* مدللتي الصغيره *
*الجزء الخامس عشر *
"سليم راح ل اروي واروي حكتلو ع كل ال حصل"
سليم: اروي انتي غلطتي
اروي: طب انا هصلح غلطتي ازاي يعني
سليم: ملكيش دعوة تاني بعلاقه اريج ول ليكي دعوة ب اياد
اروي: ماشي انا هشيل ايدي من الحكايه دي افهمني اريج هتنفز ال ف دماغها وهتطلق وهترجع ل اياد انا مش هيبقا ليا دعوة بس هو قالي لو هي دخلت ع البيت ده انا هطلع منه ي سليم انا ماال امي بالحكايه دي
سليم: انتي ال دخلتي نفسك ف حوارات انتي ف غنه عنها غبيه متخلفه ااقول اي الواحده المفروض تحافظ ع بيتها وجوزها وتعمل حساب ل بنتها انتو مينفعش تنفصلو مينفعش ، بس البعيدة حمارة بدل متبني البيت ده لا بتهديه وجايا تبلغيني بعد م وقعتي انتي لو قولتيلي ع الحوار من الاول انا والله كنت هقولك بلاش وملكيش دعوة ب اريج تطلق تتجوز انتي مالك عايزة تخربي علاقتها وبتخليها تخون جوزها عشان اياد انتي غبيه سلام ي اروي سلام ... "اروي حضنت فريدة وفضلت تبكي وسليم مشي ، كان سايق العربيه بهدوء و شاف رياض هو وهند ماشين بالعربيه وعينه مقدرتش تتشال من عليهم وقلبه وجعه ومأخدش بالو من العربيه ال كانت جايا عليه وعمل حدثه .... كل العربيات ال حواليه وقفت ومنهم العربيه ال فيها هند والناس نزلت عشان تساعدو"
هند: يحول الله يارب انزل ي رياض شوف مين ده او ننزل سوا لو قدرت اساعده
رياض: تعالي بسرعه انتي لسه هتحكي يكون الراجل خلص يلا "ومسك ايدها ونزلو والناس رنت ع الاسعاف ، وصلو لحد عربيته والناس كانو طلعو وبعدو عن العربيه وهي شافته واتصدمت ورياض مسك ايدها ، عيونها دمعت وجريت عليه خدتو ف حضنها وهو كان حاسس بيها وشايفها "
هند: سليييم ي سلييييم انت هتبقا بخير صح كده حبيبيي رد عليا طيب ، انت فاايق كلمني بترجااك اسمع صوتك واتطمن عليك ، طب قولي اي ال واجعك هااا اي ال تاعبك ي سليم ، بص الاسعاف جايا دلوقت وانت هتكون تمامم وهتقوم وهتقف ع حيلك وهترد عل كلامي "سليم غمض عيونه ببطئ وفقد الوعي ... ، الاسعاف وصلت وخدوه ع المستشفي ومقدرتش تدخل معاه اوضه العمليات ولا قدرت تستحمل انها تشوفو كده كانت قاعده قدام الباب وبتبكي وهدومها وايديها مليانين دم منه ورياض بيهديها ، مصطفي وصل باقصي سرعه ومستني اي حد يطلع يتطمنه ، هند وقفت وبتحاول تتمالك اعصابها وعينها جات ف عين مصطفي ال اتعصب جدا واتصدم لما شافها وهي اتراجعت لورا "
مصطفي:بزعيق" اااانتي ، هو اانتي رجعتي تاني ، اانتي اي ال جابك هنا ي بت ااانتي ااااه تكوني انتي السبب ف حدثه ابني مش كده "مسكها من شعرها " انتي وجودك هنا بيدمر حيااات ابني دمرتيه اول مرة وبعد م سبتيه هو كان تمام ودلوقت رجعتي عشان تخربي حيااته من تاني
رياض: اتعصب وزق مصطفي بقوة وبعده عن هند" لولا انك راجل كبير لكنت مديت ايدي عليك اقسم بالله
هند; سيبه ي رياض سيبه
مصطفي: انا عايزك تمد يروح امك وانا هوريك هعمل فيك اي ، انتي ي بت انتي غوري من هنا انا ول ابني مش عايزين نشوف خلقتك دي ابعدي عنه ابعدي عن حياته سبيه ف حالو هو عايش مبسوط من غيرك سبيه بقاااا سبييييه
"هند مسكت ايد رياض ومشيو ، بعد شويه الدكتور طلع"
مصطفي: خير ي دكتور ..
الدكتور: متقلقش هو بخير الجروح سطحيه كمان ساعات ويفوق ..
