*****لو كان خيراً سيبقي.....لو كان محبا سيحكي......لو كان مشتاقا سيأتي******
في شركة مصطفي ....
حيث تجلس رنا و راسها في الارض خجلا من ما فعلته في صديقتها..مصطفي كان شارد في ما هي اسباب منال في فعل كل ذلك...فاق مصطفي علي صوت رنا و هي بتقول:
مصطفي قولي انك هتسامحني .انا مقدرش اعيش من غيرك يا مصطفي انا بحبك جدا...اخذت تبكي و اكملت...والله يا مصطفي كان غصب عني الغيره عمتني و كنت بس..قاطعها مصطفي باحتضانها بشده و هو يربت علي راسها:
رنا يا حبيبتي انا مقدرش ازعل منك ...انا اه بحب روما بس بحبك انتي كمان. انتي عشرة عمري يا رنا ...اديني فرصه يا رنا و انا والله بحاول انسا روما ....
رنا بحزن:
بتحاول لا فيك الخير ..شكرا يا مصطفي انا مش عايزه شفقتك ..انا بس عايزاك تسامحني و نفضل صحاب عن اذنك..تركته رنا في حيرته و خرجت...
امسك مصطفي هاتفه وطلب بعض الارقام و انتظر الرد
مصطفي:
انت مش بترد علي طول ليه يا بني ادم انت.
عماد:
انا اسف يا مصطفي بيه مكنتش جنب التليفون. اوامرك يا باشا
مصطفي:
بص يا عماد انا عايز تاريخ حياة روما الجريني و مامتها قبل اما يجو مصر...التفاصيل اللي محدش يعرفها ..انت تجبهالي يا عماد قدامك يومين اوكي..
عماد بخوف:
حاضر يا مصطفي باشا..يومين و المعلومات هتكون عندك..
عند روما...
كانت روما تجلس في حديقه القصر و تنظر الي الفراغ وشارده تتذكر حازم
Flash back
كانت روما تسير في المدرسه وقف امامها شاب..حاولت ان تمشي لكنه اقفل عليها الطريق..
روما بعصييه:
متوسع يا بني ادم هو انت اهبل
الشاب:
ايه يا قطه انا جاي بس اتعرف عليكي.
روما :
وانا مش بتعرف علي حد ابعد عني.
الشاب:
ليه يا حلوه هو انا مش زي حازم او مصط..
قاطعته لكمه قويه اوقعته...شهقت روما بفزع و نظرت بجانبها وجدت حازم يمسكه من ياقت القميص قائلا:
لا يروح امك مش زي حازم...وانا بقولك اهو انت و اي حيوان تاني يحاول يقربلها ...دي تبعي..ملكيه خاصه لحازم المهدي..انهال عليه حازم بالضربات ..حتي جاء مصطفي و بعض الطلاب ليخلصوا الشاب من ايد حازم..
مصطفي بعصبيه: سيبه يا حازم بقا خلاص ياخي الواد حيموت..
حازم بغضب: ما يموت عشان يكون عبره لاي حد يفكر يقربلها او يبصلها..جاء الامن و اخذهم الي غرفة المدير ..كانت طول الوقت روما تبكي ..وصلو امام مكتب المدير .قبل ان يدخلو امسك حازم بيد روما لبثها بالامان و طمئنتها...نظرت له روما و ابتسمت وسط بكائها فرغم عصبية حازم المبالغ فيها الا انها تشعر بالامان بجانبه..
في مكتب المدير.....بقا انت يا حازم تعمل كده دانت عمرك ما اتخانقت ولا مره وكل المدرسين بيحلفوا باخلاقك..تقوم تضرب زميلك و عشان بنت...
