* مدللتي الصغيره *
*الجزء الخامس*
سليم :هنننند ي هننند "قلبو اتقبض وقلع القميص ونط بسرعه ف الميه ومكنش شايف من الضلمه لحد م لمس ايديها وشدها ليه وشالها وطلعها ونيمهاا في المركب وقعد جنبها يفوقها"
سليم: عم متولي مش رااضيا تفوووق انا خاايف قووي
متولي: دوس ع بطنها تاني ي بيه او اعملها تنفس صناعي بسرعه
سليم: بدأ يدوس ع بطنها ومفقتش ، بص لوشها وبص لشفايفها وميل عليها وعملها تنفس صناعي لحد م فاقت وقعدت تكح ، مسك القميص بتاعه ولبسها وخدها ف حضنه وهي بدات تفتح عنيها ببطئ وبصت ع جسمه وعضلاته واتكسفت جدا انه مش لابس حاجه من فوق ..."
سليم: سااامحيني بترجاكي انا ااسف ، لو كان حصلك حاجه كنت هموت نفسي
هند: متقولش كده والموت ده نصيب مفيش حد سبب ف موت حد
سليم: انتي زعلانه ومخنوقه مني مش كدا
هند: حصل خير ..
سليم: يلا وصلنا للشاطئ "وقلعها القميص بتاعه ولبسه هو عشان ميمشيش كده "وشالها وهي لفت ايديها حولين رقبته وفضلت بصالو وهو باصص لطريقه ودخل الفندق ودخل اوضته ونيمها ع السرير "
هند: هنام هنا ول اي ؟
سليم: ايوة لازم اخلي بالي منك نا هروح اجبلك هدوم بسرعه وجاي "وطلع م الاوضه"
هند: سليم ... هو اكيد حاسس بالزنب من نحيتي بس انا بخير وربنا سترها
سليم: دخل عندها " يلا ادخلي الحمام ده غيري يلا لان هدومك دي مبلوله جدا ممكن تتعبي
هند: ي سليم متخفش عليا
سليم': حط ايده ع وشها وهي بصت لعيونه" انا مكنتش خايف عليكي انا كنت هموت مالرعب انا قلبي كان هيقف ي هند
هند: سلامتك ي سليم الف مليون سلامه عليك ، انا هدخل اغير وانت كمان غير لان هدومك مبلوله
سليم: تمم ....
"وغيرو هدومهم وهي طلعت قعدت ع السرير وهو جاب كوبايتين عصير فريش واحده منجا وواحده فروله "
سليم: ها تشربي انه
هند: المانجا لان الفروله بتعملي حساسيه
سليم: تمم "ومسك كوبايه العصير وهيشربها" عشان خاطر اغلا حاجه عندك خليني نا ال اشربك المرادي
هند: مش عايزة اتعبك والله
سليم: لالا مش هتتعبيني ولا حاجه "وشربها وخلصو وفرد ليها رجلها ع السرير ونيمها وميل عليها وحط ايديه ع شعرها ووشها" مالك احلويتي كده
هند: بصه لعيونه ومبتسمه" احلويت بردو
سليم: ايوة انتي كنتي ملطخه ف وشك ميكب
هند: لا والله مش ملطخه حاجه ده كحل وروج بس
سليم: ايوة عملالي عيونك زي نيفرتيتي وبوقك مصاص دماء بالاحمر ال كنتي مغرقا بيه شفايفك ده
هند: خلاص بقا مهو اتمسح
سليم: لو عايزة تخلي شفايفك لونها احمر من غير روج هوريكي
هند: وريني
سليم: بس نتفق اتفاق
هند : اي هو
سليم: متزعليش
هند: مش هزعل
سليم: ابتسم وميل عليها ببطئ وحط شفايفه ع شفايفها وثبت مكانه عشان يشوف في اي مقاومه منها ول لا بس هي كمان ثبتت مكانها وكانت مصدومه ومرعوبه والخوف والتوتر ملكوها وكانت حاسه احساس غريب جدا بس هي قلبها ومشاعرها رايحين ل سليم .....".
