تراقصت اوراقي
الرابع عشر
بهل أثناء أندكت الباب موعد جيه عثمان يشوف بنته
امي كالت
هذا اجه
حيدر.... شعنده جاي
امي... يشوف بته ويروح
فتح عيونه بصدمة وباوعلي صارلج شكد مزوجه
سنه
شكد عمر بنتج
شهرين
وكف عله حيله اني راح افتح الباب
امي كالت لا خاله خيجي وتعرف علي
واحد من اخواني غير حيدر كال
بعدهه جاهله وتريد تطلك شنو الموضوع
ميخالف خاله يجي وفهمو منه ولو تونه اتعرفنه بس ميخالف كعد حيدر ويباوعلي
صدك حسيت بالأمان وتمنيت لو قبل لا ازوج جايين وشايفتهم
حسيت احد يهتملي لو موجودين متنجبرني امي علهزواج
فاتت امي وكالتله تعال خاله فرت فات واتفاجئ بينه كلنه كاعدين وتلقائيا ركز عيونه عليه
عثمان.... السلام عليكم
ردو
وعليكم السلام
حيدر.... اتفضل بله انشوف تاليتكك
.... العفو منو انت
اني اخوهه وهذوله إخوانهه للبنية
جاوب مستغرب
بس. ماعندي علم عدهه اخوان
هسه خلي يصير عندك علم
فهمني ليش سبب الطلاك
بس من ازوجتهه مااخذتهه منكم ماعتقد الك حق تدخلون
راح تحجيييي لو شلون
هاهي احجي الصوج منهه
جاوبت مصدومه منييي
احجي انت بلبدايه
ماكو شي مجرد جبرونه علزواج وماتراهمنه وماعشنه اصلا أقل من سنة سويه وماتراهمنه
السبب
جذبت عليه وكالة لبطني ماتو وجبتهه هنا وهي جلبت ومااتوسل بمره
انت ليش تكذب
اني اكذب يي دتكذب لحالي ردت اطرح والحالي اجيت هنا مووو
غلطت وجل من لايخطئ اجيت وانتي حامل اتوسل ردت انتي ماقبلت ترجعين
خوما أضل اتوسل بيج
انتي وصلتينه لهل حد
وكفت عله حيلي انت شدتحجي
هذا الصدك لو غلطان خاله باوعت الأمي بغضب امي كالت بس انت ائذيتهه مااجت بسبب دلالك
والله خاله من اجيت وكتلج امي جبرتني اتقدملهه انتي شكلتي
كلتي ميخالف هي تخليك تتعود عليهه
وكتلج تدري بيه احب وحده
كلتي ميخالف غصب عنه تقبل
اباوع الأمي مصدومه
حيدر.... يعني الموضوع سالفه جبر وانتي جبرتي بتج مثل ماهمه جبرو اهله
امي دنكت راسهه وكالت يي
وشنو السبب بعدهه زغيره والف واحد يتمناهه شكد عمرج وزوجتي
١٦
يي عاد صدك جذب استعجلتي اتزوجيهه
صار خلاف وحجي واني مصدومه
طلعت من الغرفه واني اجبح
يعني كل الي صار كذبه
كلهم متفقين وجاي وكايل الأمي عله كلشي وامي جبرتني
شلت بتتي من كريكوتهه وصفنت عليهه
زين انتي شنو ذنبج
ذنبج امج جبروهه تزوج واحد ميحبهه وميريدهه
اجه عثمان دخل للغرفة رفعت راسي باوعتله
انطيني اريد اشوفهه واروح
متحركة اجه اخذهه من أيدي وبقه يشم بيهه ومثبت راسه يم شعرهه
ترجعين وياي
باوعت على بنضره اشمئزاز
تحلم
بكيفج هاي آخر مره اسالج
درت وجهي عنه
خله ديمه بكريكوتهه
واجه شبكني
ردت اوخر
شششش هاي آخر مره اشبكج واروح باجر نطلك
هدئت ونزلت دموعي عله سنه َضاعت من عمري ممفتهمه منهه شي
حضني قوي ورفع راسي
ريماس باوعيلي
اتحركت عيوني صار بعيونه
ترجعين
لا
آخر كلام
يي الله وياك
بأس راسي وكام قبل بيطلع باب الغرفه سويت العلية واعتذرت وانتي ماتقبلين باي
تراقصت اوراقي
البارت الخامس عشر
وره يومين كالو اخواني يجون ياخذونه للناصريه نشوف أهل بابا وتعرف عليهم
جانت فرحه عله خوف
أزواج خواتي وافقو يرحون بعد ماوصو امي
وعثمان لاحس ولا خبر مو كال عساس قبل يوم نطلك والله مليت منه اريد اخلص
