فات أسبوع الدنيا مقلوبة و رنيم ريحتها ماكانش و بالطبيعة عمر ماعمل حتى تصرف باه الشرطة تقبض عليه (يعني إذا قبضوا عليه و مالقوهاش عندو حتى و إذا متأكدين منو هو لي خطفها يقدر يقاضيهم)
خلونا نروحوا عند جود سمانة ماخرجش من بيتوا كان هاز تيليفونوا يتفرج على صورهم و فيديواتهم
جود : رنيم وينك .... وين رحتي ..😭 توحشتك توحشت مين تجوعي و مين تبكي مين تضحكي ... مين تغضبي ...
سمع باب بيتوا يدق
جود : روحوا قلت ما نحب حتى واحد هنا ... روحوا
سامي : جود أفتح هذا أنا سامي
جود : سامي روح من هنا مانيش خارج
سامي : جود أنت الوحيد لي تقدر ترجع رنيم أنت لي تقدر ترجع أختي أفتح
جود : مانقدر نعمل والو 💔😭
رامي : جود أفتح الباب لازم توكل و راح نلقاو حل
جود : ماكاين حتى حل
سامي : خسارتك كنت حاسب مديت أختي لواحد يحبها و عمروا ما يخليها
رامي : جود إذا أنت عمرك ما وعدتي رنيم تحميها أنا وعدتها و سامي وعدها ... أقعد هنا أما إذا صراتلها أي حاجة أنت راح تكون المسؤول
راحو حتى سمعوا صوت الباب تفتح
جود : أصبروا
رامي : واش راك معانا
جود : وي 😞
رجعوا عندوا عنقوا سامي
سامي : سمحلي جود هذا كامل بسبابي
جود : خلاص درك لازم نخموا كيفاه نرجعوها
رامي : وي mais قبل روح نحي عليا هذي لحية ماخرجتش عليك و أرواح كول و بعد نبدوا التخطيط
راح جود دوش و نحا لحية و رجع عندهم هبطوا
أم جود : جود رجعلي بنتي و حفيدي
جود : وي نشالله 😔
حطت ليهم أم جود الماكلة كلوا و خرجوا
رامي : إيه درك وش هي الخطة
سامي : ماعلاباليش أما درك نلقاوها
جود : صحا أول حاجة قولي وقت كنتي تخدم مع عمر وين كان يخبي السلعة
سامي : كان عندو زوج بلايص السلعة الغالية كان يحطها في مستودع في الدار أما ماعلاباليش وين جاي ولا كيفاه نوصلوا و الثاني يحط فيه السلعة لي ماشي غالية هو مستودع صغير نعرف وينو
جود : أوكي درك لازم الشرطة تعرف خطتنا
رامي : هذي خليها عليا
جود : أوكي و أنت سامي لازم تراقبو و تعرف وقتاه يبدا الخدمة و وقتاه يكمل و وقت يكمل وين يروح
سامي : أوكي كون متهني
جود : أوكي تقدروا تروحوا لعشية نتلقاو هنا
خلينا نروحوا لبيت صغيرة وين قاعدة رنيم
رنيم(بينها و بين روحها) : جود كون غير ماخليتكش تحس بلي غضبانة منك ... سامحني ياروحي و درك لازم نحسن علاقتي بهذاك الخامج ماشي علاجالي علاجال ولدنا ما لازم يصرالوا والو
كانت حاطة راسها على الحيط و تخمم وش راح دير وقفت و راحت جيهة الباب و بدات تضرب بالقوة
رنيم(بصوت عالي): خرجوني من هنا خرجوني عمر ياكلب أنا نحب جود نحب غير جود سمعتني
تفتح الباب ودخل عمر
عمر : غير شوفي كيفاه تنسايه على خاطر ماراحش تزيدي تشوفيه
رنيم : نهار لي يجي جود و نروح معاه راح نبصق عليك كيما هكا 💦💦 (بصقتلوا في وجهوا حشاكم)
عمر مسح وجهوا بيدو و كركرها من يدها حطها في السرير
عمر : مانقدرش نحاسبك أما لحاجات لي عملتيهم كامل راح يتعاقب عليهم حبيبك
خرج و قفل الباب
خلينا نرجعوا عند جود
سامي : قدرت نعرف التوقيت لي يروح فيه للخدمة و هو يروح للدار و مايخرجش حتى للصباح
