تراقصت اوراقي
البارت الثاني عشر
طلعت وماعرف بكلبي حقد عله قهر عله قوه شخصيه عفت شعري مفتوح هو صار حيل كصير ميلم
هو كصه لجوه جتفي بشبر لأن هي شعرهه هيج
اني كصيته لبدايه كتفي عناد بي
تمشيت وكلي ثقه
لمحت سيارته من بعيد من شافني وكف واباوع بوجهي
عرفته اتفاجئ لأن هو مكص شعري لهل حد
وجان لون شعري أشقر
دنكت وأشرت الحذائي ودفرت الكاع طلع منهه تراب وباوعت على جاي أكله انت وتراب رجليه مااهتملك بعد
درت وجهي عنه ومشيت بثقة ولابسه صدريه حصر ومفتوحه منهه جهه من جوه طالعه رجلي وترانشوز ابيض جسمي مفصل تفصال
هو يتخبل من هلصدريه
وصلت للمدرسه وصديقاتي كلهن شهكن من شافن شعري
مابينت الهم كتلهم عادي استايل واضحك
التفتت شفت اخته عائشه باوعتلي انصدمت وخلت ايدهن عله صدرهه هي شعرهه لنهاية خصرهه
من شفتهه نزلت دموعي لا اراديا بجيت
اجتي ذبيت روحي بحضنهه كتلهه اخوج كص شعري بجت عله بجيتي وشبكتني
غلطت علي وضلت وياي ماعافتني ابد الدوام كله لازمه ايدي حته المدرسات اتفاجئ بشعري الكل يعرف؛ شعري شلون طويل وضفيره لنهاية جسمي
رجعت للبيت شفته واكف من بعيد يباوعلي درت وجهي منه
ونزلت دموعي لا اراديا
بس ماحسسته غيرت الطريق ومشيت ماما متلكيتني بلباب خطيه بالهه يمي
مرت ايام وجاب اهلله يريد يرجعني وعمو كال الخاطري رجعي كتله خاطرك غالي بس هلشي انتهه مجرد أولد ارفع دعوت طلاق
كال براحتج عمو وحقج ارتاحي هو ماحجه كل الكعده
مر شهرين وصرت حامل ٥ أشهر برزت بطني كمت احس بحركة البيبي
كبرت بطني لأن بيه توأم أخذت سونار عرفت بيه بنوتات اثنين
سمعت من عائشه من داري متوسل بأمه ترجعني مقابله ومتحجي ويا
فتت بالسادس واني عله نفس طريقي
وهو اشوفه هواي واكف يباوع من بعيد
مااهتمله من اشوفه ألزم بطني عناد وامشي علكيف يضل يتحسر
دريت بفاطمه لازميهه مصادقه واحد وكبل مزوجيهه مثل مرت عباس
كمت مااشوفه عرفت مقهور عليهه طبك مرض انت وياهه عساك بالموت انشالله
اجتي الامتحانات واني بطني لخشمي بلكوه اقره
جنت بمنطقة الغزاليه طلعت امتحاناتنه بلشعله مو هواي بعيده
بدت الامتحانات كامت متصيرلي صدريه مدرسه فالبس صدريه حوامل نيلي واسود
الحمدالله اجاوب وبتفوق لحد اخر امتحان شفته واكف يم سيارته من شافني اجه كبل عليه
لزم ايدي
امشي
عوفني عثمان
امشي بدون حجي
تؤخر لاوالله وحق الله ألم الناس واسويك فرجه
بس احجي وياج
خلص الحجي وياك من زمان وخر
وكف ابو الخط كاله
روح مرتي اني اخذهه اليوم باوع عليه كاله براحتك ومشه
اضطريت اصعد بالسيارة اروح مشي قابل
فتحلي الباب صعدت ودرت وجهي للشارع
