مذاق الحرمان

الحلقة 8

#مذاق_الحرمان

للكاتبه #لبنى_الموسوي

عسل.. چنت گاعده اباوع ع البنات يرگصن وشاعلات الدنيا بالهلاهل والهوسات ، ، اجت خيال اخذتي للغرفه غيرتلي البدله
بعدني هستوني نازله من الدرج صاحوا اجه العريس سوا طريق

گلبي راح من الخوف من عرفته راح يطب وكأني رجعت للواقع بطبته عليه
دنگت افرك ايدي بتوتر سمعت هلاهل النسوان ارتفعت رفعت راسي وچان يصير حسام گبالي بس مدنگ راسه

گعد بصفي هوسوله شويه بعدين اجت باجي بيدها الذهب انطته لحسام وبده يلبسني بدون ميباوع بعيوني لأن چان خجلان كلش من النسوان اما ايده فـ چانت مثل الجمر على عكسي احس جسمي صار قطعة ثلج

خيال.. واگفه اصور بالعرسان ومن فرحتي ناسيه الدنيا وما بيها چان تجي ماما تجرني من ايدي حيل بحيث الكاميرا وگعت على وجها عدل :
هاي شبيچ ماما چان فلشتيها إلا شويه

زينب.. ولچ وين صار الكيك لازم نخلي گدام العرسان

خيال.. شمدريني خابرت اسر وهو راح يشوفهم

زينب.. درجعي اتصلي بي فشله من العالم والله

خيال.. اي هسه راح اخابره
دا اروح اجيب موبايلي من المطبخ سمعت هورنات قويه يم بابنه

زينب.. اجو اركضي استلميها منهم وجهزيها حتى نقدمها للعرسان

خيال.. ماما بس خلي اجيب الشال احطه ع وجهي

زينب.. ميحتاج بس ذبي العبايه ع راسچ بسرعه فضيني

خيال.. لبست العبايه وطلعت لگيت علي ابن عمي بالممر ديطبب الببسي : ها علي شلونك

علي.. هلا بت عمي انتي شلونچ

خيال.. زينه بس هاي شنو الببسي

علي.. اسر جابه گال اخاف عدهم نقص

خيال.. ديحچي چان يطب رافد ويا اسر
طبعاً ما اگدر اوصف شصار بيه بهذيچ اللحظه لأن مچنت متوقعه جيته ومن سوء حظي اجه بالوقت الغلط

اسر.. خزرني وصاح بالولد : يلا شباب عاشت ايدكم خلو الباقي عليه
بس راحو تقرب مني بعصبيه اني شوصيتچ خيال مو گلت لتطلعين لو استغليتي الفرصه وگلتي استغفله قابل هو شراح يعرفه اني طلعت بهذا المنظر

خيال.. اسر والله امي

اسر.. هش لتكملين هاچ الكيك دخلي جوه وحسابي وياچ بعدين

زينب.. خيال وين صرتي

اسر.. خاله شلون تخلين خيال تطلع گدام الولد بهل منظر

زينب.. اني گلتلها وليدي لأن مستعجلين وانتو تأخرتو كلش

اسر.. هذا حچي خاله چان طلعتيلهم انتي

زينب.. وين اگدر اشيلهن اسر من كل عقلك تحچي

اسر.. محد گلچ شيليهن بس استلميهن من الولد ومن يرحون صيحي للبنات يساعدوچ
هسه ع العموم سويلي طريق خلي ادخلهن للمطبخ