* مدللتي الصغيره *
*الجزء الثامن عشر *
"اروي طلعت اوضتها ولمت هدومها ولسه هتطلع لقيت احمد ال راح زق الشنطه ف الارض ومسك اروي من شعرها"
احمد: بزعيق وعصبيه" عااايزة تمشي من البيت ي اروي ، عايزة تمشي من غير اااذني وحيات امك لاوريكي ، يعني حتتي الواحد لو قلبه هيحن عليكي انتي ال بتخليه يقسي ، كان فاضل شهر ع الكلام ال انا قولتهولك يعني كانت ممكن علاقتنا تتغير خلال الشهر ده وبايدك انتي كانت علاقتنا هتتغير للاحسن بس شكلك انتي ال زهقتي مني ومبقتيش عايزاني ، عادي بقا منتي ممكن تكوني عملتي زي اختك وعايزة تطلقي عشان تتجوزي واحد تاني منتي سعدتيها قبل كده ع الغلط ، بتعملي كل حاجه تخليني اكرهك بتقللي معزتك ف قلبي بنفسك انتي ال بتعملي كده بنفسك ي اروي ، فهميني للييي لو انا بعاقبك ع اي حاجه وخلاص ابقي اتكلمي ، انتي لي مش مقتنعه بالغلط ال عملتيه فهميني "اروي زقته بعيد عنها وخدت الشنطه وكانت بتبكي ولسه هتمشي راح مسكها وضربها بالقلم"
اروي: غور بعيددد عني كفايه تهزيق عايزني امشي من البيت واديني هسبهولك اشبع بيه وب فريدة من غيري انت مش حضرتك ال هتديني مده معينه امشي بعدها لا انا مش همشي ع مزاجك انت ابعد عن طريقي
احمد: انتي طالق ي اروي
سماح: طلعت ع صوت زعيقهم واتصدمت لما سمعت كده واروي اتصدمت" ي ليله سودا
احمد: وقفه لي يلا امشي
سماح: انت اي ال عملتو ده فيكك اي
احمد: مش هي عاوزة كده ونا محرمهاش من حاجه ابدا
اروي: الدموع اتجمدت ف عنيها " معاك حق ، انا ال كنت عايزة كده ، انا استاهل كل ال بيحصلي وغلطتي الوحيدة ان فرحت بالحب بس معرفش ان الحب بعد الجواز هيتغير مفكرتش ف دي ابدا واحنا بنتخطب بعد ازنكم
"سماح واحمد نزلو وراها واحمد مسك ايدها"
احمد : هوصلك
اروي: صرخت وبكت بطريقه هيستيريه واحمد ادايق عليها جدا" ااابعد عني متقربش مني ولا تقفلي ف طريق ولا عايزة اشوفك ف وشي لو صدفه حتي غور بعيد عني مش عااايزاك مش عايزه حبك ول خوفك ولا اهتمامك مش عايزة فريدة مش عايزة ال ف بطني مش عايزة اي حاجه تفكرني بيك
سماح: اروي اااهدي مش كده "خدتها ف حضنها واروي تعبت جامد"
اروي: بصوت متقطع" سبيني انا هروح اجيب سكينه واموت نفسي عشان احمد يستريح انا هموت نفسي ...."وفقدت الوعي واحمد جاب ليها دكتور ......."
سماح: عاجبك ال بتعملو ف مراتك ده هي دي اروي ال انت بتدمن وجودها ف حياتك بتعاملها كده
احمد: اهو ال حصل بقا ي امي ، اهم حاجه اتطمن عليها ، الدكتور قال لازم ف اول الحمل ترتاح وكده وانتي شوفتي اتعصبت ازاي انا والله معرفش انها عصبيه بالشكل ده او معرفش ان عصبيتها هتخليها تقع من طولها
سماح: ربنا يطمنا عليها يارب ، كله بسببك انت غلطت ، عارف كل ده وبردو بتزعلها وبتخليها تتعصب لحد م تتعب مش مراعي انها حامل ولا مراعي انها حبيبتك. هو انا ال هنصحك ول اي منت مش عيل صغير ع ال بتعملو ده والله العظيم ربنا يصبرني ع ما بلاني .....