جود : كيما توقعت مايقدرش يحط رنيم في المستودع لبعيد ... أووووف
سامي : وي و راه يخرج الصباح مابين الساعة 9 و 10 تاع الصباح
جود : أوكي مليح و أنت رامي وش درتي
رامي : ولد خالتي جاب إذن التفتيش تاع الشركة و تاع الفيلا و كيما قلتيلي تاريخ الإذن غدوة
جود : مليح هكا كلش منظم غدوة نتلاقوا على 9 و أحمد (ولد خالة رامي) و فريقوا لازم يكونوا معانا
رامي : نشالله
طلع النهار بسيييف و صلت 8 خرج جود من بيتوا هبط لتحت فطر
أمو : جود وينها رنيم الشرطة ماقدرت دير والو
جود : تخافيش أنا راح نرجعها
أمو : جود أستحفظ على روحك وليدي
جود : وي بااي
خرج و راح لدار رنيم دقدق و فتحتلوا أمها
أم رنيم : جود واش كاين شي جديد لقاو بنتي
جود : لا
أم رنيم : 😭 رجعولي بنتي رجعوها
جود : ماتبكيش درك ترجع رنيم
أم رنيم : نشالله 😭 نشالله
جود : عيطيلي لسامي و أدعيلنا دعوة خير برك
أم رنيم : وعلاه وين رايحين على الصباح
جود : رايح نجيب رنيم
أم رنيم : ياوليدي تحكي صح 😇
جود : وي وي
راحت عيطلتوا لسامي خرجوا و وصلوا للفيلا و لقاو رامي و أحمد و الفرقة يستناو فيهم
أحمد : راهي 09:30 و عمر ماخرجش
سامي : كون غير تظهر رنيم قتلاتوا و تهنينا منو
هكا شويا شافوه خارج و معاه واحد لابس طبلية تاع طبيب و هاز حقيبة (باين بلي طبيب)
جود : هذا الطبيب ولا راني غالط
رامي : وي هذا طبيب و نعرفوا
خلونا نرجعوا بالوقت شويا برك كانت تقريبا 8 تاع الصباح وقت ناضت رنيم و بدات تخبط في الباب و الحارس يسكت فيها
رنيم : أفتحلي راني مريضة 😭
الحارس(بلا مايفتح) : كاين تعليمات غير السيد عمر لي يقولي وقتاه نفتح و وقتاه نقفل
رنيم : اااااه عيطلوا 😭 كرشي توجع و راح نتقيا ااااه
راح لحارس عيط على عمر .... راح لعندها و لقاها في الأرض جا يوقفها بعداتوا عليها و وقفت وحدها .... عيط على الحارس هزها طلعوها لدار و حطها في بيت .... و عيط على الطبيب .... بعد مافحصها
الطبيب : سمحلي سيد عمر أما هذي مرتك
عمر : اااا لا هذي مرت ولدي
الطبيب : أوكي راهي حامل و ماكانتش تتغذى مليح و زيد باينة قعدت لمدة طويلة في مكان بارد
عمر : اااا والله ماعلابالي أنا اليوم برك وين جات عندي
هبطوا لتحت و بقاو يحكوا
الطبيب : لازمها عناية طبية و زيد أنا راح نبقا هنا باه نقيسلها ضغط الدم كل نص ساعة حتى يهبط
عمر : أوكي
راح عمر و خلا الطبيب وحدو
عمر(بينو و بين روحوا): 😏 باينة جود ماراحش يخلي مرت و ولدوا هنا ... وحتى هذاك الغبي سامي من المستحيل يخلي أختوا لعزيزة
بقا الطبيب يقيسلها و يشربلها في الدوا حتى رجعت نورمال و خرج ..... وقتها رجع لعندها عمر و هبطها المستودع كان يقولها بلي راح يقتل جود و راح يعذبهم كامل
نرجعوا عند جود
جود : واش راح نبقوا هنا ياسر
أحمد : وعلاه وش كاين
جود : والله صح ماعلابالكش وش كاين (بصوت عالي) مرتي و ولدي راهم لداخل نزيدك حاجة عندك إذن تفتيش و ماراحش تدخل
كمل هدرتوا و راح يمشي جيهة الفيلا ... لحق وراه سامي و رامي
أحمد : خلاص هيا ندخلوا
وصلوا قدام الباب و دقوا جاوبتهم الخادمة
الخادمة : شكون