________
*الصبح *
نبيله: سليم فيين ي جماعه
لقاء: مرجعش من ساعه مطلع م البيت انا كنت سهرانه طول الليل مجاليش نوم قولت استناه بس مجاش
نبيله: يديني ي مصطفي شوفو رن عليه كده انا قلبي وجعني خايفه لايكون عمل ف نفسه حاجه
ماجد: مش كده ي نبيله هم الاولاد كده تلقاه بايت برا ولا حاجه م امير التاني كل شويه يصيع ومعرفش بيروح فين
مصطفي: بس مينفعش نستسلم كده ونسيبهم للطيش بتاعهم ده
ماجد: بعد م شاب ودوه الكتاب .. متفكرش انهم ممكن يسمعو مننا كلمه ف سنهم ده
لقاء: فعلا ي ماجد
نرمين: هي اريج لسه ف اوضتها هي كمان
اروي: ايوة ، مي معاها
نرمين: امممم ربنا يرزقها بالشخص ال يحبها ويصونها"
.........
اياد: كان قاعد يفطر مع امه واخوه وابوه وماسك الفون وفاتح الواتس وبيبص ع حالات اريج الحزينه وصورها وهي بتبكي وزعل وادايق جدا وساب الاكل وطلع ع اوضته وكان حاطت صوره ليها كبيرة جدا ع الحيطه وبص ليها وبكي" انتتيي السبب في ال بيحصل ده انا مش قادر اطلعك من قلبي ولا قادر ادخل مكانك حد تاااني ، انتي اي ال عملتيه فيااا ده ي اريج انا مش عايز اظلم الغلبانه ال معاياا مش عااايز وانتي واحده مش تستاهلي تتحبي اصلا..."
جمال: لسه بيفكر فيها
سماح: ااكيد طبعا هو لازم ي جمال نجوز للاتنين ف يوم واحد
جمال: ايوة عايزة اي انتي يعني عايزة تدي لاريج فرصه تاني عايزة تديها شويه وقت يمكن تقنعيها ب ابنك لي فكرانا هناخد واحده لولادنا غصب عنها متولع ولا تغور ف داهيه وهو دلوقت ينسي لما يتجوز
احمد: لا ي امي معلش وقت اي ال نديه ل اريج ، اروي زهقت مني احنا مخطوبين بقالنا سنه وشويه عايز اتجوز بقاا
سماح: العيال بيحبو بعض افهمو شويه بقا يعني عاجبك حالت ابنك دي
جمال: اكيد مش عاجبني بس البنت مش عايزاه افهمي واستوعبي بنت اختك مش عايزه تتجوز هنغصبها احناااا يعني ومتفكريش انها زعلانه عشان بتحبو وهو خطب والهبل ده ، هو يمكن صعبان عليها شويه ال زيها مبيعرفش يحب ولا يعرف عن الحب حاجه .....
........
اريج:بتبكي" انا تعبانه اوي والله ي مي مش عارفه ازاي هو جالو قلب يسبني كده ازاي هنت عليه هو فكرني مش بحبه عشان رفضته بس والله انا بحبه وفوق مهو متخيل ، اول منا اقولو لا يروح يخطب ع طول كده ااااه يااربي ااه ع وجع قلبي
مي: اهدي ي بت مش كدا والله هتتعبي من كتر البكا خلاص حاااولي تشيليه من دماغك وبعدين انتي ال غلطانه اول مره اشوف حد غلطان ويزعل ، ولو امك عرفت هتبهدلك ي اريج
اريج: غلطت ف اااي بس غلطت عشان بقولو مش عايزة اتجوز دلوقت
مي: ايوة غلطانه طبعا والف غلطانه فيها اي لما تتجوزي لا ومش اي حد ده الشخص ال بتتمنيه طول حياتك وطلاما انتو بتحبو بعض هو عمره مكان هيرفضلك طلب لكن هو البني ادم كده لما بيضمن وجود حد ف حياته بيعمل ما بداله وادي النتيجه ..