اندكت الباب كان الجو حلو وخواتي ملتهيات يختارون لبس الهم والاطفالهم شلت ديما وتمشيت للباب
منو
اني
وجعني كلبي من سمعت صوته
فتحت الباب رفع عيونه بعيوني
اجه شال ديما وباسهه درت وجهي اريد ادخل
ريماس
نعم
وين رايحين شو مخبوصين
درت وجهي علي
للناصريه
رفع حواجبه المرافقة لنضره عيونه ابتسمت تلقائيا من باوعي بهل الطريقة
اجت عيونه بعيوني صفن بيه شويه
ذب حسره وكال
ريماس مااريد بنتي تتربه بعيد عن ابوهه
عادي كل مده تعال شوفه ماكو اشكال
وإذا بيوم سالتج وكالة بابا وين وليش ميجي ويانه
سكتت
ريماس كافي الله عليج امشي
ولسويته بيه بيوم ولادتي وفقدت بنتي الثانيه بسببك
الله يعوضنه
مااريدج ترحين للناصريه حته لو نص يوم كافي عاد تدرين جنت أهلج مااقبل ترحيلهم مو عاد للناصريه
مااريد اروح نفسيتي تعبانه
واني مااريد ترحين
عثمان كافي تعبت لضل تتآمر عليه ساعه تريدني ساعه متريدني تره مليت من تثبت عله راي تعال وكلي عفته ومشيت
انعل ابو ساعه السوده ميريدني ويغار عليه
اقسم بالله بيك حاله نفسيه فتت يم خواتي فات وراي مينا تكرهه سلم دارت وجهه ومجاوبته
خاله شكم يوم تبقون
اسبوع ونرجع
مو كلتو يومين
يردون يوزعون الورث وشوية يتاخر
باوع عليه ماراضي ويستغفر
ومينا تباوع على بطرف عينهه انتبهلهه عكد حواجه هي دارت وجهه واشرتلي بحواجبهه ابتسمت ودرت وجهي علي
باوعي مخنزر اشرلي برا سه تعالى رحت ورى شبكني كل قوته احس عضامي حتتكسر
عثمان دتأذيني
ريماس تذكرين
رفعت راسي واني بحضنه شذكر
من جنتي تكعدين الصبح تردين ترحين للمدرسه اضلين دردمين وتحجين ويه نفسج لأن خال آثار بركبتج
عثمااان
وجعت عثمان كون
ابتسمت
كام يقلد عليه وخال راسه بركبتي اااه عثمان دتأذيني اااه علكيفك ااااه
قشعر جسمي دفعته وخررر عثمان ضليت التلاوة ويا بلكوه فلتت من ادي
جاي ادخل لزم ايدي وجرني كل قوته
ردت ادفعه شالني وسد حلكي
كعد وكعدني بحضنه ومثبتني
باوعت على
عثمان انت شتريد
اني نفسي مااعرف شريد
تريدني لو لا
طبعا اريدج
مجرد شهوة لو تريدني إلى
باوع عليه وابتسم بمكر
شهوه غير
بسرعه نفرت منه لزمني
عثمان وخر وحق من انزل القرآن لعبت نفسي منك وخر
كافي كافي اشاقه ولج
باوعت على واني صايره اعصاب
أحبج
كذاب
والله
ليحب ميأذي عثمان وانت اذيتني هواي
عادي نبدي صفحه جديده
اريد أبدى صفحه جديده بس مو وياك
خنزر ولزم ركبتي شتقصدين مو وياك
دفعت ايده وكمت من حضنه يي من حقي اعيش ويه انسان يحبني ويحترمني ويقدرني مو انسان مزوجني علمود شهوته
جاي يحجي وطكيتهه بركضه فتت للمطبخ واني الهث
صار ورايه وعيونه حمر لزمني من خصري حيل احس اعضام الحوض حتنقلع من مكانهه
واستحي اصيح الأمي لو لخواتي
ماضل كدامي غير لزمت راسه وبسته من شفته هو اتفاجئ رخه ايده وبادلني بهاي الحضه دنكت وفتت من جوه رجلي ركضت ركضه يمكن لو اشترك بسباق افوز
ركضت وره البيت مااعرف شلون وشوكت وصلت للباب الثالثة من وره البيت اتصبر علترك نعوفهه مفتوحه فتت المطبخ صار كدامي وهو بعده بمكانه بس يفور صعدت الدرج التفت هو شافني لو سويت الدرج شبختين من الخوف ركضت علغرفه وقفلت الباب
