* مدللتي الصغيره *
*الجزء الثالث عشر*
" تاني يوم وهند راحت قابلت الاخصائيه ال ف الحضانه وطلبت منها انها تساعدها ف تبليغ العيال ان مي مش بتكون امهم وهي ال امهم الحقيقيه"
روفيدة : اممممم نفس كلام سليم
هند: اي ؟ سليم طلب منك كده ؟
روفيدة: ايوة كلمني ف الموضوع ده ان لازم العيال يعرفو الحقيقه ونا قولتلو ان السن ده اكتر سن مناسب وطالما انتي ظهرتي ف ده كويس جدا لمصلحه اولادكم لان بعد منبلغهم ان مي مش امهم ف اكيد هيسألو امال امهم فين ف هتظهري انتي وقتها ، بصي هنقعد مع بعض تاني هتفق مع سليم واديكم معاد محدد نتقابل فيه ونتفق
هند: بترجاكي بلاش كده ، انا وسليم منفصلين ويعتبر كارهين بعض جدا ف بلاش المقابله دي صدقيني مش عايزة اي مكان يجمعنا ول حتي صدفه
روفيده: بس ي هانم ده اتفاق ولازم يتم بينكم
هند: اتفقي معاه وخلصي كل حاجه وابقي بلغيني قولتو اي لكن نقعد كلنا مع بعض لا مش هينفع ابدا مش عايزة اشوفو
روفيدة: خلاص ال تحبيه
هند: تمام هجيلك وقت تاني او اكلمك فون لان ورايا مشوار مهم ، يلا ي رياض
_________
" مشت هند وراحت ع المستشفي وكانت متفقه مع الدكتور عماد انها هتدخل اوضه العمليات مع الدكتور ال هيعمل العمليه وفعلا دخلت معاه ، بعد وقت طويل وطلعت وراحت ع اوضه من الاوض وشافت سليم وعيلته كلها بس كانت حاطه كمامه ع بوقها مخبيه نص وشها مش باين غير عنيها ، سليم ومصطفي وقفو مع الدكتور يتطمنه عليها وبعدين الدكتور مشي ، سليم افتكر انو عايز يكلم الدكتور عشان عمليه مي ال نفسها تعملها (حقن مجهري) مشي ودخل الاوضه ال فيها هند وكانت واقفه ف وش المكتب وسانده عليه وعاطيه ضهرها للباب ، سليم خبط ودخل وقرب منها شويه "
سليم: لو سمحتي هو الدكتور ال كان موجود معاكي ف اوضه العمليات راح فين
هند: الدكتور وراه ..."وبتتعدل ليه وهي بتشيل الكمامه واتفاجأت بأنه سليم ال بصلها بصدمه وفضلو باصيين لبعض ف صمت ملا المكان ، بعد 5 سنين فراق الصدفه جمعتهم وخلتهم يشوفو بعض من تاني ..... ......
......
......
......
......
سليم: "باصص لهند وهم الاتنين عينيهم اتملت دموع ، بيقرب ايديه من وشها وفجأه بقوة راحت مسكت ايده وبعدتها عنها .."
هند: عايزة عيالي
سليم: انتي ملكيش حق تطلبي
هند: وانت ملكش حق انك تاخدهم
سليم: انتي ال سبتيهم انتي واحده متستاهلش انها تكون ام انتي معرفتيش تحافظي ع بيتك ول زوجك ولا ضناكي ال حته منك انتي انسانه قذرة وزباله وبتمشي ورا الفلوس قوليلي عايزة كام وانا هديكي ال عايزاه بس تغوري من حياتي انتي بعدتي عني يبقا تكملي بعد بقااا
هند: رفعت ايديها وكانت هتضربه بالقلم ع وشه راح مسك دراعها ولواه وهي اتوجعت مسك دراعها ولزقها ف الحيطه ، خلها وشها ع الحيطه وهو وراها "
سليم: لو فكرتي تقربي من عمر ول مليكه مش هيكفيني فيكي حياتك ي هند اقسملك بالله ، دخلتي تعملي العمليه لامي واستغفلتيني واستغفلتي عيلتي بس وديني لو كنتي عملتي لامي حاجه هيكون اخر يوم ف عمرك عايزه تنتقمي مني ف اامي انتي عايزة تأذيها وتأذي العيله لي ، رجعتي وعايزة تدمرينا بس انا مش هسمحلك بكده هوريكي نيتك الشر دي اخرتها اي لو ع الاذيه ف هوريكي الاذيه ال بحق وحقيقي هندمك ندم عمرك هخليكي تتمني الموت ومش هتنوليه
هند: ابعد ي سليييم اي الكلام ال بتقولو ده حرام عليك انا مستحيل اأذي حد فيكو لي انت فاكرني اي بس حرام عليك الظلم ده "سليم سابها وهي قعدت ف الارض وبتبكي " والله بعادي عنكم كان غصب عني صدقنييي ، انا مهما حكيت مش هتصدق خليني سااكته احسن انا والله كل يوم كنت بتعزب اكتر من اليوم ال قبله بس انت ول ع بالك وعيشت حياتك واتجوزت انا اتعزبت اكتر منك انا ضحيت عشانك وعشان مليكه وعمر يبقو بخير لولا التضحيه دي مكانش هيبقا في عمر ولا مليكه بس انت عمرك م هتفهم ، انا بجد كرهتك انا اهم حاجه عندي دلوقت عيالي. ...
