تراقصت اوراقي
تشويق الكم شويه لبارت باجر وأريد توقعاتكم
كمت مااطيق ريماس أرىد بس اطلع حته كمت اروح كبل من الكليه للمحل حته مااشوفهه بس بليل علكد حاجتي
ائذيتهه هواي واعترف وهي طفله وخلوهه بيدي بدال مااخلي هه تحبني واحد يتعود علثاني لا خليتهه تنهزم مني وحته بنتي كمت اروح بتواسيل اشوفهه
من اباوع عليهه واشوف بعيونه برود مو طبيعي يعني كرهتني يعني ملتني
كمت من كد ماافكر اشيل بلغراض واكسر لأن عقلي تعب
وطلعولهه اخوان
كامت ريماس تكبر كدام عيني وتحله ومالي شي عليهه لاتقبل ارجعهه إله طلاك
تندمت يي هواي تندمت ماعرفت احتويهه
اجه اليوم
راحت للناصريه وي امهه وخواتهه
وره اسبوع رجعوا دريت عدهه ورث من ابوهه وكل وحده ماخذه ورثهه
استمرت الحياه طبيعيه إلى أن بيوم رجعتلي مغصوبه ومابيدهه حيله وماكو مكان تروحله غيري
ريماس
لمينه غراضنه والجهال خبصونه احس راسي طبل
اجه اخويه حيدر من شافني ابتسم وباس راسي مااعرف ليش حبني هلكد من غير خواتي
صعدنه والطريق طوووويل والجو حار انحمسنه عالك تبريد بس الجو نار
طلعنه من حدود بغداد كمت اشوف بس تراب وأشجار قليله
عرفت بدينه ندخل للجنوب
نزلنه أكثر من مره نستراح ونغسل وصلنه للناصريه بعد تعب واجهاد متنه
وصلنه واستقبلونه الزعاطيط كووومه هههههه خربت ضحك عليهم
فتنه جانو هواي نسوان اسلم وارجع ليوره حلكي انعوج
جانت اكو مره جبيره سبحان الله نسخه مني بس جبيره شافتني فتحت عيونه واديهه بمعنى تعالى
رحت عليهه حضنتني كالت انتي شبيهتي
ابتسمت كتلهه فعلا اني شبيهتج
ضحكت طلعت سوارت ذهب ٨ لبستهن إلى اتفاجئت امبينات غاليات
اباوع للنسوان يردن ياكلني
ابني جان هواي يحجي بيج ومات واتمنه اشوفج
جنت اضحك على من كال شبيهتج بس سبحان الله
انتي قطعه مني صرتي حبيبه
ابتسمت وكعدت يمهه وحده بس تعوج بحلكهه عرفت هاي مرت أبويه الاولى
صبونه غده عله طول الاستقبال بس مالي نفس اكل من التعب
أكلت شويه مجامله
بدو يشيلون الاكل كمت غسلت اباوع ديمه خطيه انتهت
رحت لبنيه سالتهه عفيه وين الحمام اريد اسبح بنتي
دلتني كلتلي فوك
صعدت فوك نزعت ننوش وسبحتهه شويه ردت روحة ننوش كملت شهرين ودخلت بلثالث ناعمه حيل
طلعتهه لكيت امي وخواتي بغرفه اشرلي فتت شويه ردت روحهه للطفله انقهرت هسه ليش اجيت وهي صحتهه مو زينه
يمه حبيبتي روحي سبحي وارتاحي شويه جيبي اني البسهه
انطيته الأمي وأخذت ملابس لأن فعلا منتهيه دخلت جوه الدوش والمي ثلج
كل قطره احسهه تغسل جروحي
باوعت عله قطرات المي وذكرت اتصال عثمان بليل
سكران بلكوه يحجي
يغلط ويسب ويكول أحمد عرفته غلطان بلرقم
شكد جنت مشتاقتله وابرر أفعاله واكو ميخالف لعبت نفسي وتذكرت ماضيي الأسود المصخم
نفضت الأفكار من راسي كملت ولبست اتراكسود مستور لأن عدهم عيب ولفيت حجابي وطلعت
جنت اريد اروح سافره بس حيدر كلي لبسي ولبست
دخلت للغرفه مددت ونمت
كعدت عله دكت التلفون اباوع ننوش بصفي
عدلت كعدتي وباوعت الشاشه التلفون عثمان
كمت من يم ننوش نزلت اريد اشوف امي وين
البيت فارغ لفيت حجابي وطلع
ويه طلعتي صار واحد بوجهي اسمراني وطويل
عيونه عليه ضل يباوع عليه
سمعت صوت ننوش تبجي يريد يحجي عفته وصعدت لكيتهه تبجي
سويتلهه ممه وحللتلهه وغيرت ملابسه ونزلت
انزل عله بآيات الدرج واباوع علبيت قديم بس حلو
نزلت وصار بوجهي نفس الشخص
يباوع لي بعين جريئه ويتفحصني تفحص
ضوجني كبل طلعت
اباوع بستان داير مداير البيت وين اولي
التفتت عله صوته
بنهايه البستان بس غيري لبسج مشلتح
عقدت حواجبي بغضب
احترم نفسك
والله منتبهه لنفسج جنج رقاصه وتمشين
لا هنا طار عقلي واني شلون ماضايجه وأريد اطلع قهري
احترم نفسك اني خطار وغصب تحترم الأخطار لا اعلمك شلون تحترم
انت شلون تحجين ويايه هيج
ومنو انت فد نعال
باوعي وعيونه تجدح نار
ادبسزززز
انت السز استادي
ريماس مطلع لسانه عله عثمان تصير بزونه
توقعاتكم هذا منو وليش هيج يسوي وشعلي بيهه
