تراقصت اوراقي
احيانا تدخل الاهل والضغط بحجه أعلم بمصلحتج يدمرنه
بسبب تدخل امي بحياتي وإجباري على الزواج من شخص مجبور كذالك عليه
قصتي مؤلمه عشت وتعذبت بزواجي وعندما اذهب لاكلم امي تقول ارضي
بماذا أرضى وانا ارى الجحيم بعيني
بماذا أرضى وأرى من أحب يتخلى عني ويطلب اختفائي من حياته
،،،،،،،،،،
،،،،،،،،،،
2012كان عمري 12سنه توني امتحنت سادس ابتدائي
جان بابه يخاف عليه حيل من نسمة الهوه جنت حيل حلوه ونازكه حته ليشوفني عباله اتعيقل
احنه 3اخوات
سند عمرهه ٢٥ سنه دكتوره وجميله بشكل
اما مينا عمرهه ٢٠ سنه مرحله ثانيه إعلام
اما اني ازغر وحده حاليا عمري ١٩ بس ازوجت قبل سنتين وعانيت رغم هو ابن خالتي بس مكانت علاقتي ويا شي يذكر مجرد سلام واشوفهه للمناسبات فقط!
جنت اشوفه من بعيد جمال وذوق وجسم جنت اعرف هو يحب بت خالته الثانية اسمهه فاطمه وجنت احسد حبهم رغم هي جماله متواضع بس هو يحبهه
بس الي فرقهم آخر فتره هو سني وهي شيعيه فابوهه رفض
وااااااني اااااخ يااني جنت مجرد شخص يفرغ شواته بيه وحته ينساهه حاولت أرفض بفتره الخطوبه بس امي ااااااااخ ياامي ااااخ
علابو ابن خالتج وعنده فلوس هي الفلوس الخربت دنيتي
وخبلتني اموووووت الف موته من اشوفه صافن جنت متأكده يفكر بيهه
اتخله عني واني حامل بتوأم ومهتم بيه عبالك وجودي وعدمه واااحد
إله بيوم ولادتي اجه شافني بس بهل يوم شفت اكو شي مدغير بي
يباوع على بلهفة عبالك مشتاقلي¿¿
بهل يوم كلت لا مو اشتياااق
جنت من عايشة ويا ٦ أشهر جنت مجرد حيوان يفرغ شهوته بيه على حسب كلامه إلى كان يجرحني بي دائما
مابيوم حضني مابيوم حبني مابيوووووم شافني ابجي ومسح دموعي ابددد
فهل فعلا انبت في قلبه ذره عشق في قلبه لي
جنت امشي
آخر امتحان إلى بسادس ابتدائي جانت حفله اختي سند خطوبتهه جنت فرحانه وركضت بكل قوتي ضفيرتي الجانت نازله لحد ركب رجليه شعري حريري جنه خصلات ذهب عيوني مااعرف اوصف لونهم الكل يكلولي مو طبيعيه ابد
لاهنه زرك لاهن رصاصي لونهم مااعرف اوصفه. لحضه شوفهن لون السمة ولحضه لون الرماد ولحضه أتعجب عله نفسي اشوفهم خضر
صراحه اني مستغربه احس كوكتيل بعيني
عيوني اوساع
جسمي متناسق جسم حورية هذا مو كلامي ولا غرور بنفسي هذا وصف الناس إليه
رحت اركض وصلت دخلت من باب المطبخ صحت ماااااما جوعانه
ضحكت وصبتلي جانت مسويه دولمه
كملت صعدت سبحت وبدلت
كطفله مااعرف لبست بدي وردي وبنطرون اسود ونزلت
صاحت مينا
التفتلهه مستغربه
مينا.... ولج اليوم نيشان لابستلي بنطرون صعدددددددددي
برطمن شفايفي بملل وكلت
.... مااعرف شلبس
مينا.... ريماس انتي كبرتي حصيرين اول متوسط لازم تتعلمين تعالي
طلعتلي بدله ماروني مرصعه بلون ذهبي
ورفعتلي؛ شعري
بدت الحفله رحت اشرب مي شفت إلى صار زوجي حاليا هههههه اضحك من اكول زوجي
جان واكف بلمطبخ ومحوط فاطمه باديه ويكلهه أحبج فهميني شسوي وهي تتمايل عله صوت الاغاني ردت اطلع انطخيت بميز الطعام ووكع الكلاص من الميز وانكسر جان عمرهم ١٤ هم زغار
التفت عليه وخرت هي من حضنه
جاي اطلع خزرني وجرني من شعري وكال إذا سمعت احد داري بلى شفتي موتج عله ايدي فهمتي
حجيت من بين شهكاتي وكلت والله مااحجي عوفني شعري دفعني للباب كل قوته انشكت ايدي بحافه الكاونتر طلعت اركض وابجي واسمع صوت ضحكتهه الحقيره
بذاك اليوم دعيت كلت ياربي ماتتهنون وتفتركون
وماكنت أعلم انو رب العالمين حيستجاب دعائي بهذا اليوم
يجوز لأن جنت طفله ودعيت بكلب محروك
كمت كلما اشوفه بمكان اجاهله جنت جاهله واخاف من نضراته
مرت ٤ سنين وصار عمري 16سنه
جنت خامس علمي اندكت الباب
جنت اغسل بلطرمه عفت الصونده وشعري المنثور على اكتافي جان يوصل لنهاية جسمي!!!