ساق لزم ايدي حسيت مثل الكهرباء بجسمي مشت وخرت ايدي علسريع
لزمت كلبي اااااوف منك يكلبي بعدك تحبه من لمسة ايده فزيت
نزلت دموعي مو بيدي مشتاقتله هواي
وكف عله كورنيش الاعضميه
رجع الكرسي ليوره ورجع راسه وغمض عيونه
ضل هواي عله هلحاله
التفتت باوعت علي انتبهت عله كم شعره طالع بيهه شيب برأسه اتفاجئت هو كل عمره ٢٠ شيب شنو
لزمني كلبي درت وجهي وكتله
هيج مقهور عليهه حته شيب طالع براسك
باوعلي رجعت نضري على ونزلت دموعي
هذا الشيب عليج مو عليهه
هههههههههه لزمتني الضحكه عله قهر كمت اضحك وعيوني اذب دمع
عليه ليش انت يايوم حبيتني يايوم
كل ايامي وياك كضيتهه قهر وبجي يايوم حبيتني
تقشمر روحك
والله عليج مادريت بروحي هيج متعود عليج من رحتي احس بفراغ والله العضيم حته فاطمه نسيتهه وبالي مو يمهه بيش احلفلج
من كصيت شعرج لأن جنت مقهور اتعودت انام علي وانتي حرمتني منه
مااعرف شصارلي بذيج الايام اريد اوصلج اريد الزمج اريد بس انام بحضنج ندمت هووواي والله حته الغرفه كمت ماافوتهه كلما افوتهه اذكرج واختنك اطلع
سامحيني والله محتاجج هواي ريماس ندمان كد شعر راسي فدوه سمعي منه
خلصت حجيك
ذب حسره يي
رجعني امي ضل بالهه هسه عليه
اخذ نفس وزفره حرك السياره ومشه
ماحجه بعد
وصلني للباب فتحت الباب
ريماس التفتت علي
احبج
اختض جسمي من هالكلمه اتمنيت اسمعه منك قبل انت كذاب
ركعة الباب بقوة بوجه
دكيت الباب طلعت امي
خفت عليج حبيبتي اتاخرتي
شافت سياره عثمان سكتت
فتت جوه وهو نزل ماادري شحجه وياهه صعدت بدلت لبست ثوب بس صار عليه قصير من وره بطني يوصل لركبتي
كملت تبديل وانفتح الباب
دخل عثمان وسد الباب
شدسوي اطلع
ماانطاني مجال احجي شبكني
ونزل عله بطني باسهه كمت ابجي كعدني علجربايه ونومني سحب الغطه جان السبلت معلوك
درت وجهي منه غطاني ونزع قميصه والساعه وشبك بطني
نزلت دموعي تعبت من المقاومة احبه بس اذاني اذاني هواي
ضل يتلمس بطني ارتاحيت المساته صراحه رخيت جسمي
متعبيج بناتي
ابتسمت سحبني نومني عله ضهري
ابتسم بوجهي ضل يلعب بشعري وبعيوني
عصر خشمي
كبران خشمج صاير طوبه سمنانه تمشين جنج بطه
برطمت وضجت منه طكهه ضحكه
اشتاقيت لهلشفايف هواي
اتقرب راد يبوسني
خليت اديه عله صدره عثمان
كافي
وخر
مشتاقلج والله
وخر
كافي ريماس
وخر تلعب نفسي منك وخر ودفعته
ريماااس كافي شبيج صار ٤ أشهر كااااافي
كله من ايدك وووووخر
درت وجهي عنه
مطايقته مو بيدي
رجع راسه للمخده بغضب
ضل يتنفس سريع
حسيته كام لبس قميصه وساعته ونزل بجيت
مشتاقتله هواي بس مدا اتقبله ابد
مصعد بعد عرفته راح غطيت راسي ونمت
المغرب حسيت رجع نام وراي