"بالليل والكل كان ف المستشفي و مي اول واحده دخلت ل سليم "
مي: اي ال حصلك عملت ميتين الحدثه دي ازاي
سليم: يستي قولي حمدلله ع سلامتك وخلاص
مي: لا مش هقول عشان انت واحد مستهتر ومبتسمعش الكلام كان نفسي تسمعني ولو مرة قولتلك ميت مره متطلعش من البيت انت لازم تستريح عاجبك حالتك كده
سليم: نصيبي .. مشفتيش هند
مي: هند ، يبجاحتك بجد بعد ازنك .
سليم: مييي استني
"اروي دخلتلو هي واحمد وبكت"
اروي: سليم انت كويس
سليم: كويس والله متبكيش انتي بتفولي عليا
اروي: انا السبب ف الحادثه دي انا حاسه بالذنب من نحيتك والله
سليم: لي هو انتي ال خبطتيني
اروي: انا ال طلعتك من بيتك وخليتك جيت عندي انا السبب
سليم: ده نصيب قول حاجه للست دي ي عم بدل منت واقف كده
احمد: لا انا سلمت امري ل ربنا ، المهم حمدلله ع سلامتك وبعدين تخلي بالك من نفسك ومن الطريق وانت سايق
سليم: الله يسلمك ي كبير هي صحيح العربيه اخبارها اي
احمد: طب دي ونا مجبر استحملها عشان مراتي وام بنتي طب انت
سليم: ضحك" اخو مراتك وخاال بنتك عادي استحملني بردو
احمد: بس ي سليم بس ارتاح العربيه باظت متكسرة جامد والله
سليم: كنت بحبها جدا والله
احمد: اوعا تقول العربيه
سليم: فعلا العربيه
احمد: لا خليك جنب اختك بقا استأذن انا مش ناقص حرقه دم
اروي: خد فريده طيب من عند ماما ي احمد
احمد: حاضر
اروي: اي ال حصل
سليم: مقدرتش اشيل عيني من ع هند ي اروي هند وجوزها ومخدتش بالي من العربيه ، عنيا اخر حاجه قفلت عليها شكل هند وهي بتبكي عليا وحضناني حاسس انها رجعت ليا روحي حضنها دوا حضنها ملجائي
اروي: اي ي عم الكلام الكبير ده ده انت عاشقها ، طب مترجعها ليك ي سليم
سليم: ضحك بكسرة وعيونه اتملت دموع " بعد ال عملته في رجوع بردو هه وبعدين صح هي متجوزة اي غبيه
انا والله زعلان ع نفسي وع الوعود ال وعدناها لبعض
"الباب اترزع وجريت هند عليه ومصطفي وراها "
هند: الوعود ال وعدناها لبعض دي انت ال خلفتهااا وروحت اتجوزت ، انا مش متجوزة ريااض ده يبقا اخويا ، عديم النظر والاحساس والمشاعر وكذاب وخاااين مصدقت خلصت مني بدل متدور عليا بس كلكو نسخه واحده هتطلع لمين يعني اااكيد طالع لامك "مصطفي شدها وضربها بالقلم واروي بعدتو عنها"
مصطفي: اطلعي برا ي زباله غوري من هنااا
هند: باصه ل سليم بحزن وبتبكي ومنهارة من البكا وبتصرخ " انا اتأزيت بسببكم انتو بسبب عيلتك انت انا اتحرمت من كل حاجه وف الاخر انت ال كاارهني "مصطفي مسكها وجرها ع الارض وطلع بيها برا ...."
اروي: يااااربي اااي ده اي ال بيحصل هنا انا مبقتش فاهمه حاجه
سليم: اي ال حصل ل هند بسبب عيلتي ، اروي انا عايز اقابلها ابوس ايديكي خلصيها من ايدين ابويا بسرعه ......
"تاني يوم و مصطفي لفق ل هند تهمه سرقه وسجنها وهي قعدت تضحك"
مصطفي: شايف ي حضرت الظابط شايف البجاحه
هند: بجد انتو كلكو نسخه واحده انا مغلطتش لما قولت كده ، انا بردو اتسجنت ظلم من 5 سنين بسبب طليقتك ويترا سليم طالع وسخ زيكو ول لا بس معشرتهوش بما فيه الكفايه عشان اعرف انا قعدت معاه حوالي 6 شهور مكنتش وساخته لسه ظهرت بس ي عالم لو كنت قعدت معاه اكتر كان عمل فيا اي ، انا بس صعبانه عليا نفسي انا بحبه كنتت متوقعه ان هرجع وارجعو ليا وارجع عيالي لحضني بس هو اتغير وانا فضلت زي منا ، كان نفسي اكلمو وافهمو واقولو الحقيقه بس انت متدنيش فرصه انا دلوقت مش مجبرة ان ابرر لحد حاجه افهمو ال تفهموه بس انا مكنتش محتاجه غير حضن سليم وحضن عمر ومليكه انا مكنتش مستنيه حاجه تاني من العيله الوسخه دي اسجني ي حضرت الظابط صدقني مش عايزة اقف ف وش الراجل ده اكتر من كده ، ومش عايزة اطلع ، لان لو طلعت مش هقدر امنع نفسي من شوفه سليم وانا لازم اكرهه .....