حيل طويل ماعمري حطيت المكص علي
فتحت الباب وصارت عيونه الاخاف منهن كبالي جان داير وجهه عني من فتحت الباب اندار واحسه انصدم رفع تك حاجب كال خالتي موجوده؟
ريماس.... هسه تجي راحت للسوك تفضل
حرك حواجبه ونفس الخزره من أربع سنين ماادري مين اجتي الشجاعه وضجت من حركت عينه إلى عباله بعدني جاهله
خزرته بغضب كتله ليش تباوعلي هيج
خزرني وضل واكف يباوع لدقيقه
كتله تفوت لو لا
..... دطرديني حضرتج
.... اااا لا العفو بس واكف بلباب وعندي شغل إذا تريد تفوت تفضل
دفع الباب وفات ودخل لاستقبال حيل اتنرفزت منه اكرهه
امشي ورا واباوع لجسمه المعضل عمره٢٠بس شايل جمااااال. أي وحده اشوفه تنعجب بي ماينعاب بي شي عله كولت ماما
شكد حلو بس لئيم ومغرور ومكروه
آخر كلمه طلعت مني بدون قصد
وكف واباوع عليه
..... هاي اني مكروه
...... انصدمت سمعني كتله مو قصدي العفو
...... رجع خزرني ومشه
خب بحضي يي والله شلون طلعت من كد ماضايجه منه
رحت سديت الحنفية مال مي وتوجهت للمطبخ سويتله عصير برتقال فرش عساس يستاهل الئيم ويمه كلاص مي مثلج حطيتهن بلصينيه ومشيت الاستقبال دادخل وسمعته يحجي بلتلفون
عثمان..... شسوي شنو بيدي اجيت خطبتج ٣ مرات وابوج يطرد تدرين بيه أحبج وحته احلم بيج صارلنه ٥ سنين علاقه حب شبيدي فهميني
سكت ورجع جاوب فاطمه تعبت فوكاهه امي خبلتني اريد اخطبلك تره طالعه. ررروحي
حسيت سد التلفون وشمره بعصبيه
بلعت ريكي وحركة حواجبي اذكرت من ضربني قبل ٤ اسنين زفرت نفس وفتت اول مفتت رفع عينه وباوعلي طولي ١٥٨
ورشيقه ومفاتن الانوثه واضحه جنت لابسه برموده سوده وفانيله نص ردان برتقالي
احسه اتفحص جسمي رفع نضره وباوع بعيوني
دنكت حطيت الصينيه كتله
راح اروح اكمل غسل الطرمه إذا ردت شي صيحلي
اخذ كلاص العصير شرب وباوعلي احس اكو شي غريب شنو الموضوع رفعلي تك حاجب وكال هاهي روحي براحتج
طلعت من باب الاستقبال الثاني ورحت كملت غسل الطرمه سديت الحنفية درت وجهي شفت خيال بالاستقبال من التفت اختفه يعني جان يباوعلي مااعرف حسيت برجفه بجسمي خوف عله توتر هذا شبي انفتحت باب الشارع فاتت ماما إلى لابسه اسود عله بابا من ٣ اسنين توفه بسكته قلبيه وهو لازم ايدي يكول احس بيج راح تتاذين ياباباتي ونزلت دمعه عينه وغمض
نزلت دموع عيني كلما اشوف امي بهلون ينعصر كلبي عله بابا حبيبي
مسحت دموعي ورحت بوست ماما كتله ماما عثمان هنا
رفعت حاجبهه مستغربه ياعثمان
. ابن خاله زينب
.... اها بلستقبال هو
هزيت راسي بايي
كالت ماشي وراحت وعلى وجهه علامات الاستغراب
صفنت شكو!!
