* مدللتي الصغيره *
*الجزء السادس*
"بالليل ولقاء قالت ل نبيله تكلم سليم ف حوار جوازو واول مرجع سليم دخلت اوضته وقعدت معاه"
نبيله: حبيبي
سليم: ضحك" حبيبك اووو بقا شكل مزاجك رايق او جايا تطلبي طلب
نبيله: ضحكت" ي فااهمني انت ، عايزة افرح بيك ي سليم واشوف مراتك وعيالك
سليم: انا قولت لا يعني بس هي تيجي ونا مش هعترض
نبيله: مين هي
سليم: بنت الحلال ي امي ، والله شاكك ان ف بالك واحده وجايا عندي عشان تقوليلي عليها
نبيله: امممم فاهمني بردو للاسف"مسكت ايدو ونازلين ع تحت ومتجهين لاوضه لقاء " هو كلامك صح طبعا بس في جزئيه صغننه غلط ، البت موجوده فعلا بس مش ف بالي انا دي في بالك انت ي سليم "وخبطت ع دماغه ووقفو قدام شباك اوضه لقاء وباصين ع هند وهي قاعده بتأكلها ...
سليم: عشان يغير الحوار " اااحم مالها ستي "وبص ع نبيله لقاها بصاله ورافعه حاجبها " فعلا هي تعبانه جدا اليومين دول لدرجه ان هند بتاكلها صعبانه عليا خالص والله بس اي علاقه ستي بموضوع جوازي ول اااه هي ستي جيبالي عروسه ول قصدك انك عايزاني اتجوز قبل م ستي تتكل ع الله
نبيله: يخربيتك هتنقطني وهتشلني هتجبلي جلطه ي سليم ، ياد انت قاصد ولا بتستهبل ولا اي ، انا عملت فيك اي بس عشان تفقعلي مرارتي كده حرام عليك عايزني اعيش من غير مراره.
سليم: فصل من الضحك وهي ضربتو ع دراعو" اهدي ااهدي. خلاص انا فاهمك والله ، موافق اخطب هند كلمي ابويا وحددو معاد نروح نتقدملها
نبيله: فرحت جدا والفرحه مكنتش سايعاها وحضنت سليم وهو عينه ع هند ... "تاني يوم ونبيله قاعده مع مصطفي ف اوضتهم .."
نبيله: ابنك اختار عروسه ي مصطفي
مصطفي: بصلها بفرحه وحب وسعاده" انتي بتتكلمي بجد ، اااخيراا سليم هيتجوز اخيرا هيفرحني ، هاا اختار مين مي ولا واحده غيرها
نبيله: اختار هند ..
مصطفي: بصدمه" هند ؟ ملقيش غير هند "بعصبيه وقام وقف" مستحيل ده يحصل
نبيله: وقفت وراه" لي ي مصطفي احنا مصدقنا واحده غيرت سليم مصدقنا واحده خلتو اتنازل وهيتجوز مصدقنا انو بدا يحب تقوم انت وتيجي تقف قصاد سعادته
مصطفي: انا مستحيل اقف قدام سعادت ابني ي نبيله ، البنت دي هتطلعه سابع سما وهتهبدا ف الارض بعد كده ، زي م هدي عملت فيااا انتي ناسيه ان هند دي واحده وخلاص ولا من مقامنا ولا من مستوانا ، فلازم تلعب ع واحد غني عشان ينشلها من الفقر ال هي فيه ويوم م الشركه تهبط او يخسر مشروع هتسيبه ف اول الطريق يكمل هو واحده وهتجيلو العقدة من تاني وهيتدمر من تاني يبقا انا الغي الجواز من دلوقت احسن ميحصلو كل ده ي نبيله ابوس ايديكي افهمي بقا
نبيله: ااافهم اي بس هو ابنك ال عنده عقدة ولا انت ، مين قالك يعني ان هند هتطلع زي هدي مين ال حط ف دماغك كده باينها شخصيه محترمه وكويسه
مصطفي: بزعيق" م هدي بردو كانت شخصيه محترمه وكويسه امال انا اتجوزتها لي ، وانتي مصره لي ع هند دي ولا قولي انك زهقتي من سليم ومش عايزة تشيلي مسؤليته مره تاني عايزة واحده تهتم بيه وتتولي امره وخلاص "نبيله اتصدمت من كلامه وعيونها دمعت وهو ازاي يقولها كده هي عمرها م اشتكت ابدا ولا قصرت ف حق حد ، جايا تمشي وراح مصطفي مسك ايدها" راحه فيننن انتي
نبيله: سبني ي مصطفي لو سمحت سبني ، منك لابنك "ومشت راحت وقعدت مع اريج وهو راح المكتب وبعت ل سليم وسليم نزلو وقعد معاه .."