أحمد : الشرطة إفتحي الباب
الخادمة تخلعت فتحت الباب
الخادمة : وي وش كاين
أحمد : أنا أحمد رئيس فرقة الشرطة و رانا هنا باه نفتشوا الدار ... وهذا إذن التفتيش ..... عمر كان طالع من المستودع باه يخرج وقت سمع بلي الشرطة جات .... راح لعند رنيم و قفل باب البيت بالمفتاح
عمر : مانسمعش صوتك سمعتي
رنيم : وعلاه قفلتي الباب أخرج من هنا
راح يقربلها بشوي و هي بعدت لآخر السرير
رنيم (بصوت عالي) : أبعدني يارخيس أبعد ... جووود وينك جود
عمر (بصوت عالي) : بلعي مانسمعش صوتك
سلها من يدها لوسط السرير و هي تضرب فيه باه يبعد
رنيم(بصوت عالي) : أبعد ماتقربليش
جود كان واقف في الدار حوسوا في البلايص كاملين و كانوا خارجين حتى سمع صوت رنيم
جود : رنيم هذا صوت رنيم
سامي : صح ... صح هذا صوتها وينها
رامي : رنييييم وينك رنييييم
راح أحمد عند الخدامة
أحمد : شوفي أتعاوني معانا و إلا راح تعتبري مشاركة في الخطف
الخادمة : لا أنا خاطيني
أحمد : قوليلي عمر وينو
الخادمة : سي عمر في المستودع
أحمد : و كيفاه نروحوا ليه المستودع هذا
راحت الخادمة قدامهم و فتحت الباب هبط جود قبلهم و شاف في 4 حراس واحد منهم ضربوا في وجهوا ب بونية 👊 .... رعف و تجرح فمو شوية ... ناض جود و هبط عليه بالضرب و سامي و رامي و أحمد ثاني ضربوا لخرين أما رنيم قطعلها عمر تريكوا و هي ضرباتوا برجلها طاح في الأرض ... رجع وقف و راح عندها طلع فوقها و حكم يدها بين يديه و دورها بالقوة حتى تكسرت .... رنيم صرخت بصوت عالي ... سمعها جود و راح يجري جيهت الباب
جود : رنيم ... رنيم راكي هنا
كانت دايخة أما وقت سمعت صوتوا فطنت كانت تبكي
رنيم : جوووود ماتخلينيش جود
بدا جود يضرب في الباب حتى كسروا و راح يجري عند عمر رماه في الأرض و طاح عليه بالضرب
رنيم : جووود
شاف فيها جود و راح عندها ... نحا تريكو تاعو لبسوا ليها و هزها
جود : ششش ماتخافيش راني هنا
رنيم : كنت متأكدة بلي راح تجي
غمضت عينيها ..... جود خرج يجري بيها ركبها في لوطو و وصلها لسبيطار .... بعد وقت لحقوا عليه عيلتوا و عيلتها
أم رنيم : جود وينها بنتي وش قال الطبيب
جود : ماعلاباليش مزال ماخرجش
وهنا خرج الطبيب
الطبيب : أنت راجلها
جود : وي أنا ... وش صرالها
الطبيب : لا ماتخافش ماكانش حاجة خطيرة أما يدها تكسرت و درنالها الجبس و ثاني ماتخلوهاش تتحرك ياسر على الأقل الشهر هذا
جود : وعلاه
الطبيب : الصراحة الطفل ماراهش حاكم بلاصتوا
جود : كيفاه يعني
الطبيب : يعني قادر الطفل يطيح
جود : صحا نقدر نشوفها
الطبيب : وي تقدر 😇
.
.
.
يتبع 😂😂
وش رايكم أدعموني و زيدونا شويا أفكار 😁
بنات كل وحدة تكتب إسم أغنية تحبها على خاطر نحب نسمع لغنا وقت نكتب و مالقيتش غنا باهي هيا 😁😁
نحبكم 😘😘💓
أنت تقرأ
في مستشفى الأمراض النفسية(بالهجة الجزائرية)
Roman d'amour💟جود & رنيم 💟 لقاء في مستشفى الأمراض النفسية بين مريض إكتئاب و فتاة حاولت الإنتحار ليقرر القدر إعطائهما الحب ذات يوم سمعت .... أحدهم يقول من الصعب💔 أن تصل♥ لكن ليس🚫 من المستحيل 💪 ممنوع نقل القصة