خله أدى تتحسس بطني اتحركن بناته البرابيك هو كيف ضل خال ايده ويبتسم
لحن هواي يعرفن ابوهن شالع كلبي ويحبنه
ابتسمت درت وجهي باوعتله
الابتسامه شاكه حلكه
كعدنج مو
اخذهن وروح
يله انطينياهن
ضحكت
باوع عليه
ريماس كافي مشتاقلج
انت همك بس شغلتك مهمك شي
لا والله بس غير أحبج وارتاح وياج
يي صحيح
كافي عاد مو انسلك جدي
عادي اسويلك ويا بصل شوي
كومي اكلي جبتلج عشه
مااريد
مو علمودج علمود بناتي يله كومي
باوعت على اخذهن وروح
ههههه يله انطيني اياهن
درت وجهي ضايجه كام يتلمس بجسمي وخرته
كااااافي
ماااا وخر
كافي
درت وجهي علي
اكرهك
ميخالف
والله اكرهك
ميخالف
اكرررررهك مو كلنه ميخالف
وخر مااوخر
درت وجهي لزك
أكلج
همممم
صارلج٤ أشهر زعلانه امي كالت مو زين
ليش
مو زعلانه
وشلهه دخل
مو كالولي لازم اتقرب منج هواي بلكي اجيبين طبيعي
درت وجهي لا مااجيب طبيعي عمليه
ديله ميخالف
اني حامل بتوم شلون اجيب طبيعي
ماشي
تروح تصرف فلوسك علسكر واني طبني مرض
اهووووو كافي شبيج جلبتي
يي جلبت وخر
اني هم اجلب مااوخر
مابيه حيل كلساع منداره تعبت
تعبتني شبيك
غير انتي صايرة خبله شسويلج
درت وجهي اني خبله
ولج كافي كلساع منداره جعصتي بناتي
بناتي مو بناتك
لا بناتي
لااااا بناتي اني
هههه يله ههههه ميخالف بناتج كافي خبال
ردت اندار
ولج كااااافي سوده عليه شلون متحمملات امجن الخبله يمه بنياتي
بناتي اني مو بناتك
هههههههههههههههه ولج كافي مادريت بيج خبله كافي
اتنهدت احس مرتاحه
كامت أدى تتحس رجليه رخيت جسمي
مرتاحه
مممممم
أضل لو اوخر
حركت رجليه بخجل ضحك
مشتاق لكل تفصيل بيج
هممممم
شنو معناتهه الهممممم يعني أضل اتلمس
ابتسمت هو كيف
لمساته صارت جريئه
كام يتحرك عله كل جسمي شافني ذبت بين أدى و
اجه
اخذ شفايفي اتجاوبت ويا مشتاقتله حيل شبكته وضليت ابادله
احسه فقد
اني هم ارتاحيت عفته براحته
رحنه لغير عالم نساني الزعل كل مايتقربلي يعتذر ويكلي احبج
سامحيني مشتاقلج هواي
همست براحه
المن مشتاق
مشتاقلج ريماس
فرحت من كال اسمي
اول مره مينطق اسمهه وهو وياي
بليل امي دكت الباب
ها خاله
خاله خوما اتعاركتو
لا خاله مرتاحين اصلا
ضربته عله ايده عثمااان
شبيج شكلت
أمي كالت تصبحون عله خير الله يديمهه
ويديمهه عليج خاله
كافي شبيك ضحكت وراحت
يي شبيج ممرتاحه هسه
لا
صدك
يي ممرتاحه
ها
يي والله ممرتاحه
ليش
اريد بعد
ابتسم شتردين
ليروح بالك بعيد اريد اكل جعت
عوفي الاكل شويه
عثماااان كافي
ضحك وكام جاب الاكل وخلا جايب كباب ومعلاك لأن عندي فقر دم وآله قوطيت ببسي والي عصير طبيعي كال مو زين عليج
ممممم
شنو
لابت روحي على اريد
مو زين
معليه اريد
