في مستشفى الأمراض النفسية(بالهجة الجزائرية)

💟 الحلقة 07 💟

الطبيب:رنيم وش رايك تبداي أنتي
رنيم ترددت شافت في جود و هو تبسم و دارلها براسو إيه باه تبدا
رنيم:أوكي ..... أنا نحس روحي كيما الحيط قاوية أما ضربات القدر تشبه الشخص لي يكسر الحيط .... ضربة وحدة ماتكسرنيش أما الضربات لي وراء بعضها تكسرني ..... أول حاجة كانت عيلتي لي دايما تهتم لصمعتها قدام الناس أما الثانية .....😫 ك ك كانت موت الصديقة الحقيقية ليا و خيانة صديقتي الثانية 😭😭😭💔
الطبيب كان راح يوقف يحضنها حتى شاف جود جبدها من يدها و حضنها 😍
جود(يمسح على شعرها) : خلاص ماتبكيش
رنيم (عنقاتو بقوة ) : نحبك .... يا أحسن صديق 😘
جود (بينو و بين روحو ) : صديق .... أنا قررت نتعالج علا خاطرها وهي تقولي صديق 😒
الطبيب: اااااا .... درك شكون راح يحكي ... صفاء أحكي أنتي
صفاء (مريضة إنفصام ) : ....... خيانة خيانة كل شئ مبني على الخداع يساعدونك يوما و يتسببون في أذيتك باقي الأيام و كنصيحة للجميع لا تتبادلوا الثقة......... ودرك نخليكم
راحت و الطبيب طلب من جود يحكي قصتوا
جود: أنا حكايتي تشبه حكاية رنيم عيلتي من أول ما ولدت خلوني عند جدي و جداتي ...... كبرت و أنا حاسب بلي والديا هما ناس يقربولنا و عائلتي هي جدي و جداتي جا نهار وين روحت من المدرسة و لقيت ماما و بابا عندنا و معاهم طفلة صغيرة عرفت بلي هاذيك بنتهم قالولي أرواح شوف أختك قلتلهم كيفاه أنا ما عنديش خاوتي قالولي أنت ولدنا و هذي أختك أنا ما صدقتش و حسابلي راح يديوني معاهم خفت بصح ما دونيش راحو روحو و فاتت ليمات أختي قفلت ستة سنين و عيطولنا لعيد ميلادها رحنا عندهم.......... في الطريق خرج علينا كار ....😫درنا أكسيدون جدي كان راكب لقدام مات 😫😭 (مسح دموعوا و كمل يحكي) خبيت الحزن في قلبي و كملت أنا و جداتي حياتنا حتى جا نهار وين ...... م ماتت و خلتني 😭 ماتحملتش وليت نجرح روحي و ما نرقدش و نحكي وحدي و نكسر بعد عام عائلتي ما لقت حتى حل غير المستشفى