__________
"هند صحيت ولقيت سليم لسه نايم مكانو ع الكنبه من بعد البوسه ال ادهالها ، راحت لعنده وقعدت قدامه ف الارض وفضلت تبص عليه وحاطه ايديها ع شعره وبتحط صوابعها بين خصلاته ، بصت ع شفايفه وقربت منه وثبتت شفايفها ع شفايفه عشان تتأكد من انه صاحي ول لا وملقتش منه اي حركه راحت باسته بوسه سريعه وقامت وفضلت تضحك وخدت هدومها وراحت ع اوضتها ونامت ع السرير وفضلت تفكر ف سليم ...."
هند: اول مره احس الاحساس ده ي سليم ، انت عملت فياا اي انا كنت هندم ندم عمري لو مطلعتش معاك وبعدنا عن عيون الناس كلها اليوم ده مش هنساه في حياتي ، كنت خايفه اوي لما قربت مني كنت خايفه لتكمل عليا بس هي كانت مجرد بوسه ااه ي قلبي اول مره تبقا سعيد كده ااول مره انت ملكتي بنظراتك وحركاتك عيونك لوحدها الل بلون السما والميه تسحر خلتني دوبت فيهم دوب من اول مرة فتحت عيني ع نظرة من عيونكك .. "وقربت من باب الاوضه وهتفتحو عشان تخرج تتمشي شويه" انا مش هحط امل ان سليم يحبني لان ده مستحيل بس كفايه ان انا بحبك "وفتحت الباب بسرعه و سليم كان واقف ولسه هيخبط بس لقي ال بتقول انا بحبك ، هند اتكسفت جدا ودخلت جوه وهو دخل وراها وقفل الباب وقرب منها وهي لزقت في الحيطه وهو وقف قريب منها جدا وايده ع الحيطه"
سليم: ابتسم وكان فرحان جدا" بتحبيني ؟
هند: انااا ااا مش اانا لاا
سليم: اممم هتنكري يعني
هند: لا مش هنكر
سليم: امال انتي بتعملي اي دلوقت
هند: بكلمك
سليم: لا يشيخه انا كنت افكرك بتكلمي الجيران "حط ايديه ع وسطها وهي جسمها ساب"
هند: حطت ايدها ع ايده وعايزة تبعده" والله ي سليم انا كنت بغني بس مش اكتر
سليم: مش هشيل ايدي متحاوليش ، بس انا متأكد انها مش اغنيه
هند: سليم اعقل الكلام انا كنت عارفه منين انك ورا الباب والله مكنت اعرف
سليم: بعد ايديه عنها وراح قعد ع الكرسي" يلا اجهزي عشان نمشي بسرعه
هند: حاضر "ولبست وخلصت وراحت وقفت قدامه وع غفله راح شدها قعدها ع رجله وهند مكنتش مستوعبه ولا قدرت تنطق قصاد نظرة سليم القويه ووشه وهو قريب منها وايديه ملفوفه حوالين وسطا ، باس كتفها ورقبتها ومسك شفايفها وايديه ماشيه ع جسمها ، صرخت وبعدت عنه"
هند: انت اااي ال بتعملو ده انت فاكرني واحده من الشارع جايبها تنبسط بيها وبس وهي طبعا مش من مقامك ولا مستواك ولا هتقدر تتكلم ويوم متفكر تتكلم هتسكتها بقرشين او باي طريقه وسخه تاني قد اي انت فااكرني رخيصه انا لسه من شويه كنت بقول عليك انك شاب كويس اوووي ف لحظه غيرتلي كل افكاري
سليم: انتي فكراني بستغلك يعني ولي مستغلتكيش لما نمتي عندي ف الاوضه ده نا يبنت الناس سبتلك السرير ومرضتش اقربلو لتفتكري ان عايز منك حاجه غلط. ونمت ع الكنبه ، انا لو نيتي وحشه كنت هعمل فيكي م بدالي ومكنتيش هتاخدي ف ايدي ثواني حتي وكان بأمكاني افضحك واكسر عينك وازلك تحت رجلي بس انا اي ال يخليني اعمل كده اصلا لكن تمام. انتي شيفاني وحش ف انا وحش فعلا يلا بينا ارجعك مكان مجبتك لتقولي عليا خاطفك كمان مهو ده ال ناقص "ومسكها من ايدها ونزلو وركبو العربيه ووداها للمستشفي ومتكلموش ولا نص كلمه وهم مع بعض وهند زعلت جدا من نفسها وانها زعلت سليم ال عمل كل حاجه وخلاها مبسوطه ومقابل ده هي زعلته "
سليم: مش باصص ليها " انزلي حمدلله ع سلامتك
هند : سليم !
