تراقصت اوراقي
البارت الثاني
دنكت اشيل المسواك غسلت الفواكه وخليته بمصفي
والخضروات كذالك
خليتهن بلثلاجه
وره شويه شفته طلع من الاستقبال التفت علمطبخ باوعي من فوك ليجوه اتفحصني وأخذ نفس وزفره بقوه وبغضب وطلع
هذا شبي يمكن بي حاله نفسيه
وره شويه طلعت ماما وهي مستغربه وفرحانه
سالتهه شكو ماما شيريد
جاي يخطبج
شهكت بقوه وكلت
ماما من كل عقلج شيخطب
اااااش عله شنو معليه صوتج شنو بي يرفض
ماما شتحجين هذا يحب بت خاله
شنو هلحجي تردين تكربسين قسمتج
ولج ماما ياقسمه توني سمعته يخابر يكلهه اهلج ميقبلون
... يي وشنو يعني قسمه وماصارت واجه شاريح
.... ولج ماما اشااااااريني صدك تحجين
صاحت عليه بعلو صوتهه
ااشسشششش ادبسز اني اعلم بمصلحتج
يامصلحه شبيييج
ضربتي عله حلكي بكل قوتهه انصدمت وضليت اباوع عليهه شبيهه
ادبسز توافقين وراسج فوك رجليج افتهمتي ومااسمع منج كلمه وحده باجر يجون يخطبوج متفكين حلكج ومتحجين
عافتني وطلعت احس نفسي بمتاهه
هو شوكت شايفني وشوكت حاجي وياي اصلا مابينه بس سلام
اعرف بي يحب غيري ونفسه بغيري اني شنو موقعي شلون راح اعيش ويااااا شلون
تركت البيدي صعدت الغرفتي واني ابجي بحركه كلب أخذت ملابس وفتت للحمام سبحت
دموعي اختلطت ويه قطرات المي ادري ميحبني وميريدني شسوي مااريد أوافق
طلعت شسورت شعري وكفت كدام المرايه اباوع النفسي
حلوه مناقصني اي شي جسمي وجهي؛شعري
عله كولت بابه حوريتي من الجنه انتي
صفنت وذكرت كلامه من كال وهو لازم ايدي عله فراش الموت
ولج باباتي كلبي يوجعني احس راح تنضلمين
شهكت بقوة مااعرف ليش كل بنيه تفرح ودكول اغيره واخلي يحبني بس اني العكس خوف وغصة بكلبي قويه حيل
احس نفسي جاي اتوجه للهاويه سمعت صوت جهال سند
مسحت دموعي نزلت من عله بآيات الدرج واحس كلبي ملزوم بحديده
سلمت عليهه ورحت مااباوع بوجه ماما حميت الجاي وخليت كعك وجرك وديته لاستقبال زوجهه جان موجود
دخلت
.... هلو محمد شخبارك
باوعلي وضحَك هلو بلحوريه شخبارج يحلوه
ابتسمت مجامله وزعت عليهم وكعدت
وره شويه فتحت امي الموضوع
اكول محمد باجر أريدك موجود
.... ليش عمه خير
.... والله ريماس جايين عليهه خطابه
رفعت عيوني المورمه من البجي واباوعلهه شغير رايهه بي فجاه
مو جانت متحبه
... يي خاله منو
.... والله ابن خالتهه عثمان تعرفه
.... ياهوه هذا الحلو مو
.... يي هو
.... هو خوش ولد شيشتغل
.... يداوم كلية ترجمه لغات والعصر حلاق وماشالله سيارته أحدث موديل وبيتهم قصر
.... يي إذا قسمه زينه شكو بيهه
اندار عليه وكال
... انتي موافقه ريماس
..... باوعت الأمي خزرتني
ابتسمت بستهزاء وكلت صراحه اني ممقتنعه بس ماما دكول أعلم بمصلحتج
اباوع الأمي كامت تفور
درت وجهي بغضب
كال يي بيهه الخير باجر يجون واحجي ويه الولد واشوف مايه
اخذت نفس احس صدري الهوه يشككه مااعرف ليش خايفه
بكلبي ليش شنو هلخوف كعدت شويه وصدت للغرفة فرشت كتبي أقره بس بالي مو يم الكتب لل٨ بليل صعدت اختي حاجتي وأخذت رأيي سكتت
ريماس إذا انتي مامقتنعه مانفرض عليج شي
بجيت وكلت لا امج جبرتني
دخلت امي شالت النعال ودك عله ضهري اريد اخلص نفسي منهه ماكو كامت سند اصيح ودفعتهه كمت اصيح انتي مووووو ام انتي غضب انتي راح تعيشين ويا أكلج هو ميررررريدني ميررررريدني
سديت الباب ورحت علجربايه كمت ابجي واشهك بكلبي شنو هلغصه البكلبي
شنوووو
فوك ال٣ ساعات ابجي تمرمت المي مااكدر اشربه نمت من التعب كعدت عله صوت العصافير الساعه بل ٦ ونص الصبح
حيلللل شكد نمت كمت غسلت وجهي ومشطت شعري نزلت جوه فتت للغرفة اختي وجهالهه نايمين رحت بلحديقه احس برودة الجو شويه تريح
ضليت كاعده لحد ماعلت الشمس دخلت امي متباوع بوجهي
هاي فوكاهه هي الضايجه يالله يا الله سويتلي جاي وحليب وشربت كعدو المشعوذين اليوخرون الضوجه مني مريم عمرهه ٦ سنين وأحمد ٣ سنين اجو يلعبون وياي نسوني وجع كلبي شويه
للعصر اندكت الباب وامي الضحكه شاكه حلكهه رحت بدلت من لاجاره مجبوره لبست فستان رمادي
من فوك والون الأسود يدرج من الصدر للنهايه الخصر يصير جوه الركبه بشويه
رفعت شعري وخليت مكياج خفيف وحمره مات وردي
زادتني جمال
فاتت امي مبينه ضايجه من شافتني مبدله ابتسمت واجت شبكتني كالت اني امج ادرئ بمصلحتج سمعي كلامي امي.
هزيت راسي بعدم قناعه ومضايقه ونزلت شافتني خالتي تحبني تموت عليه وهي دائما دكلي اريدج إلعثمان ماازوجه الزركه ابتسمت لأن صدك احبهه
كعدت وهو مارفع وجهه ولا كلف نفسه يباوعلي
اتنهدت بحسره هاي اولهه وهيج
اتفقو علحاضر وعلغايب واني وعثمان ماشاركنه بشي اثنينه مجبورين اثنينه مو بقناعتنه احسه يريد يختنك بس يريد يطلع صارت بيه خوفه بكلبي أكبر
رفعنه راسنه سوه من سمعنه الرقم الهائل الكاله
عمو أحمد أبو لعثمان
يي نعم الحاضر ٣٥ والغياب ٨٠
اثنينه انصدمنه
وباوعنه البعض
دار وجهه بغضب مبينه الشغله يلزمو من ايده التوجعه حته ميكدر يطلك لو يرجع لفاطمه
كام يحرك رجله بتوتر
سألوني وأخذوا موافقتي وره ما سألوني ٦ مرات وهو يباوعلي بترجي ارفض
واباوع الأمي الاكلتني بعيونه
هزيت راسي بالموافقة
هو كلت موافقه لو هو انكلب وجهه احمر عله ازرك
وتوعدلي بهزه برأسه
احس كلبي انتفض والله خاااايفه زاد خوفي مبينه رايحه للجحيم برجليه