_______________
"تاني يوم الصبح بدري وسليم رجع البيت ودخل الاوضه ومي حست بيه وقامت وكان ماشي دايخ وعرفت انه شارب ، نام ع السرير وهي نزلت تعمله قهوة عشان يفوق وطلعت لقيته ماسك الفون وفاتح صور هند ، قعدت جنبه وهو لف ايديه حوالين كتفها وبيوريها الصور"
سليم: شايفه القمر ، انا بحبها ااوي
مي: سليم ااابعد عني انت اي ال بتعملو ده
سليم: بوريهالك
مي: منا متزفته عارفها ااوف بقا ع القرف والله انا غلطانه اني قلقت عليك انشالله تولع انت وهي، ماااشي ي سليم وديني لوريك وهوريك اخر طيبتي وصبري عليك ده اي..
"ع الضهر واروي صحيت وسماح كانت جنبها"
سماح: ااخيرا اي كل ده نوم
اروي: اانا لسه هنااا ، نا عايزة امشي من هنا
سماح: اروي متقوليش كده بترجاكي ، انا تعبت ونا برص ليكي هدومك ف دولابك عشان متمشيش بترجاكي خليكي
اروي: خالتي اانا اسفه والله اني تعبتك بس الحكايه دي مش بايدي انا ابنك كده كده كان هيمشيني من البيت يعني مشيت دلوقت مشيت بعد شهر مش فارقه + انتي شوفتي بنفسك وهو بيطلقني انا مبقتش ليه مبقتش حلاله خلاص هو رما عليا اليمين
سماح: كانت ساعه غضب وراحت لحالها ي اروي متكبريش الموضوع هو والله ميقدرش يعيش من غيرك
اروي: لا يقدر
لو فعلا ميقدرش كان عرف يمسك نفسه ويمسك لسانه شويه بس هو عادي كل حاجه بنسباله عادي انا مبقتش افرق معاه
احمد: دخل عندها ومعاه ورد وبيمده ليها بيدهولها " حبيبتي ، اانا ااسف بجد، ندمان ع كل ال عملتو والله ندمان بس كنت عايز اعرفك غلطك
اروي : هي خلصت "ومسكت الورد رمته ع الارض واحمد اتعصب وكان جايب خاتم دهب ليها راح رماه العلبه باقوي م عنده ف الارض والخاتم وقع منها ومشي من الاوضه "
سماح: اروي لي ي بنتي عملتي كده لي كسرتي بخاطرو بالشكل ده ، انتي مش كده
اروي: من عاشر القوم بقا "ومسكت الفون وفضلت ترن ع سليم لحد م فاق من النوم ورد عليها وقالتلو انه يجيلها ياخدها من هنا ، سليم قام لبس ونزل تحت "
مصطفي: رايح فين
سليم: اي الحكايه رايح فين رايح فين دي هو مينفعش اطلع برا ابدا غير ونا بتسأل غاير فين
مصطفي: متتكلم عدل ياااد انت
سليم: هتعمل اي يعني ، بص اعمل ال تعملو مش فارقه
مصطفي: مسك سليم من هدومه ورزعه قلم صدم سليم وصدم نبيله ولقاء ومي" لما اكلمك تكلمني باحترام غصبا عنك ترد عليا عدل مش واقفلي تبجح خلاص انا مش عشان ساكتلك هتسوق فيها ولا هتعملي فيها كبير ، مهما كبرت مش هتكبر ع ابوك
"سليم اتعصب وادايق جدا ومكنش عارف يرد ومشي خد عربيته وراح لاخته ، قعد معاها ف الاوضه وبكت واخدها ف حضنه وحكتلو ان احمد طلقها ، خلاها لمت هدومها ونزلو وقابل احمد"
احمد: رايح ب مراتي ع فين ي سليم
سليم: بزعيق" وانت مالك يخصك ف اي انت مش طلقتها
