حالة وجد

الفصل العاشر

الفصل العاشر 
         _______إبتسامة حزن _________

  الحيرة تعملقت بقلب (تيم) ، أصابته بتفكير مضن ، لا يدري ما الصواب لفعله ، واقع بين قلبه ومهنِيَتِه ، إن تَسيّد قلبه فسيضطر لمواجهة الجميع من أجلها ، وإن اختار مِهنِيَته ، لن يخسر شيء ، لن يلومه أحد ولن يتهمه أحد ..ولكنه سيفرط فيها ويجعلها عرضة للأذى ، وهو يعتبرها مسؤوليته ، كان بالنسبة لها كالملجأ ، وكانت بالنسبة له نفسه التائهة التي وجدها ...

   كان يدور بغرفته  والأفكار تتناطح برأسه ينتابه صداع شديد ، مرّ يومان وكلمات السيّدة (صفية) لاتزال عالقة بذهنه ، كانت حالة (وجد) تتحسن ، وبدأت تخرج برفقته إلى الحديقة ، وغرفتها البيضاء أصبحت تضج بالألوان  ، لقد أهداها الكثير من الألوان والفرش  ، فرسمت على جدران الغرفة صورا رائعة ..رسمت على الأول حلمها ، وعلى الثاني عائلتها ، وعلى الثالث الخيل ورجل التنورة الذي شاهدته في حفل خطوبة (أزاد وعمار) من خلال هاتف (تيم) ..أما الرابع فبقي أبيض ... !

بينما كانت أفكاره بين مد وجزر رن هاتفه يظهر إسم (الجدة صفية  ) زفر بضيق وأجابها :
_ أهلا صفية هانم ! ..الحمد لله بخير .. أيوة .... تمام !

ماقاله كلمات متقطعة تنم عن اتفاقه معها على موعد بعد ساعة في بيتها ..

بالرغم الصداع الذي كان يطبق على رأسه حتى أنه شعر ببعض الدوار لكنه تجاهله ، فقاد سيارته واتجه نحو منزل السيدة (صفية) التي استقبلته بترحاب ، جلسا في حديقة منزلها يحتسيان القهوة ، تنحنحت السيدة (صفية) وقالت بثبات :

_ عارفة إني بطلب منك الكتير ، والموضوع كبير لإنه يمس شغلك ، بس يابني أنا ست كبيرة عايزة تأمن على حفيدتها ،اعذر انانيتي !
(وجد) هتضيع من بعدي لو مكنش فيه سند ليها ، أوعى تصدق أمها ، هي رجعت معاك عشان بتخطط لحاجة أنا متأكدة ، هي خسرت كل حاجة هناك ..شغلها وفلوسها ، وبقت مدمنة كحول ..استغفر الله ..

كان (تيم) يتابع كلامها بصمت واهتمام ..وهي تستطرد:

-عشان مابقاش ظلمتك معاها ، أنا ماعنديش مانع تتجوز من تاني ، أنا مش عايزة منك غير تاخد بالك منها وتحاول تخليها تحب الحياة وماترجعش تقفل على نفسها من تاني ، تسيبها بالمستشفى أو تخرجها منه إنت حر ، المهم إنها تكون كويسة !

مش عايزة اضغط عليك ،لو عايز وقت كمان عشان ...

قاطعها (تيم) وقال :

_ أنا موافق !

تهللت أسارير السيدة (صفية) وقالت :

_ أنا متشكرة جدا يادكتور ماخيبتش ظني ! أنا مستعدة اعملك اللي انت عايزه وأي تسهيلات تساعدك في تعاملك مع (وجد) ..

قال بامتعاض وقد شعر أنها ترمي لشيء مادي:

_ بعد ما اتجوزها هتبقى مسؤوليتي ياصفية هانم ! كل اللي هطلبوا دلوقتي إن الموضوع دا يفضل سر بينا لحد ماتستقر حالتها وميبقاش فيه داعي لوجودها بالمستشفى ..ساعتها هبقى اتصرف تصرف تاني !