تراقصت اوراقي
البارت السابع عشر
كومي ييمه اخذيني وياج
ذلوني الناس بعدج ييمه💔🥀
التفتت عله صوت حيدر
ها شكو
ماكو شي
شلون يعني حضرتك ماكو شي
مو عيب عليك تتجاوز علخطار
افا عليوي شمسوي
مامسوي
لا مسوي ليش تنكر مو عيب علشارب لمربي
احترمي نفسج
لصيح بيهه شكو ريماس احجي
يكلي بدلي الابسته طالعه جنج رقاصه مو عيب لو هاي تربيت الدواوين هيج
اتسعت عيون حيدر وباوعله بغضب
ولك شمفين شنو هلحجي
يي لعد جذب شوف شلابسه
باوعي حيدر من فوك ليجوه
مابيهه شي ملابسهه
افا حيدر من شوكت نقبل نسوانه يلبسن هلبجايم لمشلتحه ويفرفرن بين الوادم
وانت كلتهه نسوانكم صح اني منكم بس مجرد خطار ومااسمحلك تقلل قيمتي التفتت عله حيدر وكلت بغضب
إذا أنت يااخويه ياابن أبويه قابل علحجايته فلا اعرفك ولا تعرفني
لا حبيبتي شلون أقبل روحي امج بنهايه البستان اني اعرف شلون اصرف
ابتسمت ومشيت جان يصيح
افااااااا افااااااا حيدر صدك تقبل تروح البستان وهيج لابسه مشلتح انا اخوك يبن عمي اشو مدغير
مشيت ومهتميت بكلامه واكول بكلي آفات تعلعل كلبك مين طلعتلي انت
اسمع حيدر كان يصايح ويا
اتمشيت مسافه وبيدي ننوش مكيفه عله صوت العصافير والهضار
اباوع أشجار قلمطوز ونخل وتين وعنب وشيشتهي كلبج موجود هنا
الهوه يرد الروح بعد من اختنك واضوج اكل الماما نجي هنا
لمحت خواتي وامي من بعيد
ابتسمتلي مينا رحت يمهه
مينا جابت بنيه تخبل سمتهه فرح من تمشي عبالك بطه تخبل
بليل سونن عشه وفتحو موضوع الورث
مر الأسبوع ملل بملل صح بستان حلو بس مشددين إله البس شي طويل وحجاب وصخام فضليت محبوسه
وره الأسبوع رجعته اخواتي اخذني بلصالون
حضرت تجوال وممنوع نطلع بس بنت خالي عدهه صالون قريب رحناله
صار شهرين ونص من رجعتنه من الناصري وعثمان عله حطته ميدغير
دخلنه بلصالون وجانت خطيه منتضرتنه
اباوع
شعري سبحان الله بسرعه يطول ذيج السنه كصلي أيا عثمان هالسنه وصل لنهاية ضهري يعني أطول من نهايه ضهري بشبر
حلو طوله كلت اخلصه وخصلتليا بخصل وردي تدريجي يعني من فوك وردي فاتح بعدين بالنهاية ايصير لونه علااحمر
سويت حواجبي تاتو عجبني
اخواتي رسمن وشم كل وحده اسم زوجهه من شفتهن اجتي غصه بكلبي اختنكت طلعت كتلهن اروح قبلجن بنتي وحدهه
طلعت من الصالون يصير قريب تمشيت بابا بيتنه مفتوح وناس بلباب هاي شكو
ركضت بس كلبي يوجعني
سمعت مره اصيح باسم امي ودكول ليش رحتي بناتج منو الهن
اني هنا جمد الدم بعروكي اركض بس مااحس بلوكت احس الوكت يمشي بطيئ هي المسافه قريبه بيهه ٨ أمتار بس ركضتي احسهه بطيئة حيل والوكت ميمشي
فتت من الباب كبل علباب الاستقبال امي متمدده بلكاع ويمهه فرقة الإسعاف من شفتهه رجليه ماحملني كعدت بلكاع
يصعقوهه بالكهرباء وميفيد امي متتحرك شالوهه علسديه واخذوهه
شلون وشوكت صعدت ورحت وياهم ماادري
