خرج ماجد من المشفي و هو يفكر عن سبب تواجد راشد مع منال و روما...هل عرف راشد أن روما ابنته...امسك هاتفه و اتصل علي رقم و طلب منه مقابلته لأمر عاجل.......
في منزل رنا......
قامت رنا مفزوعه علي خبط الباب بشده جريت عشان تفتح وجدت أمامها ظابط شرطه و معه قوه...و صاح قائلا :
انتي رنا....هزت رنا رأسها دليل علي الموافقه فقال بلهجه غاضبه:
انطقي انتي رنا...
رنا بخوف:
ايوه انا في ايه؟
الظابط:
هو ايه اللي في ايه امشي قدامي يالا انتي مطلوبه في القسم...
رنا بفزع :
قسم ايه انا معملتش حاجه و امسكت هاتفها و اتصلت بمصطفي و لم يرد عليها ...أعادت المحاوله فقال الظابط:
يالا انا مش حفضل مستنيكي كتير ..حتغيري ولا حتيجي كده....ذهبت رنا لتبدل ملابسها و لكنها استغربت طريقه الظابط فهو لم ينظر لها ابدا و يعاملها بطريقه جيده رغم شدته..نفضت الأفكار من دماغها و اكملت تغيير ملابسها و هي تحاول الاتصال بمصطفي....خرجت و نزلت مع الظابط..امام المنزل وجدت عربه ليست بوكس و لكن عربه شرطه عاديه...
الظابط:
اتفضلي اركبي...ركبت رنا وركب الظابط و بدءوا في التحرك رنا محدثه الظابط:
حضرتك ممكن تفهمني انا عملت ايه وواخدني علي فين؟
الظابط:
حتعرفي اما نوصل...
رنا و هي تبكي وتقول بصوت خافت :
انا عملت ايه بس ياربي و مصطفي مش بيرد ..سكتت قليلا و قالت...حازم انا حتصل بحازم سمعها الظابط و اخد منها التليفون و قال:
كفايه اتصالات محدش حينفعك...
رنا بعصبيه:
انت ازاي تاخد تليفوني مش من حقك و بعدين بصلي و انت بتكلميني ....انا لازم افهم في ايه وانا عملت ايه.....لم يرد عليها ...سكتت رنا تفكر و تتوعد لمصطفي علي عدم رده عليها.....بعد وقت طويل توقفت السياره نظرت رنا حوالها فوجدت نفسها أمام سينما...نزل الظابط و فتح لها الباب لتنزل...
رنا و هي تنزل:
انت جايبني فين هو ايه اللي بيحصل دانا حوديك في ستين داهيه.....لم يتحدث الظابط و لم ينظر لها و لكنه شاور لها ان تمشي امامه....فتحركت رنا لكي تفهم ووجدت أمامها طريق مفروش بالورود حتي مدخل السينما....كانت رنا تمشي و كأنها منومه مغناطيسية فجأه خبطت رنا في شخص رفعت عينها لتري من هو فوجدته مصطفي و يمسك باقه من الورود الجميله فاقت من صدمتها علي صوت مصطفي و هو يقول :
متشكرين اوي يا باشا نردهلك يوم فرحك أن شاء لله ..ضحك له صديقه و رحل ...التفت مصطفي الي رنا التي لم تفق بعد من الصدمه و قال:
سامحيني يا رنا عشان زعلتك رغم اني والله ما عارف عملت ايه اصلا...
رنا بعصبيه وهي تبكي اخذت تضرب بيديها في صدره:
انت مجنون يا مصطفي بعتلي ظابط ياخدني ...انت عارف انا اتخضيت ازاي و انا كنت حموت من الرعب يا مصطفي..و اخذت تبكي بشده...ضمها مصطفي له و اخذ يربت علي رأسها بحنان و قال:
انتي مكنتيش بتردي عليا يا رنا وكنت عايز اعملك مفأجاه تفتكريها طول عمرك.....نظرت له رنا و هي تمسح دموعها بكف يديها...و لم ترد فابتعدت عنها مصطفي و جلس علي ركبه واحده و قال و هو يمد يده بالورود:
رنا انا كنت مغفل اما ضيعت كل السنين اللي فاتت دي و انا مش بحبك ....انا اسف يا رنا عشان عذبتك معايا عقبال اما عرفت حقيقة مشاعري....يارنا انا محستش اني بحبك بجد الا اما بعدتي عني قعدت افكر لاقيت اني يومي مكنش بيكمل الا بيكي..افتكرت اد ايه كنت يضايق اما بحس انك بتحبي حازم اكتر مني حتي هزارك مع حازم كان بيضايقني...انا بحبك اووي يارنا ممكن تقبلي تبقي حببتي و مراتي...كان كلام مصطفي وسط دموع رنا و لكنها دموع فرحه فهي اخيرا تسمع اعتراف من حبيب طفولتها و شبابها بحبه لها...انتظر مصطفي ردها و لم ترد فقال:
رنا الله يباركلك اتصدمي بعدين قولي موافقه بقا ركبتي نملت..ضحكت رنا و هزت رأسها بالموافقه قام مصطفي و احتضانها بشده ثم قال:
انا حجيب ابويا و امي و الواد حازم و نيجي نخطبك و نتجوز علي طول ماشي يا حببتي...
هزت رنا رأسها فضحك مصطفي و قال:
ايه ياقلبي الصدمه خرستك..... ضربته رنا في كتفه و قالت:
بس بقا يا مصطفي بطل رخامه....
مصطفي و هو مدعي الزعل:
بقا كل اللي عملته ده و بتضربيني و تقولي رخم..دانتي صحيح اوطى من الرصيف..
أنت تقرأ
( چيما) Jemma
Mystery / Thrillerعاشت حياتها مخدوعه في اقرب الناس ليها ..روما فتاه بريئه لابعد الحدود....ياتري الزمن شايل ليها ايه . **اقتباس** ابتسمت و قالت: مصطفي ازيك؟ قبل ان يرد مصطفي ادار حازم وجهها له و قال بعنف: اما اكون موجود او مش موجود مش تبتسمي لحد غيري و لا تبصي لاي حد...
