( چيما) Jemma

part 1

ياريت اللي يقرا البارت و يعجبه يعمل فوت..فضلا و ليس أمراً
في حي راقي من احياء القاهره صباح يوم جديد..استيقظت روما علي صوت والداتها حتي تبدا يومها الجديد فتحت جميلتنا عيونها قالت:
صباح الخير مامي.
منال:
صباح الخير حببتي يالا اصحي في عروسه تنام كل ده والنهادره فرحها.تأففت روما و قالت...
روما:
يا ماما قولتلك اني مش موافقه انا مش ينفع اتجوز راجل فى سن بابي الله يرحمه...انا مش عارفه انتي ليه مصممه علي الجوازه دي..و بعدين انا بحب حازم ..انا مش عارفه ليه بس حضرتك مش مواقفه عليه.
وردت منال و يبدو عليها الغضب الشديد:
تاني حازم انا مش قولت ميت مره مسمعش اسمه .لو كان بيحبك مكنش سابك هو عمره محبك اصلا و كان بيضحك عليكي انما راشد بيه حيعيشك ملكه ...و بعدين انتي عايزه تصغريني وسط الناس انتي بتقولي الكلام ده و الناس بتجهز الجنينه عشان الفرح....واكملت بحزن مصطنع: يابنتي احنا اه حالاتنا الماديه كويسه بس ده عشان شغلي افرضي انا موت نفسي ابقي مطمنه عليكي...روما بلهفه : بعد الشر عليكي يا امي..شردت روما و هي تتذكر كيف تخلي عنها حازم.

Flash back
روما وهي تتحدث في الهاتف:
حازم حبيبي عامل ايه واحشتني اووووي
حازم:
چيما حببتي واحشتيني جدا
روما:
بردك چيما يا حازم انا حاسه انك بتشتم ..بس ماشي. انت مش حترجع بقا يا حازم كل ده في فرقه التدريب دي...انت واحشتني جدا
حازم:
حببتي ده شغلي مقدرش اسيبه وارجع...انا بعد الايام يا روحي عشان ارجعلك و اجي اطلبك تاني من مامتك يمكن توافق و نتجوز.
روما:
حازم ماما عايزاني اتجوز واحد صديقها و بتقول انك مش بتحبني عشان كده مجتش تقدملي قبل اما تسافر.
حازم:
وانتي صدقتيها على طول.هو انا مش جيت يا روما و رفضتني. انا لحد امتي هقولك تحكمي عقلك مش كل اما مامتك تقول حاجه تصدقيها علي طول انا بحبك من اول اما شوفت في المدرسه . وانتي عارفه مسبتكيش لحظه لوحدك. حتى اما كل واحد دخل كليه مختلفه كنت كل اجازاتي اللي باخدها من الكليه بتكون معاكي وليكي لوحدك.ياروما انتي عارفه انتي كل حياتي مليش غيرك بعد اما هلي ماتوا. اكمل حازم ..رغم كل ده بتقولي مامتك بتقول اني مش بحبك.
أكمل و يبدو عليه الغضب:
بعدين انا اتقدمت و اترفضت . انا جيت لمامتك قبل اما اسافر و هي قالت اني مش
هقدر اعيشك في مستوي كويس..و مكنش عندي وقت كتير لاني كنت المفروض اسافر علي طول مع فرقتي التدريب...انتي المفروض تدافعي عن حبنا و تقولي لمامتك انك متمسكه بيا.بطلي ضعف و سلبيه.
روما بصوت يبكي:
يا حازم ماما تعبت عشاني و انا مش ضعيفه انا بس مش بحب ازعلها.
حازم مضايق لأنه اتعصب عليها:
انا اسف يا قلبي عشان اتعصبت بس مامتك مش بريئة اوي زي مانتي فاكره..صدقيني ياچيما انتي اغلي من حياتي و لولا خايف عليكي كنت وضحتلك حقيقه مامتك..
قاطعته روما بعصبيه:
حازم مسمحلكش تتكلم عن مامي كده ...هي خايفه عليا عشان كده بتفكر في مصلحتي وبس و عايزه واحد غني عشان يريحيني ..حتي لو تفكيرها غلط فهدفها صح.
حازم بعصبيه مفرطه:
يعني هي مصلحتك في اللي معاه فلوس يا روما طيب اتجوزيه و انسيني مادام انتي هتفضلي غبيه و ضعيفه كده سلام...