شلون خابرت خواتي واجني للمستشفى وشوكت ماادري دكات كلبي سريعه
مااحس بلداير مدايري
خوف رهبة رعب
دخلت بمتاهه عمري مداخلته تعبت والتعب إثر عله عيوني
وفاه ماما صدمه جبيره
لطمت وبجيت ونحت ايام وليالي حته بنتي ماادري بيهه ليش القدر مكتوب عليه لضل طول عمري ابجي وانوح ليش
ماما صايره بيهه جلطه من طلعَوهه من غرفه الطوارئ جانت فاتحه عيونه وتباوع عليه لجتي اختي مينا تريد تسد عيونه متسدهن
مينا.... ولج ماما عينهه عليج ماتت ما مرتاحه خايفه عليج تدري هي السبب بلى انتي بي
كعدت من طولي وابجي تعبت
انعكد لساني احاول احجي بس ميطلع صوت
سوينه الفاتحه يومين َفضت الفاتحه
وره يومين خواتي كالن شلون نعوفج وحدج وره دقايق اندكت الباب خوالي محمد وأحمد وساهر
كعدو وقدمتلهم ضيافة حجه خالي الجبير محمد
اكول ريماس يابه
امج توفت وخواتج مزوجات ولد غربه ويصير تروحين يمهم يايابه وعضم بني آدم ثكيل
... يعني شنو خالي
.... اكول ياخالي ترجعين لزوجج وابو بنتج
... بس خالو احنه ممتفاهمين
.... يي ادري ياخالو كافي صارلج فوك السنه زعلانه عيب تره ميصير هيج ما وحده من بيناتنه امطلكه لو زعلانه هلكد واحنه امج جانت اسكتنه
ترجعين لبيت زوجج وزلم خواتج غربه عيب تبقين يمهم رجعي وفضينه شلون تبقين وحدج بالبيت شلون نقبلهه
سكتت كل كلمه تنزل علجرح زوج اختي سند هواي جان يتحارش بيه بحجه زغيره
ورجل مينا شايل خشمه للستار مايتحاجه
اوك خالو تمام انتضره يجي
. ساهر.... الله يبارك بيج خالو هسه اخابره
دك عله عثمان وفتح مايك
.... الوووو
.... هلو خالو حبيبي شلونك
.... هله خالو الحمدالله انت شخبارك
.... الحمدالله. اكول عيني شوكت تجي تأخذ زوجتك عيب تبقه بالبيت وحدهه شدكول الناس لا مطلكه وكاعده وحدهه
... هاهي عمو اصلا فتحت الموضوع ويه امي اليوم عساس اجي اخذهه بليل
.... لعد هاهي خالو كفو الشر ورجعهه وهي ماعدهه غيرك بعد
.... هاهي خالو
هاهي خالو سمعتي زوجج راح يجي ياخذج واحنه الورث نقسمه بناتكم
مينا.... لا خالو زوجي محامي وهو لزم القضيه وحنبيع لبيت وتقاسم مشكور ماكو داعي
..... ومنو يكول رجلج مياخذ اكثر
.... ومنو يكول مو انتو تردون تلفون لفوس
علت الأصوات مابيه حيلهم
كمت جسد بلا روح لميت غراضي إذا جانت امي تأخذ حقي فماعندي احد هسه
التهيت بغراضي ومينا مقابلة عله رجعتي
مين.... ريماس إذا متمردين ترجعين معليج تعال عندي وإذا مرتاحين احذلج بيت بصف بيتي بحصتج
... كافي مينا هاهي
ضلت تلح مقبلت اجه زوجهه وراحت كملت غراضي سند هم راحت
رضعت بنتي ونامت كعدت وخاله ايدي جوه حنجي وانتضره يجي
دخلت خالتي شبكتني وبجت وأخذت بنتي الحضنهه
دخل عثمان بأس راسي وحجة وياي ممركزه شحجه للان بعدني مكسوره ومهضومه
اخذ جنطي رحت طلعت صعدت للسياره
وسديت الباب بنتي عند خالتي