احمد: اقسم بالله لو طلعتي من البيت ي اروي "ولسه هيكمل كلامه بس قاطعه سليم وضربه بونيه خلاه نزف من بوقه ومسكه من هدومه"
سليم: انت عااايز اي بالظبط ، عمال تشخط وتنتر ف البنت وتتأمر وتشرط عليها انت فاكرها لعبه ف ايدك تخليها عندك وقت متحب وتمشيها وقت متحب ، انت مش عامل ليها اعتبار ولا قيمه ولا فارقه معاك ولا عارف ان ليها اخ مش بيستحمل عليها الهوا ، يجي واحد زيك يزعلها ده انا اقتلك وادفنك مطرح منت واقف ، "ضربه بالقلم ورماه ف الارض واروي مسكته عشان ميكملش عليه" انا اختي كانت عايشه ف بيتها معززه مكرمه ، ولا حد بيهينها ولا بيأذيها ولا يمد ايدو عليها ولا يخلي دمعه واحده من عنيها تنزل عشان انت كل يوم تبكيها انت فاكر نفسك مين ولا فاكر انك جايبها من الشارع يلا بقا فرصه سعيدة ي احمد احنا مبنخسرش حد انت ال خسرتها اشبع ببنتك وال ف بطنها ده وديني مهتلمحه صدفه حتي يلا ابقا فكر ف رجوعك ليها ف الاحلام ....."ومسك اروي ومشيو ........"
سماح: بكت وحضنت احمد" ادي اخره ال بتعمله ي احمد عاجبك كده اهو الدنيا باظت خالص ، بدل ميبقا عندك مشاكل مع مراتك اهو المشاكل هتبقا مع مراتك واهلها وهيقوها عليك وسليم ومصطفي هيقلبو علينا وعينك مهتشوف الا النور ..
_____________
"ف البيت"
سليم: مسبتنيش لي اطلع ميتين اامه
اروي: بتبكي " خلاص سيبه ف حاله احنا ملناش دعوة بيه تاني
سليم: بزعيق" طب متتزفتيش تبكي بدل م ارزعك قلم ع وشك ، دمعه تاني هتنزل من عينك ع الحيوان ده هروح اجيب روحو ف ايدي
نييله: سليم ، اروي .. ف ااي
اروي: احمد طلقني ي ماما
نبيله: ي مصبتي ي مصبتي ، لي كده اي ال حصل بس ده انا هكلم سماح وهزقها بس صبرك عليا
اروي; مفيش داعي سليم خدلي حقي منه وخلاص ، انا هطلع استريح شويه عشان تعبانه
سليم: تعالي هطلع معاكي"وطلع وصلها ودخلو الاوضه" خلي بالك من نفسك ومن البيبي واوعاكي تبكي ولا تفكري ، هزعلك اقسم بالله
اروي: متقلقش
سليم: يلا جاتك نيله ف جمالك ده بحبك
اروي: بحبك اكتر والله "وحضنته"
مي: كانت معديه من قدام الباب وسمعتهم واتجنت وهي تحسب ال معاه دي هند ، فتحت الباب بقوة وهي بتشتم " انت ي زباله يال ...... "وسكتت لما لقيت اروي وسليم بص ليها بغضب وهي اتصدمت واترعبت منه " اروي
اروي: ايوة اروي هو ف اي ؟
سليم: انا عارف في اي كويس اوي دي بنت عمي ي جماعه ف اي "ضحك بسخريه وطلع من سكات وركب عربيته ورن ع هند" هند عايز اشوفك بقاا
هند: صحيت ع رنت الفون و نايمه ع السرير" في حاجه اسمها صباح الخير الاول
سليم: صباح الفل يستي ها يلا عايز اخدك ف حضني والله محتاج حضنك بس
هند: في حاجه اسمها عامله اي اخبارك ، طمنيني عليكي حاجه زي كده اي معندكش فكرة
سليم: انتي بتهزري ونا بتكلم جد ع فكرة وخده بالك ؟