حازم بنبره حاول ان يحعلها هادئه:
حضرتك اولا دي مش اي بنت ..دي حبيبتي ...و الشاب ده حاول يتعرضلها انا مش هسكت..قاطعه المدير بحده:
حبيبتك والله عال انتو لسه في المدرسه و تقولي حبيبتك..حازم ده اول و اخر انذار شغل الشوارع ده بره المدرسه..دي مش مدرسه حكومه عشان تمسكه في بعض دي مدرسه من اكبر المدارس الانترنشونال في القاهره كلها...اي حاجه زي دي تاني حتتفصلو كلكو بلا استثناء
حازم بشجاعه ابتسم لها المدير:
اولا دي حبيبتي و انا مصمم علي كلامي و انا مش صغير ولا بتاع شوارع انا بكره هبقي ظابط وحضرتك انا لو من دلوقتي معرفتش احمي عرضي ..يبقي لما اكون ظابط مش هعرف ادافع عن ارضي.ولا ايه..نظر له المدير بفخر فحازم مثال للالتزام يحتذي به فرغم ان المدرسه مشتركه الا ان حازم من الشباب القلائل المعروفين بالتزاهم و تفوقهم وقال: ده اخر كلام عندي يا حازم ..وانتي ياروما: الشب ده فعلا اتعرضلك هزت روما رأسها بنعم و هي تبكي...نظر المدير الي الشاب فهو ابن رجل اعمال كبير و معروف عنه استهتاره فقال: انا حبعت اجيب والدك و هنا يا محمود و مش حكتفي بكده لا انت مفصول من المدرسه اسبوع...نظر محمود لحازم بغيظ و توعد و خرجوا جميعا عندما اشار لهم المدير بالخروج......بعد خروجهم
قالت روما:
عجبك كده يا حازم كل المدرسه هتتكلم عليا..كان لازم يعني تضربه ..و كمان قدام المدير بتقول حبيبتك..
حازم وهو يضحك علي غضب حبيبته اللطيف:
چيما ياروحي محدش يقدر يتكلم عليكي...وانا مقدرتتش امسك نفسي اما شوفته بيكلمك...واه طبعا حبيبتي وده مش خيار ده اجبار ياقلبي انهي حازم كلامه و هو يغمز لها..ابتسامت روما بخجل من تصرفات حازم.....
Flash end
تنهدت روما و جلست تفكر اين ذهب هذا الحازم المتملك و تركها الان و هو يعلم انها متزوجه لاخر..قاطع ذكرياتها رنين الهاتف..
روما:
مصطفي بقا كل ده متسألش عليا! انا زعلانه اوووي منك
مصطفي:
معلش يا روما انا غلطان بس انشغلت شويه..طمنيني عليكي...عامله ايه مع جوزك ياحبيبتي حد بيضايقك؟
روما بابتسامه فهي تحب مصطفي كأخ لها:
اطمن يا مصطفي اونكل راشد طلع طيب جدا...و كمان رامي مش بيتعامل معايا خالص ..مصطفي هو ...قاطعها مصطفي:
ايوه رجع يا روما وحاله بقا صعب و مش طايق حد بس بيقول ربنا يكرمك في حياتك..
روما بحزن و بكاء حاولت ان تخفيه:
خد بالك منه يا مصطفي و استحمله انا مش عارفه ازاي قدر يقسي عليا اوووي كده...
مصطفي:
حاضر ياحبيبتي ..خدي بالك من نفسك.سلام.
اغلقت روما الهاتف واخذت تفكر في حالها الايام القادمه..
في شركه راشد...
دخل رامي علي والده..
بابا الحق مدام منال بتقول ان التصاميم اتسرقت و هي مش معاها نسخه...انا قولتلك دي ست سمعتها زباله و الله اعلم كان في تصاميم ولا لأ اساسا..
صمت راشد و جلس يفكر حتي رد:
رامي اهدا كل حاجه و ليها حل.... انا مروح البيت و احتمال مجيش النهارده تاني..
رامي بغضب من تصرف والده:
بقولك مفيش تصاميم تقولي هروح ..
راشد:
اهدى يا رامي و انا هتصرف.