سليم: ميل عليها " ونا بكرهك بكرهك ي هند من كل قلبي يلعن اليوم ال شفتك فيه كان اسود يوم ف حياتي "مشي ورزع الباب وهي فضلت تبكي وهو في صراع بين عقله وقلبه ع هند ودماغه عماله تودي وتجيب وحاسس انه تايه ومتلغبط ومش ع بعض ومش عارف يتصرف ولا يحسبها صح مخه مش عارف يدله ع الطريق ال هيمشي فيها احساسه ومشاعره ضعفه قدام بكا هند ال مش قادر يستحمله ......
مي: راحت حطت ايدها ع كتف سليم " حبيبي انت بخير
سليم: ايوة ي هند
مي: باستغراب وفقدان امل " هند !
سليم: عدل وشه ليها وفضل باصص ليها وهي بصت ليه وحطت ايدها ع وشه وهو ضمها" انا اسف ي مي بس منشغل بشويه حاجات كده
مي: عارفه ومقدرة ي حبيبي وليك حق تنشغل ب هند اكيد انت مدايق انها شافت العيال واكيد خايف لتاخدهم او تعمل فيهم حاجه ، حقك تقلق
سليم: بس ده ع جثتي لو هي قدرت تعمل حاجه
مي: بعد الشر عليك يروح قلبي انت ، قصدك ع جثتها ...
__
"بالليل ونبيله فاقت وكلو دخل يتطمن عليها وسليم مشفش هند تاني ، ع اخر الليل وسليم قعد مع نبيله لوحده وقاعد ع كنبه وراكن دماغه ع حرفها وبيحاول ينام مش عارف ينام من التفكير "
نبيله: سليم
سليم: ايوة ي امي ، فيكي حاجه انادم الدكتور
نبيله: لا ي حبيبي سلامتك انا كويسه ، بس انت ال مالك مش تمام خالص ومتحاولش تكدب عليا لاني هعرف
سليم: دماغي مشغوله بس بشويه حاجات وا ...
نبيله: قاطعته" شفت هند !
سليم: وقف وبصلها" اشعرفك انها رجعت
نبيله: لمحتها امبارح وده مجرد سؤال مش اكتر انت شفتها
سليم: شفتها
نبيله: اديها فرصه توضحلك مفيش واحده هتسيب جوزها وعيالها غير من اجل سبب اكيد ف سبب ي سليم وانت اكتر واحد عارف انها كانت بتحبك
سليم: اديتها ... مبرأتش نفسها ب ولا حاجه والله كنت هستمع ليها
نبيله: بس انا متأكده ان ف سبب
سليم: مش كل الناس كويسه او انتي عشان كويسه ف شايفه الكل زيك في ناس وسخه ي امي
نبيله: سليم
سليم: زي هند وقبلها امي
نبيله: اسكت ي سليم ولم لسانك غلط كده غلللط خااالص
سليم: انا تعبت انا همشي وجاي الصبح وبابا هيبات هنا الليله
نبيله: سليم خلي بالك من نفسك عشان خاطري
سليم: سلام .. "وطلع وقفل الباب وبيعدل وشه لقي هند .. وقفو وباصين لبعض سكتو لثواني وبعدين هند اتكلمت"
هند: مامتك بخير وف احسن حالاتها ..
سليم: انتي حتي لو عايزة تأذيها مش هتعرفي لان كان معاكي دكتور كبير ممكن كان وداكي ف داهيه "وزقها بعدها عن طريقه وماشي راحت مسكت ايده"
هند: اي القلب ده !!