مصطفي: اي اخبارك
سليم: تمام
مصطفي: اي مفيش حاجه عايز تحكيها
سليم: اممم فيه بخصوص العروسه
مصطفي: عايز تتجوز هند
سليم: ايوة بنت كويسه جدا ولا انت شايف غير كده
مصطفي; كويسه ومحترمه لاهلها ول ناسها ولل ناس ال من مستواها مش ليك انت ي سليم ، انا رافض ، رافض بقوة البنت دي لو اتجوزتك هتتجوزك عشان شااب حلو وغني مين يطول لكن متفتكرش انها هتعمر معاك ولا هتحبك ، يوم متخسر ف شغلك هتلاقيها فلسعت ي حبيب ابوك ، انا بتمنالك الخير والسعاده الابديه مش فتره تضحك عليك فيهم وتمشي وتسيبك والله انا يهمني مصلحتك ي سليم
سليم: وقف واتعصب جدا" انت اي ال بتقولو ده هند مش زي امي عمرها مهتكون زيها
مصطفي : انت شكلك اتجنيت فكك من موضوع انها تبقا زي امك دي ، جوازك منها هيبقا صعب عليك وعليها ... "سليم بصلو بعدم فهم" انت عارف كويس اوي ان هند لسه مكملتش ال 20 ولسه تصرفاته طفله وعيله لسه معقلتش لسه مفهمتش الحياه الزوجيه لسه معرفتش هتعيش مع راجل ازاي ف اوضه واحده لسه معرفتش اي ال ليها واي ال عليها
انت بقا ، هتستحمل طفوليتها هتستحمل لو طلبت منها حاجه وهي مفهمتش او منفزتش او عملت اي حاجه حسستك انها صغيرة وازاي مرات سليم تبقا كده ازاي تصرفات مرات سليم تبقا كده هل هتبقا متفاهم معاها ؟ هتحس بيها لو زعلت هتعرف تفرحها وتجبلها شوكلاته او هدايه او الكلام الفاضي بتاع البنات ده هتعرف تمسك ايدها وتعلمها مش تضغط عليها وتهينها هتعرف تستحمل ي سليم ....
"سليم بص بعيد وقام مشي وكلام ابوه عمال يلف ف دماغه وفعلا كلامه صح وهو انا فعلا هستحمل اسلوب الاطفال ده ول لا ولا عايزها كبيرة وعاقله وناضجه زيي ولا ابويا بيقولي كده عشان يلعب عليا من ناحيه انها صغيرة لانه رافضها ..........."
سليم: انا هفكر بس 99% هختارها ولما تفكيري يبقا 100% هتجوز هند برضاك او غصب عنك ومش عايز حد يخاف عليا ولا يخاف ع مصلحتي نا حر ف حياتي ....