رامي باستغراب من هدوء والده:
بابا انت في حاجه في دماغك ...عمرك ماهتكون مطمن كده الا لو في دماغك خطه بديله....
لم يرد عليه و تركه و خرج عائدا للبيت...
عند حازم....تغير حازم كثيرا واصبح كثير السهر..
في احد الملاهي الليليه...
يجلس حازم بمفرده...اقتربت منه فتاه ما...
الفتاه:
ايه يا باشا انت قاعد لوحدك ليه؟
حازم:
غوري يابت من وشي انا مش طايق نفسي...
الفتاه و هي تتمايل علي حازم:
ياباشا انا هروقلك مزاجك..نظر لها حازم ولم يردو جاء في باله روما و تذكر انها من الممكن أن تكون الان بين أحضانها زوجها..فقبض علي يده من الغضب في مجرد التفكير ان روما بدأت حياتها بدونه...في هذا الوقت اقتربت منه الفتاه جدا..و ارتمت في احضانه..فاق حازم من شروده و دفعها بعيدا و نظر لها باشمئزاز و تركها و خرج من المكان باكمله......
في بيت منال ....
منال بمكر:
دلوقتي اما يعرفوا أن التصاميم ضاعت ..هيطلقها و يرميها ماهو الجواز كان عشان كده من الاول و ترجع لي و ابقي ضربت كل العصافير بحجر واحد ..اثبت لروما ان حازم اتخلي عنها...اما يطردوها و ترجع لي حنعرف انها ملهاش غيري و اقدر اسيطر عليها اكتر...و في نفس الوقت هتفضل ترسملي و انا أبيع و اكسب من وراها فلوس كتير..ابتسامة بخبث علي تفكيرها......لم تأبه بابنتها يوما هما الاول هو المصلحه.....
في قصر راشد...
دخل رامي ليجد والده يجلس مع روما و يضحكون بشده...
رامي:
يابابا عندنا مصيبه و انت بتضحك عادي كده...
روما بفزع:
مصيبه ايه يا اونكل في حاجه حصلت.
راشد محاولا تهدئتها:
لا يا حبيبتي دي بس التصاميم بتاعت مامتك اللي كانت هتديهلنا اتسرقت منها ..و عشان كده رامي متعصب لاننا موقعين عقود ولازم ننزل شغل الموسم ده..
روما ببراءه:
عادي يا رامي متضايقش انا اصلا اللي كنت برسم لمامي ..ممكن ارسملكو غيرها قولي بس انت عايز ايه يا اونكل وانا اعمله وان شاء الله مش هيكون في مشكله...انا هطلع انام و بكره حضرتك قولي ايه الفكره اللي محتاجنها..
صعدت روما لغرفتها الجديده الذي خصصها لها راشد حتي تحصل علي بعض الخصوصيه وسط صدمه راشد و رامي
قاطع رامي الصمت:
يعني كل التصاميم دي كانت بتاعه روما و مامتها بتنسبها لنفسها يابنت ال......
راشد بشرود:
انا بدأت اشك في الست دي اكتر واكتر.. معقول يكون في ام كده . دي بتستغل روما بكل الاشكال الممكنه....ياتري ايه السر وراها
و مر الليل علي كل الابطال في انتظار صباح يوم ملئ بالاحداث.........
نهايه البارت
تفتكروا ليه منال بتعمل كده......و تفتكروا براءه روما هي اللي عماله فيها كل ده و لا سلبيتها؟!!!!!!!!!!
أنت تقرأ
( چيما) Jemma
Mystery / Thrillerعاشت حياتها مخدوعه في اقرب الناس ليها ..روما فتاه بريئه لابعد الحدود....ياتري الزمن شايل ليها ايه . **اقتباس** ابتسمت و قالت: مصطفي ازيك؟ قبل ان يرد مصطفي ادار حازم وجهها له و قال بعنف: اما اكون موجود او مش موجود مش تبتسمي لحد غيري و لا تبصي لاي حد...
