#مذاق_الحرمان
للكاتبه #لبنى_الموسوي
نزلنه للمطعم وابو قصي ظل بالباب
گعدنه نگلب بالطلبات محتارين شناكل فجأه سمعت صوت قريب مني گال تفضلوا بيش اساعدكم
رفعت راسي شفت ولد شاب يشتغل نادل بالمطعم
عسل.. بعدنه ممقررين
عمار.. تمام على راحتكم
عسل.. ها بنات شناكل هسه
غفران.. شنو رأيكم بالقوزي
مها.. لا يمعوده لعبانه نفسي من التمن احنه اجينه هنا حتى نغير جو البيت
غفران.. هم صح ،، باوعت لـ لسته لعد اني راح اطلب صاج لحم
مها.. واني كباب
عسل.. خو لعد خلي انزللكم بيتزا فدنوب حتى يصير تنوع بلأكل
غفران.. لا عزه ولچ هواي
مها.. عمري غير ابوها عباره عن بنگ متنقل
خلي تدفع واحنه ناكل عوافي
عسل.. ههههه وتالي وياچ
مها.. يلا حبيبتي نزلي الاكل ولتنسين المشروبات
عسل.. مشروبات !!!
خير ان شاء الله
درت وجهي باوعت الولد واگف يم جماعته وبايده طلبات ،، اشرتله بايدي هز راسه وابتسم
راح الغير طاوله انطاهم طلبهم واجانه
عمار.. نعم
عسل.. صاج لحم
ونص نفر كباب
وياهم بيتزا حجم وسط
والمشروبات باوعت المها وهزيت راسي
مها.. ببسي
غفران.. واني هم
عسل.. تمام ثنين ببسي و واحد سفن اب
عمار.. تتدللون
هستوه ديروح تذكرت ابو قصي بره دينتظرنه خطيه
ردت اصيحه بس ما عرفت شگول اخير شي صحت
عسل.. العفو لحظه
عمار.. دار وجها وابتسم .. عمار اسمي عمار
عسل.. تشرفنا بس اذا ممكن اريد سفري نفر كباب ويا قوطية ببسي وخلي اخير شي ويا الحساب
عمار.. صار ،، تأمريني بشي ثاني
عسل.. لا شكراً الك
عمار.. العفو
نزلنه الأكل واخذنه راحتنه للأخير لأن طالعين من وقت وهستوها يا دوب الساعه ١١ الصبح
كملت قبلهن مچنت كلش جوعانه وبنفس الوقت اكلي قليل بحيث وزني ٤٩ خلف الله على قصري ساتر عليه وإلا چان طلعت مثل خراعة الخضره
رحت اريد اغسل تيهت ما اعرف وين المغاسل واصلاً هاي اول مره اطلع وحدي كل طلعاتي لو يا اهلي لو ويا بيت عمي
باوعت للولد هستوه ديرجع من الطاوله الگدامي بس شافني عرف اريد شي فـ اجاني بسرعه
أنت تقرأ
مذاق الحرمان
General Fictionاحبتهُ ... فـَ تخلت عن كل شيء لـِ أجله احبها ... فـَ حارب الجميع من أجلها هل ينجحان في هذا العشق أم سيكون الحرمان مقبرةً له ؟!!....