_________________
سليم: مي ، اروي محدش قالي اي ال حصل مع هند ، ابويا عمل اي مع هند
اروي: هيسجنها
سليم: اتصدم" يسجنها !!
مي: عشان هي تستاهل تتعاقب ، مهي طلعت حراميه
سليم:بزعيق" مستحيييييل مستحييييل تعمل حاجه زي دي ، دي مش عشرة يوم وليله ، فين ميتين الدكتور ال هنا يشيل المحاليل دي انا عااايزة اغور من هنا ، انا مش عجبني حالي وانا حاسس اني مقيد كده انا تعبت من النومه دي ومن قله الحركه انا عايز اشوف اي ال بيحصل ف الدنيااااا
اروي: اهدي بقا اااهدي انت مالك تشوف ولا متشوفش مش هتغير ال بيحصل خليك ف حالك وف مراتك وعيالك ال انت عاوز تحافظ عليهم متفكرش ولا تشغل بالك بحد غيرهم بقا ي سليم
سليم: اروي ابوس ايديكي ابعدي عن طريقي وملكيش دعوة بيا خليني ف الهم ال انا فيه
اروي: تمم "وطلعت برا قعدت مع احمد"
احمد: اخوكي عامل اي
اروي: وانت مدخلتش تطمن عليه لي
احمد: اتكسفت الصراحه أما مراته جوه من االصبح
اروي: لا وانت وش كسوف اوي
احمد: أيوة
اروي: طيب انا راحه اتطمن ع ماما
احمد: تمام خديني معاكي
____________
"بعد فترة ورياض معرفش يطلع هند من السجن بس قوم ليها محامي كبير ، سليم ونبيله طلعه من المستشفي ، مصطفى سافر جاب بنته وحضر طلاقاها وهي كانت راجعه مبسوطه وابوها ف قمه حزنه ، اروي خافت وقلبها اتقبض لان رجوع اريج ده هيدمر حياتها .... ف المكتب"
سليم: هند سرقت منك اااي
مصطفى: ريح نفسك مسرقتش بس انا حبيت اوريها واعلمها درس عمرها مهتنساه وأبعدها عن طريقك بقا كفايه لحد كده
سليم: ومن أمتي احنا بنلفق تهم لحد من أمتي بنظلم حد ولا دي أخلاقنا ولا انت ربيتنا ع كدا
مصطفي: انت ملكش دعوة بال انا بعملو انا اكتر واحد عارف مصلحتك فين لولايا انا انت كان زمانك مخدوع فيها ، نصحتك من البدايه وانت مسمعتش واديك شربت المر وحدك طلقتها وتعبت وبعدها سبتلك مسؤليت طفلين انت شلت أمرهم لوحدك وف الاخر اتجوزت ال انا اخترتها بردو اتجوزت مي ورجعت ليها زي الكلب ، ومي طلعت اصيله واستحملتك انت بعيالك وهي مش مجبرة أنها تهتم بيهم بس هي عشان بتحبك ف حبتهم ، فوق من الاوهام ال انت عايش فيها دي وبص ع الناس ال بتحبك الناس ال شرياك وبتتمنالك الرضا ترضا متبصش للناس ال هتوجعك ي ابني .....
______________
اريج: اياد انا ف بيت ابويا حاليا
اياد: اطلقتي يعني
اريج: أيوة جهز نفسك انت بقا عشان تيجي تطلب ايدي ونتجوز ع طول
اياد: ضحك" اهدي اهدي لسه ف ٣ شهور عده ي غبيه ، بس سيبك اقسم بالله الفرحه مش سيعاني اقسم بالله انا حاسس ان روحي هترد فيا ، حياتي ال كنت عايشها ونا معاكي هرجع اعيشها تاني ، خلال ال ٣ شهور دول متحرمنيش من حضنك ي اريج
اريج: ده انا هزهقك اقسم بالله
اياد: ع قلبي زي العسل ، بحبك ي نور عيني
اريج: بموووووووت فيك بمووووت فيك بجد ي اياد ومستنيه اليوم ال هيتكتب كتابنا بفارغ الصبر
اياد: مشاكتر مني والله ...
"اروي سمعته وهو بيتكلم وصعبت عليها نفسها جدا ومش عارفه تعمل اي ، هي بتحب احمد ومستحيل تبعد عنه وف نفس الوقت بتتمنا الخير لاختها وعايزاها ل اياد ...."
*التكمله ف الجزء السادس عشر*
كومنتس ...
