**** يستفزونك ليخرجوا اسوء ما فيك ..ثم يقولوا هذا انت....لا يا عزيزي هذا ليس انا، هذا ما تريده انت****
في صباح يوم جديد...ملئ بالاحداث..
استيقظ حازم علي رنين الهاتف الذي لا ينقطع..
اجاب بعصبيه:
افندم
....: كمان نايم مش دريان بالفضيحه اللي انت عاملها نص ساعه وتكون علي مكتبك يا حضرة الظابط و ابقي اتاخر ياحازم.واغلق الهاتف دون انتظار الرد...
نظر حازم للهاتف يحاول استيعاب ما يحدث..
حازم في نفسه: سيادة اللواء بيكلمني بنفسه و متعصب كده ياتري في ايه و فضيحة ايه اللي بيتكلم عنها..قام مسرعا اخد دش ليفوق فهو لم ينم كثيرا وارتدي ملابسه و اخد مفاتيح سيارته و الموبايل و نزل مسرعا ليعلم ماذا يحدث..
في قصر راشد العميري ...
استيقظت روما و ارتدت ملابسها و نزلت لترى رامي حتي تعلم منه تفاصيل التصاميم...نزلت روما و جدت راشد و رامي علي السفره بانتظارها..
روما:
صباح الخير يا اونكل..صباح الخير يارامي
رامي و راشد معا:
صباح الخير يا حبيبتي..استغربت روما من كلمة حبيبتي علي لسان رامي و لكنها صمتت..
روما :
ها يارامي انت و اونكل ايه الافكار اللي عايزنها.
رامي:
روما هو إنتِ كنتِ بتدي التصاميم دي لمامتك ليه..؟
روما باستغراب:
ايه اللي ليه يارامي..عشان الشغل مامي مش بتعرف ترسم ..فانا برسم وهي بتدير الشغل ..انا توقيعي بيكون علي كل التصاميم ..
راشد :
ازاي انا ماشوفتش ولا توقيع قبل كده..
روما متذكره :
اه يا اونكل اصل ماما طلبت مني اني اكتبه مخفي جوا التصاميم و ان كل الناس عارفه انها تصاميمي فمش محتاجه اوضحه..
تنهد رامي و راشد علي حال تلك البريئه اللي عاشت مخدوعه في مامتها و هي بتستغلها...امسكت روما الجريده لتتصفحها اثناء الافطار و فجأه سقط الطعام من فم روما و اخذت تبكي و تبكي وسط ذهول رامي و راشد الذين لا يفهموا سبب البكاء..
فى مقر عمل حازم...
وصل حازم امام مكتبه و خبط و سمح له سيادة اللواء بالدخول .بمجرد دخول حازم القي اللواء الجريده في وجه حازم...تطلع حازم باستغراب..واوشك علي حديث حتي رأي الصور..فضائح رجل المخابرات...هل هكذا يتدرب الظباط...كانت هذه هي العنوانين مرفقين بصور مع فتاة الملهي...انزل حازم راسه في خزي..
تحدث له اللواء قائلاً:
انت متحول للتحقيق يا حازم.انت كشفت شخصيتك يا حضرة الظابط ...انا مش عارف انت ايه اللي حصلك اتفضل سلم سلاحك و عهدتك لحد اما ينتهي التحقيق..اشار له كي يخرج ..خرج حازم و هو يكاد يجن كيف حدث هذا الشي ..
عند روما...
احتضنها راشد محاولا تهدئتها وقال:
شوف يا رامي في ايه في الجرنان ده خلاها عامله كده...
رامي اخذ ينظر للجرنان:
الصفحه اللي كانت ماسكها فيها صورة واحد حاضن واحده و صور في اوضاع مش كويسه...قاطعه رامي شهقات روما من شدة بكائها..
راشد:
روما حبيبتي هو اللي في الصور ده حازم؟
هزت راسها دليل علي الموافقه..
تنهد راشد و قال:
مش كل حاجه بنشوفها تبقي صح يا حبيبتي محدش يعرف ايه اللي...
قاطعه رامي:
انت بتقول ايه هو انت بتبررلها تصرفات واحد تاني انت ناسي انها مراتي ولا ايه يا بابا...نظرت له روما بحزن و التزمت الصمت
قاطع الصمت صوت راشد:
اطلعي يا روما علي اوضتك..ذهبت روما لغرفتها...التفت راشد لرامي و تكلم بعصبيه: انت ازاي يا ولد انت تتكلم كده...و بعدين مرات مين ..انت ناسي انها فتره مؤقته ولا ايه..و بعدين مش شايف حالتها كانت عامله ازاي...
رامي:
كل اللي هي بتعمله ده عشان ايه يعني هي اتجوزت و هو شاف حياته ايه اللي حصل يعني..تأفف راشد و تركه و ذهب...
أنت تقرأ
( چيما) Jemma
Mystery / Thrillerعاشت حياتها مخدوعه في اقرب الناس ليها ..روما فتاه بريئه لابعد الحدود....ياتري الزمن شايل ليها ايه . **اقتباس** ابتسمت و قالت: مصطفي ازيك؟ قبل ان يرد مصطفي ادار حازم وجهها له و قال بعنف: اما اكون موجود او مش موجود مش تبتسمي لحد غيري و لا تبصي لاي حد...
