تراقصت اوراقي
البارت الثالث عشر
معليه اريد
موزين عليج
ماادري لابت روحي علي
ابتسم كال بش شويه
يي
انطاني القوطيه شربت شويه
كافي انطينياهه
عثمان والله مشتهيتهه
مو زين
حباب
ههههه ديله أمري لله اني اشرب العصير
اتصل على امه كاللهه يي باجر اجيبهه واجي
يي انشالله
كمل وكال
يله لمي غراضج
ليش
شنو ليش باجر نرجع
دنكت راسي ماشي
يله راح اروح
وين
ماادري هذا صاحبي خبصني مدري شيريد اروح اشوفهه
ماشي حبيبي
شبكني وشمني قوي
باسني من راسي وكام
وصل للباب باوعي نضره مثل نضرته قبل
مااعرف ليش انتفض كلبي
حسيت بلخوف من شنو ماادري
لتلمين غراضج
ليش
هاهي كملت
باوعتله مصدومه شكملت
من كل عقلج اريدج جنت ضايج بدال مااروح للملاهي واذب فلوس اجيت هنا
وسعت عيني بصدمه
سد الباب وراح
اريد احرك جسمي مااكدر
ضليت صافنه بلعشر دقايق
صارت عندي انقباضات قويه احس بطني تتملخ
كل السواه جذب كل السواه يضحك عليه
ضليت ارجف جسمي كله يختض مثل السعفه
صرخت صرخه من كل كلبي اريد اطلع القهر والوجع إلى بيه حسيت بذله وساخه شلون قنعني وهم رجع اعتبرني حيوان
ضليت اصررررررررررخ امي اجتي تريد تفهم مني شي ماكو
بس اصرخ اصرخ احس غصه بكلبي جبيره
لزمني مغص قوي شل اعصابي
صارت عندي ولاده مبكرة واني بالثامن
ضليت اصرخ امي من شافت نزل مني مي الراس اتخبلت
اتهسترت ضلت تروح وتجي اتصلت عله خالي اجه اخذني
دقايق بس أخذت من حياتي هواي والثمن غالي
وصلنه للمستشفى كبل دخلوني للعمليات
ماحسيت بشي بعد
كعدت عله ألم بطني قوي
رفعت راسي اريد اشوف احد
رجعت نمت
كعدت مره ثانيه هلمره يمي خاله من شفتهه بجيت بجت عله بجيي
خاله وين بناتي
كبل خالتي نزلت راسهه وبجت
خاله احلفج بناتي
خاله كومي بسلامه والتعويض من ربج
خااااله احجيييي
وحده منهن ماتت والثانيه بلنعاش حالته خطره
كمت ابجي واصيح ليش ررررربي ليشششش شسويت بحياتي وهل عذاااااااااب
عثمااااااان الله يااخذك
عثمااااااان الله ينتقم منك
انشالله اشوف بيك يوم تبوس الايااااادي
دمرررررتني الله لا ينطيك دمرررررتني
دخلن الممرضات لزمن اديه وضربني هدئ
كمت ابجي بخنكه مابيه اكوم
ضليت اسبوع بالمستشفى
عله حالي وكلما اريد بتي يكولون نايمه
وره الأسبوع كمت اصيح اريد بتي عاد امي جابتلي كرسي متحرك ودفعتني للخدج
وصلت وفوتوني
شفت بنتي بس شكدوتهه زغيره حيل والأجهزة بكل جسمهه
بس حلوه نسخه مني
نفس العيون والشعر
بجيت أريده اريد ارضعهه
حجت الممرضة ميصير امي
فدوه دخليج
بس علكيفج طلعي صدرج
طلعتلهه صدري وخلتهه بحضني كامت ترضع كيفت
ليش جوعانه
لا والله كلساع ننطيهه بس لأن انتي امهه حست بيج
رجعت للبيت وبنتي بحضني
مر شهر وهي بالمستشفى الحمدالله والشكر صارت احسن وصحتهه اعتدلت ونشنشت حبيبتي
عثمان يجي يشوفها واشترالهه جهاز طفل كامل
يوميه من يرجع من الكليه يشوفهه ويروح
كعدت اني ويا واتفقنه انو ننهي كلشي
كال بس اكمل كليه هاي السنه وروح نكمل اجرائات الطلاق بلمحكمه
مالقيت بي بعدهه ولا هو سأل عليه بس يجي يشوف بنته ويروح بيوم جنه كاعدين اني وخواتي أند كت الباب قوي
لبست امي عباتهه وطلعت
نسمع صوت رياجيل وصياح
امي فاتت عيونه حمر كالت ضلن كاعدات لطلعن
دخلو للستقبال وامي صاحتنه تلاثتنه
دخلنه عادي جانن خواتي لابسات تراكسودات واني ثوب لحد الركبه
فتنه وكعدنه
جانو ٤ ولد أكبر من عدنه
امي كالت
احجو اسمع وذن بناتي باوع علينه ولد يطلع ب٣٨ سنة اكبرهم
وحجه
حيدر.... اني جبير اخوتي وبيتنه بلناصريه وعدنه حلال ومال وبيوت وكياعين
بيوم اجه الوالد مريض وكال راح اسافر البغداد
الوالد طلع مزوجج بسر
كلنه انصدمنه بوكتهه أبويه علفراش الموت وكاتب وصيه وانطاني اياهه
وبده بقره الوصية واحنه بدهشتنه مينا وسند فاتحات حلكهن واني اصلا فاصله
بثول كلت يعني انتو إخوانه
التفتو اربعتهم إلى خلسوني بنضراتهم
كلت بكلي يمه عوذه الله يبعدنه
راد يدير وجهه الجاي يحجي كال يي
هم بثول كلت أعوذ بالله من الشيطان الرجيم
التفتلي وخله ايده علتخم ومندهش
وج عجل شايفتنه شياطين كدامج
كمت امتت
اااالااااا ماقصدي بس تخوفون
وج شايفه طناطله كدامج لو لازميلج الجيله بيدنه
انثولت وجهي صار احمر كلت بغباء لو بيدكم تاكلونه هسه
لزمته الضحكه وجوهم شوية فكت العصبية
اباوع لخواتي خربانات ضحك هاي شبيهم شحجيت
رد هو
لابويه ما حجيتي شي المهم
كمل الوصية وجان لكل وحده بينه مسجل بيت بغداد
وامي البيت الكاعدين بي بسمهه
وعدنه حصص بلناصريه كومه اتفاجئنه أبويه عنده كل هلفلوس
حجت امي
وين جنتو قبل ٣ سنين ليش اجيتو هسه
مو الوالد ماذكر عنوانكم وضلينه نتأكد وهسه يله اجينه
وشنو المطلوب منه هسه
اريدك تجون ويانه الناصرية كم يوم وبيبي طاك كلبهه تريد تشوف حفيداته
بس هنه مزوجات مااكدر احكمهم
عادي نحجي ويه زلمهم
باوع عليه وكال كلهن مزوجات
امي حجت الزغيره راح تنفصل عن زوجهه ماضل شي
باوعي بستغرب ودار وجهه عله امي
انه اخوك ليش
مايستاهلهه وقسمتهه مو زينه من البدايه
بس بعدهه زغيره مو مال تطلك
شنسوي الله يرزقهه بقسمه احسن
ماادري ليش احسه انقهر عليه عكس اخوته
ضل يباوع لي بشفقه وكمل كلامه
.... لا انعل عشيرته دلوني علي
