مذاق الحرمان

الحلقة 31

#مذاق_الحرمان

للكاتبه #لبنى_الموسوي

بارت مفاجئ لعيونكم حبايب ولتنسون التصويت ❤

اول ما اشيل حجار توگع من اديه چفوف
استغفر واشيلن ماي والگه الدنيا كلها زروف
عايفني بدرب مابي ملامح ناس
بس ذله ومهانه وعايف ومعيوف
وارجف خوف
مثل خوف الجگاره الغافيه وتنشال
وتعاين ربعها گطوف
وارجف خوف
مدري منين اجيب رگاب وحدي وكلها عدها سيوف
واستاحش واريد الگاك
وانه الگاك
لو صارت الوادم ماي اعرفك لو صرت گطره
واذا صاروا گصيبه بلليل اميزك لو صرت شعره
واجيبك واحچي ع المكشوف
انه بلياك اول ما اشيل حجار توگع من اديه چفوف
_________________

حسام.. راجع من الدوام وتعبان هستوها عيني شكلت دا انام دگ الموبايل فوگ راسي فزيت من نومتي
باوعت فداء ديتصل خير يارب شعنده قبل ساعه چنه سويه
ها فداء خيرك

فداء.. حسام انزلي بسرعه اني بالباب

حسام.. شصاير ولك هبطتني

فداء.. انزل يمعود ترى گلبي خلصان

حسام.. اي جايك
سديت الموبايل وطفرت سويت الدرچ شبختين بس ارد اوصل حتى اعرف شصاير ويا

فداء.. لك حسام مصيبه و وگعت على روسنه

حسام.. شكو ولك يا ستار

فداء.. خيال ماكو
لحد الأن ما رجعت وابو قصي يگول من الوحده ونص طلعت من الدوام

حسام.. شنو هالحچي يمعود
زين ابو قصي وين عنها مو المفروض هو يرجعها

فداء.. اي هذا المفروض بس صاير عنده بنچر وما گدر يروحلها وهي گالتله راح ارجع وحدي عاد هو مقبل وگلها خابري فداء حتى يجيچ بس ما خابرتني حسام ما خااااابرتني

حسام.. اهدأ شويه خلي نفكر حتى نعرف نتصرف
صفنت فاتح عيوني عمي ولك خو ما گتله بالموضوع

فداء.. لا يمعود طبعاً ما حچيت شي وحتى من سألني عليها گتله ويا ابو قصي ديجون بالطريق صاير وياهم بنچر لذالك تأخروا هيچ

حسام.. زين سويت ترى مو حمل هبطات يروح يوگف گلبه لا سامح الله

فداء.. هسه شسوي حاچيني حرگت الدنيا عليها بلاتصالات وماكو يعني اكيد صاير وياها شي

حسام.. بس خلي البس واتصرف

فداء.. مو تتأخر حسام دخيل ربك

حسام.. لا لا دقيقه وارجعلك
دخلت ع السريع صار اسر بوجهي طالع من المطبخ وبيده الچاي

اسر.. وين چنت حسام وشبيك دتركض

حسام.. مصيبه اسر مصيبه

اسر.. شكو يا ستار يا ربي

حسام.. خيال لحد الأن ما رجعت للبيت ومحد يعرف عنها شي

اسر.. شدتحچي اااانت !!
شمر الگلاص وطلع بسرعه ركضت ورى ليروح ببيت عمي ويلوص السالفه علينه