سليم: نفض ايده منها ومشي وهي عينها عليه ودموعها نازله بطريقه هستريه لحد م مشي من قدام عيونها ، كانت بتتمني ان هدي تموتها بدل العذاب ال هتعيشها فيه طول عمرها"
هند: ف سرها" اي القسوة دي ي سليم من امتي كنت كده من امتي كنت قاسي عليا ده انت مكنتش بتستحمل عليا الهوا مكنتش بتستحمل تشوف دمعه ف عيني ، معقول مي تكون غيرتك معقول مي عوضتك عني نستك حبيبتك ال مكنتش بتتمنا حد غيرهاا ي سليم .....
"سليم ركب عربيته ورجع ع البيت ودخل باس دماغ عمر ومليكه وهم نايمين ومشي راح ع اوضته ومي جريت ع حضنه"
مي: وحشتني "بعدت عنه ومسكت وشه" كنت افتكرك هتبات هناك وكده .. اي مش بترد لي فيك حاجه
سليم: لا نا فل "وحط ايده ع دماغه وكان هيقع راحت مي سندته وقعدته ع السرير"
مي: بخوف وقلق" فييييك اي ي سليم رد عليا ي حبيبي قولي مااالك بس مش تقلقني عليك بالطريقه دي "قامت تدور ع فونها ورنت ع مصطفي" الحقني ي عمي بسرعه سليم شكله تعبان ااوي انا معرفش مالو ده كويس انو رجع بخير وهو جاي بالعربيه بس هو تعبان دلوقت تعلالي بترجاك ... "جريت ع سليم" حبيبييي قوم عشان خاطر اغلا حاجه عندكك
سليم: بصوت متقطع" انا بخير بخير
مي:بحزن" بخيير ااي بس انت مش شايف نفسسك ،ان شاء الله هتكون تمام
"وصل ابوه عنده وخدو ع المستشفي والدكتور بلغو انو ميقلقش هو تمام جدا ومفهوش حاجه ده مجرد هبوط جاله من قله الاكل والارهاق الكتير ولازم يستريح ويهتم بصحته شويه ، مي كانت قاعده ع كرسي قدامه وماسكه ايده"
مصطفي: مي ي بنتي تعالي اروحك مينفعش تسيبي العيال لوحدهم
مي: وسليم مين هيكون معاه ويهتم بيه
مصطفي: انا هبقا موجود متقلقيش وانتي تعالي الصبح يلا بينا ... "وركب العربيه وخدها يروحها ، هند استغلت الفرصه وجريت ع اوضته ع اساس انها الممرضه ال هتهتم بيه ، حطت الكمامه عشان لو حد شافها ميعرفهاش ودخلتلو ونامت ف حضنه وفضلت تبكي"
هند: قد ااي ووووحشني ي سلييييم وحشني اااوي ، متبعدنيش عنك تاني وساامحني انا ضحيت عشانك وعشان مليكه وعمر لولا تضحيه دي مكنوش اتولدو ولا جم ع الدنيا ، انا عيشتك ف منتهي السعادة ونا كل يوم كان قلبي بيتقطع ع فراقكم ومكنش حد حتي بيطممني عليكو عشت ع امل واحد وان هرجعلك ف الاخر ، ايوة اديني رجعت بس كل حاجه. لقيتها عكس م اتخيل غلبت توقعاتي كلها ي سليم ، انت كان معاك اهلك وناسك ومراتك وحبيبتك الجديدة وعيالك كلهم عوضوك عني بس انا ملقتش ال يعوضني انا ال اتعذبت مش انت ي سليم "قعدت تصرخ وتضمه جامد " حضنك ده وحشني اااوي ي سليم ، حضنك ده ملجئ لما كنت بكون زعلانه حضنك ده امانيي اااه ي سليممم مقدرتش اخد منك الحضن ده وانت فااايق كان نفسي انت كمان تضمني بس انا عارفه ان ده مش هيحصل "بعدت عنه ومسحت دموعها وبتملس ع وشه وشعره وميلت ثبتت شفايفها ع شفايفه وبعدها ضحكت بكسرة ودموعها زادت وقعدت تضربه ع كتفه براحه وبعتاب" قوم بقاا ي سلييم اناا بحبكك انا قولت اني هكرهك وهبعد عنك وهاخد ولادي وامشي بس انا بحبكك اوي والله العظيم ، قوم يلا واسمعني انت لي مش مصدق طيب هاا قولي انا عمري كدبت عليك ف حاجه سليييييييييييييييييييم ....
"مصطفي روح مي ورجع ع المستشفي واتجه ناحيه اوضه سليم عشان يتطمن عليه ...."
*التكمله ف الجزء الرابع عشر*
كل سنة وانتم طيبين يا قمرات
كل يوم بارت في العيد ان شاء الله
اتمنى منكم التفاعل
🌟 🌟🌟🌟🌟🌟🌟🌟🌟🌟🌟🌟🌟🌟
