في مستشفى الأمراض النفسية(بالهجة الجزائرية)

💟 الحلقة 25 💟

رامي : إيه حبوبتي أحكيلي كيفاه حتى تزوجتي
جود : 😠 وش راك تحكي مع رنيم
رامي : إيه باينة 😁
جود : كيفاه هذي تحكي مع مرتي كيما هكا و زيد في وجهي
رامي : شبييك نورمال 😁
جود (وقف من بلاصتوا ) : والله نسمعك لمرة الجاية تقولها والله نقتلك
سامي (راح حكم جود و بقا يطبع فيه باه يخرجوا برا ) : خلاص جود هدي روحك
جود : سامي أبعد خلي نروح نحيلوا لسانوا باه مايزيدش يحكي معاها
سامي : خلاص برك على وجهي ماديرش المشاكل رنيم عندها مشكلة وقت يتعاركوا قدامها الناس ماتتحملش قداه من مرة تروح لسبيطار بسبب لعراكات حتى أنها و عمي مايتعاركوش علاجالها
جود : خلاص ..... خلاص مانيش داير والو
سامي : إيه ماتخسرهاش ... ماتغلطش رايح تندم 💔
جود : 😁 واش حسيتك تحكي عن التجربة
سامي (قعد في لرض ) : وي خسرت حبيبتي 💔😭
جود قعد جنبوا و بقا يصبر فيه
نرجعوا لداخل وين كانوا قاعدين حتى دق الباب
رنيم : هذا جود و سامي .... درك نروح أنا نفتح الباب
إبتهال : لا أقعدي أنني درك نروح أنا
فتحت إبتهال الباب و لقات 2 بنات
إبتهال : تفضلوا شكون أنتم
غالية : أنا غالية و هذي صحبتي أحلام نحنا صحبات رنيم
إبتهال : اااا تفضلوا مرحبا بيكم
أحلام : مرسي 😇
دخلوا و أول ماشفتهم رنيم بدات تبوس و تعنق
رنيم : توحشتكم 💓💟
غالية : 😅 أنا ثااااااني توحشتك ياسر 💟😘💓
أحلام : و أنا توحشتك ياسر حبيبتي 😘😘
و راحوا قعدوا مع باقي لعيلة
أم رنيم : رنيم بنتي عرفينا على صحباتك
رنيم : إيه نسيت .... هذي أحلام و هذي غالية
......غالية و أحلام هذي ماما و هذا بابا ... هذي عمتي حبيبتي 😇 .... و هذي أختي زهرة و هذا راجلها .....هذي أم جود أمال .... هذا أب جود مصطفى ..... وهذا قاسم أخ جود لكبير و إبتهال مرتوا ..... وهذا صديق الطفولة رامي و عمتي زكية أم رامي

أحلام و غالية : 😊😊 نتشرفوا
باقي العائلة : الشرف لينا 😇
عمتها : تهبلوا ربي يحفظكم
أحلام و غالية : 😊 مرسي
قاسم : إيه كي جات الناس كامل مانقدروش نتغدوا درك 😂
رنيم : 😁 إيه و الله حتى أنا جعت .....  جود و سامي وينهم
عمتها : درك نروح نعيطلهم
راحت عمتها تعيط على جود و سامي .... أما الباقي راحوا قعدوا في الطابلة و كانوا يحكوا و رنيم قاعدة جنب غالية و أحلام و تحكي ليهم في قصة العرس و يضحكوا حتى دخلت عمت رنيم و معاها جود و سامي وقتها أحلام سكتت و سامي أول ماشافها حبس في بلاصتوا
جود : أحلام .... غالية لباس عليكم واش هذي غيبة
غالية : 😁 لباس لحمد ... وأنت
جود : وش نسحق باه نكون لباس رنيم و عيلتي و راكم كامل هنا 😁😁
أحلام ( تحكي في وذن رنيم) : رنيم هذا وش جابوا هنا
رنيم : على شكون
أحلام : ماتتمسخريش سامي وش يدير هنا
رنيم : سامي ولد عمتي .... أنتي من وين تعرفيه
أحلام : رنيم مانقدرش نقعد هنا
غالية : أحلام هذا سامي لex تاعك ولا أنا غالطة
أحلام (تشد في دموعها ) : إيه ..... هو💔
جود : سامي شبيك واقف (سامي ماكانش سامعوا ) ....... سااامي
سامي : وي
جود : أقعد
سامي : إيه
راح قعد و كان مقابل أحلام
أحلام (بصوت منخفض) : رنيم تعيشي ماتخليهاش بيا هيا نروحوا
رنيم : أوكي ..... جود راني طالعة لبيتي و درك نجي
جود : أصبري نطلعك
أحلام : لا .... لا خلي درك أنا و غالية نطلعوها
جود : لحمد سمعت صوتك حسابلي بلعتي لسانك الطويل 😂😂
أحلام : لا مازال راهو هنا 😇
طلعوا لبنات و سامي حكا مع جود في وذنوا
سامي : من وين تعرف أحلام
جود : أحلام ممرضة في مستشفى لي كنت فيها أنا و رنيم .... رنيم هي لي عرفتني عليها
سامي : جود هذي هي الطفلة لي حكيتلك عليها
جود : تحكي صح
سامي : إيه 💔
جود : نصيحة روح أحكي معاها
سامي : مانقدرش

أم رنيم : أنتم وش راكم تحكيوا سمعونا معاكم
سامي : 😅 والو .... قلت لجود بلي راح نخطب و هو قلي بلي راح يعاوني
أم سامي : إيه .... نشالله ياولدي
جود : 😁😁
.
.
.
.
.
يتبع 😅
(أنا لم أكرهك و لكنني لم أعد أريدك 💔💔)