الطبيب
عمر : وحدك !!
رنيم : لا معايا محمد راح يشري و يجي
عمر : أوكي كملي غدوة أرتاحي و بعد غدوة لازم تجي
رنيم : وي إنشاءالله
عمر : وي بعد غدوة راح ندخلك لعالم الصفقات لكبيرة راح نعرفك على أكبر سر عندي
رنيم : وش هذا السر
عمر : ماشي حكاية تاع تيليفون
رنيم : أوكي لعزيز نشالله بعد غدوة نتلقاو و تهلا في روحك
عمر : وي عمري حتى أنتي تهلاي في روحك باااي
رنيم : بااي
لحق جود و ركبت معاه
رنيم : جود راح نروحوا
جود : وي 😁 وعلاه
رنيم : مانحبش
جود : وش ماتحبيش
رنيم : مانحبش نروح 😁😁 راني فرحانة كلشي راح يتحل
جود : كيفاه
رنيم : عمر عيطلي و راح نقدر نصور نسخ العقود تاع الصفقة لي راح يديرها و هكا يروح للحبس مؤبد
جود : تحكي صح 😁
رنيم : وي وي  😁😁
جود دار لغنا و بدا يسوق فرحان و يغني و رنيم ثاني تغني و يشطحوا

(😁😁 كيما هذوا )
وبقاو يحوسوا حتى لحقت التسعة تاع الليل تيليفون جود يصوني
جود : آلو
قاسم : وي عمريي وينك
جود : هيا هيا أحشم شويا 😁
قاسم : 😂😂 معليش وينك
جود : راني برا وعلاه
قاسم : ااا قول والله بلي راك برا حسابلي راك في الدار هيا قولي رنيم واش عندها
جود : ممم عيطي علاجال رنيم ... والله ماعلاباليش عندها طفلة ولا طفل 😁
قاسم : ماتقليش حامل صح
جود : 😂😂 وي وي
قاسم : مسكينة كون غير ماتجيبش طفل نسخة عليك
جود : خسارة عليك وعلاه أنا واش خصني
قاسم : لا ماخصك والو غير لعقل
جود : ممم خليتوا ليك
قطع و كمل يسوق وصلوا لدار و دخلوا لقاوهم كامل في الصالة
رنيم : تعشيتوا !!
قاسم : ناس تدخل تقول مساء الخير ماشي تعشيتوا 😂
إبتهال : لا مزال وعلاه جعتي
رنيم : لا مانيش جيعانة راني نعسانة برك
أم جود : إيه بنتي لازم ترتاحي
جود : وي هيا نطلعوا
قاسم : جود أرجع أسهر معانا
جود : هههه وي درك نجي
قاسم : راك تفوت فيا برك
جود : لا والله والو
قاسم : أوكي
طلعوا بدلت رنيم قشها و جود ثاني ... حطها في السرير غطاها و قعد على جنب السرير و عنقها
رنيم : جود
جود : وي
رنيم : لازم رامي يعرف
جود : واش لازم يعرف
رنيم : لازم يعرف بحكاية عمر بلاك نحتاجوه معانا
جود : في واش راح نحتاجوه
رنيم : ماعلاباليش المهم هو صديقنا و لازم يعرف كلشي
جود : خلاص بعد مايكمل كلش راح نقولو
رنيم : لا أحكيلوا درك
جود : وعلاه
رنيم : وعلاه أنت وعلاه رامي مايسحقش يكون صاحبنا صح
جود : رنيم هو صاحبي صح على هذيك مانيش باغي ندخلوا في هذي المشكلة
رنيم : لا لازم يعرف
جود(بصوت عالي) : خلااااص تبقي غير تملي عليا وش ندير و واش مانديرش
خرج و خبط الباب وراه .... رنيم بقات تبكي حتى رقدة ... ناضت الصباح و شفاتوا راقد راحت لدوش غسلت و لبست قشها هزت كباتها و صاكها .... كانت خارجة من البيت
جود : وين رايحة
رنيم : مادخلش روحك فيا
جود(بصوت عالي) : قتلك وين رايحة
رنيم غمضت عينيها من الخلعة
رنيم : رايحة لدارنا و مانيش نستنا فيك تقلي نقدر نروح ولا لا ...و مانحبش نشوفك
جود : أوكي ... أوكي روحي
رنيم : إيه راني رايحة
خرجت و خبطت الباب راحت تمشي بشوي و صلت للوطو تاعها بلا مايشوفها حتى راحت للجامعة فوتت نهار كامل و هي في الجامعة أما عقلها كان في بلاصة أخرى
أما جود بعد ما خرجت رجع تكا و غطا وجهو بالغطا
جود : ماكانش لازم ندير هكا ... رنيم راحت ... يا بهيم راحت الحاجة لي قدرت تبني حياتك من الصفر و ترجعها هكا راحت .... وهذا كامل وعلاه على خاطر خايف عليها .... هكا تحميها ... غالط هكا و كأنك قلتي ل عمر دير وش تحب
ناض لبس قشوا و راح لشركة لقا سامي و رامي داهم و راحو للكافيتيريا
جود حكا لرامي كلش و زيد قالهم بلي رنيم راحت
رامي : صحا قولي الشرطة علابالها
سامي : لا
رامي : أغبياء عملتوا هذا التخطيط كامل و ماقدرتوش تحكوا للشرطة
جود : الشرطة ماعندها واش دير من بعد نحنا نعطوها الأدلة و هي تقبض عليه
رامي : لا لازم تكون معاكم الشرطة ... يعني لوكان بعيد الشر عمر يكشف رنيم قبل ماتخرج
جود : و درك كيفاه نديروا
رامي : خلاص أنا عندي ولد خالتي شرطي راح نحكيلوا و هو راح يعاونا و نقدروا نديروا خطة باه نضمنوا رنيم ماتتأذاش
فات الوقت بالخف ... الناس كل كانت مشغولة ... كل واحد كان يجهز لغدوة ... يعني وش راح يصرا ... عيلة رنيم ما كانوا عارفين والو غير أنو راح يجيهم حفيد جديد .... راهي 12 تاع ليل ... و سامي و جود و أفراد الشرطة كملوا خطتهم و كانت ساهلة و مفهومة هوما راح يحاصروا المكان لي راح يديروا فيه العملية و إذا إتصلت رنيم هما يقتحموا المكان
طلع النهار واحد ما رقد كامل خايفين على رنيم إلا هي كانت خايفة على جود
ناضت دوشت و لبست هكا 👇👇👇