အဆိပ်ပြင်းသောကြင်ယာတော်(Ch.175-???)[Mm Tran:]

Chapter 204: ကိုယ့်သေ‌တွင်းကိုယ်တူးနေတာပဲ!

<UNICODE>

"သူမကသရဲများလား?"ရထားလုံးမောင်းသမားတွေးတောကာခေါင်းခါလိုက်ပြီးရထားလုံးထဲကပြန်ထွက်လာလိုက်သည်။

အဲ့နောက်ခရမ်းရောင်ဝတ်စုံကိုဝတ်ဆင်ထားပြီးကြောက်မက်ဖွယ်မျက်နှာဖုံးကိုတပ်ထားတဲ့သူတစ်ယောက်သစ်ပင်တွေပေါ်မှာပျံဝဲနေတာတွေ့လိုက်သည်။

ထိုလူအဲ့မှာဘယ်အချိန်တည်းကရောက်နေမှန်းသူမသိပေ။

ထိုသူရထားလုံးမောင်းသမားကိုစိုက်ကြည့်နေသည်။

ရထားလုံးမောင်းသမားလည်းဘာမှမလုပ်ထားပေမယ့်ကြောက်လန့်တုန်ယင်သွားသည်။

"Ecstasy Houseရဲ့စည်းမျဉ်းရှစ်ချက်ကဘာတွေလည်း?"ခရမ်းရောင်ဝတ်စုံဝတ်လူမေးလိုက်သည်။

ရထားလုံးမောင်းသမားအံ့ဩသင့်သွားသည်။"ဘာ..ဘာလို့မေးတာလဲ?"

ခရမ်းရောင်ဝတ်လူကပြန်မဖြေပဲသူ့ကိုသာစိုက်ကြည့်နေသည်။

ထိုလူရဲ့အေးစက်တဲ့အကြည့်တွေကြောင့်ရထားလုံးမောင်းသမားတောင့်တင်းသွားသည်။ထိုလူကပြန်မဖြေသေးဘဲပြုံးကာစည်းမျဉ်းတွေကိုဖတ်ပြလိုက်သည်။"ဖောက်သည်တစ်ယောက်ရဲ့လျှို့ဝှက်ချက်ကိုခွင့်ပြုချက်မရှိပဲထုတ်မပြောရဘူး။ကိုယ့်ဖောက်သည်ကိုလည်းမဝေဖန်ရဘူး..။တကယ်လို့အပြစ်ရှိကြောင်းရှာတွေ့မယ်ဆိုရင်လျာကိုဖြတ်ပြီးသုံးနှစ်စာလစာဖြတ်တောက်ခြင်းခံရမယ်..."

ရထားလုံးမောင်းသမားကြောက်လန့်သွားသည်။

သူ့ရှေ့ကလူကထိုစည်းမျဉ်းကိုသိနေမယ်လို့မထင်ထားပေ။သူကြောက်လန့်တကြာနောက်ဆုတ်လိုက်သည်။"မင်း..မင်းဘယ်လိုသိတာလဲ?"

ခရမ်းရောင်ဝတ်စုံနဲ့သူမေးလိုက်သည်။"မင်းဒီပြစ်မှုကိုတစ်ယောက်တည်းကျူးလွန်တာလား?ဒါမှမဟုတ်တစ်ယောက်ယောက်ကူညီသေးလား?"

ရထားလုံးမောင်းသမားလည်းပြန်မဖြေပဲမြင်းကိုကြိမ်နဲ့ရိုက်နှက်ပြီးထွက်ပြေးသွားသည်။

ခရမ်းရောင်ဝတ်စုံနဲ့သူလည်းနောက်ကနေလိုက်မသွားပေ။

ခဏအကြာမှာတောင်စောင်းနံရံနဲ့တစ်ခုခုတိုက်မိသံကြားလိုက်ရပြီးအော်သံအကျယ်ကြီးကိုပါကြားလိုက်ရသည်။