تراقصت اوراقي
البارت الثالث
كام يهز رجله بتوووتر ونرفزه
وامي وخالتي فرحانات حيل
هلاهل كلبت الجو
خلص الكلام واتفقو ٣٥ الحاضر
و٨٠ الغايب الاحسه كسر ضهره كسر
كملو وطلعو وامي تبوس بيه وتحضني وتبارك واخواتي فرحانات
اتفقوا وره يومين علنيشان
جان يوم اثنين
رحت سبحت ونمت علجربايه بافكاري المتناقضة
وره شويه دكت مريومه الباب دخلت
.... روره عثمان بلباب يريدج
حركت جسمي متفاجئه
... شيريد
.... ماادري
... اوك تمام كليله نازله
... تمام
.... كمت عدلت شعري نزلت خصلات عله ضهري وكتفي وأخذت نفس بقلق وزفرته
نزلت علدرج
توجهت للباب الخارجي فتحت الباب صار بوجهي منتجي علسيارته
سمع صوت الباب رفع عيونه عليه والغضب متملكه
أتوجه عليه
بلعت ريكي وكتله تفضل جوه
هز راسه ميريد يدخل
طلع من جيبه فلوس
كال هاي ٩ ملايين مال ذهب ونيشان والبدله والصالون
كتله هواي
كال عادي بعدين اطلعهه من عيونج
باوعت على متفاجئه بكلماته أخذت لفلوس كالي سؤال
باوعت بعيونه وكتله جواب
كال ليش قبلتي
كتله بتوتر عادي ابن خالتي وقبلت بيك
.... بس اني مااحبج ولا اريدج مجبور بيج
..... بلعت ريكي بخوف وعيوني دمعت
.... مراح تعيشين وياي مرتاحه
صفنت بوجهه وكلت... ليش
... لأن كلبي وروحي وعقلي يم غيرج
سكتت
ضل يباوع بحقد عبالك اني جابرته
باجر اجي من الصبح اني وامي اذبجن بلسوك كملن وخابرني
... تمام
اخذتهن وفتت والدمعه بعيني
دخلت باب المطبخ صارت بوجهي امي كالتلي ها
شمرت الفلوس بوجهه وكتلهه من بين شهكاتي
..... يمه ادري ماراح ارتاح ويا
مطايقني ومرايدني ومن هسه يتوعدلي
وخطيتي بركبتج ليوم الدين
صعدت والدمعه مانشفت من عيني ابد
لل ٤ الصبح كاعده وافكر شراح يصير وشلون أبدى حياتي
بلكت الله يشوفني اهتم بي يكوم يحبني
مااريد حب اريد يتعود عليه وشويه شويه يحبني
يي
بديت اقنع نفسي باوهام لحد ماغفت عيني حسيت بأمي دكعدني
.... يله بنيتي كومي خالتج خابرت نص ساعه ويجون
هزيت راسي وكمت
غسلت وجهي طلعت ملابس قميص ماروني قصير وبنطرون خصره عالي لميت شعري كبه اصير اتخبل لأن شعري طويل
حطيت ايلاينر ومكياج خفيف نزلت واني أفكاري تتراطم بدماغي
امي كالتي اتريكي
كتلهه مااريد بس شربت جاي لأن راسي راح ينفجر
وره شويه سمعنه الهورن ودخلت خالتي مبتسمه يطلع عمرهه ٣٨ سنه زغيره وحلوه تخبل ابتسم تلقائيا من اشوفهه
كمت بوستهه وهي فرحانه كالتلي
لاتهتمين صيري سباعيه وخلي ينساهه انتي نادره وحلوه وتكدرين تتربعين بنص كلبه
عذري هسه يحبهه ٥ سنين واهلهه ماقبلو وابو راح خطبهه ورفضوا
ميكدر ابو يتنازل أكثر خطبهه ٣ مرات ومقبلو هو ضابط وميقبلهه عله روحه ينطرد من ناس مو من مستواه فصبري حبيبتي
حسيت كلامه سجاجين تنغرس بكلبي حطمت كلي امالي الباقيه وتفكيري للفجر
هزيت راسي وكتلهه يي خاله نشالله
طلعنه صعدنه وهو مبين كاعد عله أعصابه
الطريق كله ملتفته للشارع
رفعت عيني بوسط ازدحام لكيته يباوعلي ومعرفت افسر نصرته غضب لو مقهور احس جبال الدنيه فوك جتافه
نزلت عيني عنه
هو زفر نفس بغضب رفعت عيني لكيته نفس نضرته بعدهه
صفنه شويه واحد بعيون الأخ لحد ممشه الزحام
اتلاشت نضرته وتحولت للطريق
وره ربع ساعه وصلنه كال ساعه واجي اخذجن رايح للمحل
كالتله أمه يي حبيبي روح
شخط السياره وراح
فتنه عله محلات الذهب اختاريت كلاده وحلقة ومحبس َزوجين تراجي
وسوارين صارن ب٤ ملايين
خالتي اختارتلي سيت ب٣ ملايين
كتلهه لا خاله هواي
كالت غالي والطلب رخيص حبيبتي تستاهلين
بقن مليونين
رحت أجرت بدله لون زيتون نفش وعله طولهه ورد ذهبي
حبيت
وكعب لون زيتوني وحجزت صالون وأخذت ملابس بعد الحفله واكسسوارات بقى مليون خالتي كالت هذا الج حبيبتي
خابرت عثمان صعدنه
كال خروح بمطعم نزلنه وطلبنه بيتزا وصاج وكباب
أكلت شويه مالي نفس
كال
..... يمه راح اوصلكم للبيت وأخذ ريماس
.... رفعت نضري متفاجئه وين
كالتله أمه وين
... أريد اشتريلهه تلفون
والغرفة والأثاث لأن غرفتنه جبيره يراد وياهه تخم حلو نفس الاخشاب وأريد نحجي ونتعرف
بة امي كالت يي حبيبي عادي بس لتتاخرون
ضحك باستهزاء كال يي خاله قابل وين رايحين ورفع نضره إلي
وكال هو اني مكروه خاله
فتحت عيوني علوسعهن هذا شنو يحسب الكلمات عليه مينسه
امي كالتله لا حبيبي وين تلكه مثلك انشالله تتهنون
ضحك وكال يي خاله وداعتج هواي راح نتهنه
وداعتج سنه منطول
أمه كالت عثمان شبيك شنو هلحجي
وامي لبينت عليهه علامات التوتر من كلامه
ليش خاله
.... هاي شبيك سنه منطول يعني نبقه بيت اهلي نعزل
ضحكت امي وباوعتلي بنضره قلق
كأنما دكول ورطتج بنيتي
لأن كلامه كان واضح تهديد