سليم: انزلي
هند: قربت منه وحط ايده حوالين رقبته راح هو بعدها عنه" انا اسفه ..
سليم: اسفه ع اي اقسملك بالله انا ال اسف انا ال اسف وغلطان من ساسي ل راسي حقك عليا
هند: قربت منه بسرعه وباسته وهو حط ايديه ع كتفها عشان يبعدها بس لقي نفسه دايب فيها ... بعدت عنه" سامحني "ابتسم ليها وهي نزلت وداخله المستشفي وشاورلته" بااااي ، بجد كان ااحلا يوووم ف الدنياا
سليم: ضحك وفرح انو فرحها " باااي ي مجنونه ... "ومشي روح ع البيت وكان طالع ع اوضته ع طول بس نبيله اول م حست بيه راحتله ووقفت قدامه وحطت ايده ع وشه"
نبيله: كنت فين ي بيه
سليم: كنت برا عادي
نبيله: انا سؤالي واضح كنت بايت فين
سليم: عند واحد صحبي ، متقلقيش المهم اريج اخبارها اي
نبيله: زفت والله ي سليم
سليم: لسه زي مهي. طب ووبعدين يعني
نبيله: مش عارفه والله اطلع ليها
سليم: حاضر "وطلع ليها وقعد معاها هي ومي .."
___________________
*بعد اسابيع ولقاء تعبت جدا وهند بقت معاها ليل ونهار وبتشوف سليم بالصدفه حتي مكالمه التلفون معرفتش تكلمهالو. ، ف يوم و سليم راح دخل عند لقاء يسأل عليها ويشوف هند ، سلم ع ستو وهند كانت قاعده جنبيها وهو قعد جنب ستو النحيه التانيه وقعد يبص لهند ويضحك وهند تبادلو نفس النظرات ولقاء لاحظت"
لقاء: سليم حبيبي روح شوف شغلك
سليم: حاضر "وبعت ل هند بوسه ع الهوا"
لقاء: ضحكت وضربتو ع كتفه" امشي يااد ... "بصت ل هند ال كانت مكسوفه جدا.." شكل سليم عشقان ؟
هند: باصه ف الارض" مش عرفه الصراحه
لقاء: امال مين لل يعرف
هند: هو
لقاء: بتحبيه "مسكت ايدها" متخفيش مني
هند: هزت راسها باه" بس هو مقليش حاجه
لقاء: تصرفاته فضحاه اصلا ي هند اي مش قادرة تفهمي
هند: بس لازم اسمعها بردو
لقاء:حضنتها" مبسوطه جدا ان سليم حب واحده زيك انتي ملاك ع الارض والله ي هند وان شاء الله خطوبتكم قريب
هند: ابتسمت جدا وفرحتها مكنتش سايعها ولا مصدقه ومستنيه اليوم ال هيجمعها فيه هي و سليم بفارغ الصبر وف نفس الوقت خايفه ومرعوبه من النصيب وهيعمل فيها اي .."
*التكمله ف الجزء السادس*
اكمل
