#مذاق_الحرمان
للكاتبه #لبنى_الموسوي
حسام.. ها اسر مراح تحچي شي
خيال.. ظل ساكت وعيوني علي متحسفه ع الحب الحبيته لهيچ انسان اناني مثل اسر
ليث.. يعني افهم من كلامكم محد بيكم عنده اعتراض
اسر.. اي اني اعترض عمي
اني اريد اطلب ايد خيال من حضرتك واتصور ماكو واحد احق بيها مني
خيال.. من الصدمه وگعت الصينيه من ايدي عدل على رجلي
شاغت روحي وعطت من گلبي گبل گامولي يركضون وگعدوني ع القنفه
ليث.. الله بنيتي شجاچ
حسام.. ليش دتبچين شو مدي رجلچ خلي اشوفها
فداء.. خيال مو دنحچي وياچ شبيچ يمعوده
طه.. هاي شبيها ليش مگاعد تحچي
طاهر.. مدتشوفون الصينيه وگعت على رجلها شبيها يعني
خيال.. يحچون واني الكلمه متقبل تطلع من حلگي
اكتفيت بالبچي لحد ما بابا سألني
ليث.. گاعد توجعچ احچي بابا كافي تبچين خـ نفتهم
خيال.. هزيت راسي ودموعي تجري
ما اعرف شلون وگعت مني بدون قصد اسفه بابا
ليث.. هسه وكت اعتذارچ
حجاها وگعد يم رجلي لزمها بايده
فداء بابا جيب المرهم ادهنلهيا حتى اذا مصارت زينه اخذها للدكتور
خيال.. باوعت لآسر عيونه عليه بدون ميحچي
حط بابا المرهم على رجلي وظلوا يمي ينتظرون مفعوله شويه وحسيت نفسي ارتاحيت وخف الوجع
ليث.. ها حبيبتي بعدچ موجوعه
خيال.. لا بابا هواي احسن
زينب.. متأكده يمه ؟؟
اذا دتتأذين گولي ناخذچ للدكتور
خيال.. لا والله ماما خف وحتى يمكن اختفى
حسام.. هههه شسويتي بينه يمعوده غير تنتبهين
خيال.. ما ادري شلون وگعت والله مو قصدي
فداء.. فدوه الچ خويه
خيال.. شفت امي گعدت تنظف بالگاع
عوفيها ماما هسه شويه بس اصير زينه اگوم الم الهوسه السويتها
ابتسمتلي بدون متجاوب
باوعت عليهم گعدوا ورجع موضوعي انفتح مره ثانيه
ليث.. اي اسر ذكرني شگلت
اسر.. اريد خيال عمي
ليث.. وشعجب حچيت هسه
يعني شويه بعد وچان انخطبت الغيرك وانت ساكت
اسر.. المهم حچيت بلاخير
ليث.. باوعله صفح ورجع باوع عليهم شگلتوا بويه
طاهر.. بالنسبه الي اكيد اقبل بدون نقاش ليش وين نلگه احسن من اسر
طه.. صح كلامك طاهر ابن عمنه اولى باختنه من الغريب
أنت تقرأ
مذاق الحرمان
Ficção Geralاحبتهُ ... فـَ تخلت عن كل شيء لـِ أجله احبها ... فـَ حارب الجميع من أجلها هل ينجحان في هذا العشق أم سيكون الحرمان مقبرةً له ؟!!....