هند: اها وخده
سليم: انتي فينك كده
هند: ف البيت
سليم: طب قومي البسي وهاجي اخدك
هند: منا لسه مكملتش نوم والله يلا تصبح ع خير بجد مش فايقه لما اصحي بقا
سليم: بت ي زفته والله ماشي "وطلع عندها ودخل من شباك اوضه بس مكنتش اوضتها ، دور ف الشقه لحد م دخل اوضتها ولقاها نايمه وقف يتأمل ف شكلها شويه وقلع جاكت البدله وراح نام جنبها وضمها من ضهرها ولف ايديه حوالين وسطها وهي فاقت وحطت ايدها ع ايدو"
هند: انت جيت ازاي
سليم: فاكرة نفسك هتعرفي تبعدي عني يعني تبقي هبله انا هجيلك مهما كنتي فين
هند: امممم واتعلمت بقا تدخل البيوت. بالطريقه دي ازاي ومن امتا ، اوعي تكون اشتغلت حرامي بعد مسبتك
سليم: اشتغلت حرامي من دلوقت ، مهمتي اني اسرقك شخصيا ي دكتوره زي م عملتي وسرقتي قلبي قبل كده يعني ببساطه انا جاي اخد حقي منك
هند: اممم بس انت نسيتني واتجوزت غيري
سليم: مكنش قدامي حل غير كده ، ثانيا انا عمري منسيتك بقولك قلبي معاكي ، ولا عرفت انساكي ولا احب مي
هند: بس كده حرام عليك ، انت كده ظلمتها
سليم: بتفكري ف مي وخايفه ع مشاعرها ، طب ونا
لي انا دايما اخر همك ، لي بتفكري ف كل الناس ال حواليا بس انا مش بتديلي اي تفكير ولا اهتمام ولا حب
هند: اي الكلام ده ، انا يمكن كنت شايفه ال بعملو ده خير ليك ي سليم انا مش بتمنالك غير كل حاجه كويسه انا بتمنالك دايما السعاده والفرحه اهم حاجه عندي حياتك انت وسعاادتك انت وبس
سليم: ونا حياتي وسعادتي معاكي انتي وبس مفيش حد تاني قادر انو يفرحني غيرك انتي وبس ي هند ، امي فهمتك الدنيا غلط بس انا اعرف طريقها وهوريها
هند: عيب ي سليم متقولش كده
سليم: مفيش حاجه اسمها عيب ال غلط لازم يتعاقب وهي عايزة تدمرلي حياتي وخلاص انا بقا هوريها ازاي هي تعمل فيكي كده
هند: اتعدلت ليه وبقا وشهم ف وش بعض ، حطت ايديها ع وشه وبتبص لعيونه" قد اااي وحشتني ووحشتني نظرات عيونك الحلوة دي
سليم: انتي ال وحشتيني ، ونفسي اعوضك عن كل السنين ال فاتت دي نفسي اعيشك مبسوطه طول حياتك وطول منا عايش مفيش مخلوق هيأذيكي ولا يقرب منك ولا يزعلك ، انتي تخصيني ومفيش حد يقدر يأزي ال يخص سليم
هند: بحبك بحبككك اويييي ي سليم
سليم: بموت فيكي ، انا بدمنك ي مدللتي الصغيرة
هند: هو نا بردو لسه صغيرة ، السنين ال عدت دي مكبرتنيش
سليم: ايوة مكبرتكيش وحتي لو اي هتفضلي صغيرتي وحبيبتي وحته منه
هند: اممم يعني عايز تفهمني ان كلمه مدللتي الصغيرة دي مقولتهاش ل مليكه
سليم: لا طبعا دي بتاعتك انتي وبس انتي هتفضلي صغيرة ف نظري ي هند في اي ي بت
هند: خلاص خلاص ، بحبك ياد
سليم: بتحبيني قد اي
هند: قد العالم ......
*التكمله ف الجزء التاسع عشر*
تفاعل + كومنتس كتير
