#مذاق_الحرمان
للكاتبه #لبنى_الموسوي
حسام.. ايام واني ما اطب للبيت إلا بلليل
بيوم العقد ظليت بالمكتب كالعاده
بـ الأربعه ونص طلعت بعد ما خابروني لأن الشيخ ديجي بالطريق
وصلت البيت خالتي رمشت لأمي شويه واجتني
رادت تبوسني دفعتها يلا بسرعه فضيني اريد اولي
باوعتلي بقهر ودخلت قبلي
خمس دقايق واجه الشيخ طبينه سوه
گعدنه بلاستقبال وبدا العقد
چان صدري مخنوگ بشكل مو طبيعي ،خنگه بس رب العالمين وحده يعرف شعورها
تم العقد واني على اعصابي
اول ما طلع الشيخ انخبصت الدنيا بالهلاهل
انتظرت رجل خالتي يرجع حتى يسويلي طريق بس ماكو
بعدني انتظره اجتني رساله من فيض
💌 مبروك عليكم كسرة عسل
عصرت الموبايل سديته ورجعته الجيبي بسرعه
المشكله محد ديحس بيه
كسرتي بهذا الزواج حتى اكبر من كسرة عسل
لأن ادري خسرتها بعد ما تعبت يلا رجعت الحضني وصارت على اسمي
شويه وطبت امي تهلهل
باوعت عليها بعصبيه وگمت من مكاني
سويلي طريق اريد اطلع
وئام.. غير تلبس مرتك الذهب
حسام.. انتي لبسيهيا ما عندي وقت
وئام.. يمه شجاك
حسام.. لتدوخيني
الردتي صارلچ خلصيني واليرحم والديچ
وئام.. يمه فشله النسوان شيگولن اذا طلعت بدون متلبسها
حسام.. مشكلتچ هاي مو مشكلتي
حچيتها وفتت للباب
لزمتني بسرعه اوگف بس اسويلك طريق
ديلا استعجلي شويه
راحت اقل الدقيقتين ورجعتلي
- ها اطلع هسه
- يمه يعني مراح تغير رأيك
عفتها وطلعت ع السريع
اسمع النسوان خبصن الدنيا بالهلاهل اليگول راح اطب عليهن مو مولي
ركبت سيارتي
مخنوگ كلش واحس الدنيا طالعه من عيني
خابرت اسر
وين انت خويه
اسر.. بالمكتب يم فداء
حسام.. ماشي جايكم
اسر.. هلا بيك
شغلتها ومشيت كل سرعتي
اول ما طبيت عليهم گام فداء يريد يطلع لزمته من زنده
حسام.. اترجاك لتسوي هالحركات
فداء.. مبروك ابن عمي
حسام.. على شنو المبروك ؟!!
فداء.. على كسرة اختي ولوعة گلبها
حسام.. اگعد خل نحچي
فداء.. ما اريد احچي وياك خليني اولي
اسر.. فداء اگعد الخاطري
فداء.. خاطرك على عيني وراسي بس لازم اروح
أنت تقرأ
مذاق الحرمان
Genel Kurguاحبتهُ ... فـَ تخلت عن كل شيء لـِ أجله احبها ... فـَ حارب الجميع من أجلها هل ينجحان في هذا العشق أم سيكون الحرمان مقبرةً له ؟!!....