مصطفي: قام يزعق وسليم نفضلو ومشي" مش هسيبك تمشي ف الغلط ي سليم اناا هعرف ازاي اوقفك عند حدك" ومشي راح عند لقاء وشاف هند ومسكها من شعرها" انتي ي زباااله عملتي اااي ف ااابني عرفتي تضحكي عليه وتحببيه فيكي انتي مش عايزة حاجه غير. الفلوس قوليلي عايزة كاام وانا هديهملك بس تبعدي عن سليم
لقاء: قامت من ع سريريها وبعدت مصطفي عن هند ال منهاره من كتر البكاء" انت ازاااي تعمل كده ف البنت واي ال بتقولو ده احترم نفسك "وخدت هند ف حضنها .." ااسفه ي بنتي اااسفه حقك عليا انا
مصطفي: مسك هند من دراعها وجرها لحد باب الڤيلا وسليم كان نازل من فوق وراح بعده عنها"
هند: بكت بحرقه وصرخت" الحقني ي سليم ..
سليم: انت ااي ال بتعملو ده انت ازاي تتعامل مع حد بالاسلوب الزباله ده"وهند مسكت فيه وهو حط ايده ع كتفها وضمها لصدرو وباس دماغها" انا اسف ليكيي ي هند بجد اسف ، هند دي هتبقا مراتي غصب عنك ي مصطفي بيه ..
"اهلهم اتلمو ع صوتهم وماجد بيهدي مصطفي ومصطفي اتجن ع سليم وراح زقه برا البيت"
مصطفي: اطلع براا بيتي مش انت عايز تلملم واحده من الشوارع يبقا تخليك ف الشاارع يلا مشوفش وشك هناا تاني
نبيله: كانت هتروح لسليم راح مصطفي مسك ايدها" سبني ي مصطفي انت لي بتعمل كده فيييه لي واقف ف طريق سعادته لي بتدمره بالشكل ده
مصطفي: مش هو بيتحداني خليه يتحداني ..
"سليم ركب عربيته وكان متعصب جدا والدموع اتجمدت ف عيونه وخد هند معاه ومشي باقصي سرعه وهند بتحاول تهدي فيه وخلتو وقف العربيه "
هند :مش تمشي وانت بالحاله دي ونبي ي سليم اهدي مش كده. ، ابوك كان متعصب مش اكتر انا يسيدي مش عايزاك ولا عايزة اتجوزك ارجع لابوك ي سليم
سليم:ضحك بكسرة" هه ارجع لواحد طردني من البيت
هند: هو طردك بسببي الغي الجواز ده
سليم: عايزة تبعدي عني ..!
هند: بصت لعيونه وبعدين عدلت وشها بعيد وفضلت تفتكر كل ثانيه قضتها معاه وهي بتعالجو وافتكرت نظرات العشق المتبادله م بينهم لما كانو بيشوفو بعض صدفه وهي بتعالج لقاء وافتكرت اهم يوم ف حياتها اليوم ال خرجو فيه وشافت ف عينه حب وخوف عليها لما وقعت ف الميه ، اول احساس واول مشاعر واول لمسه واول قبله كانت منه هو ازاي هتنسي التفاصيل دي بسهوله ازاي هتبعد ازاي هتسيبو هي عمرها مهتعمل كده ، سليم عدل وشها ليه ، حطت ايدها ع وشه وقربت منه وثبتت شفايفها ع شفايفه زي مهو عمل اول مره راح ابتسم وخدها ف حضنه ..." بحبك ااوي ي سليييم
سليم: ونا بحبك اااكتر ي مدللتي الصغيرة
هند: مش عايزة اابعد عنك وف نفس الوقت مش عايزاك تخسر اهلك بسببي
سليم: بس انا يوم ما اقرر اتجوز ويوم م اختار يحصل كده ، مستحيل اتبع كلامهم ولا يهزني
انا اخترت وقلبي اختارك انتي مش بايدي والله *انا مش هتجوز حد غيرك ولا انتي هتكوني لحد غيري ، خلص الكلام لحد هنا*
____________
"ف خلال اسابيع وسليم اشتري شقه قعد فيها ع بيت ميظبط امور جوازه وتجيهزات لفرحه ، مصطفي بطل يكلمه ولا يسأل حته عليه، نبيله كانت بتروحله كل يوم والتاني بدون علم مصطفي واخواته كمان كانو بيروحولو ، هو كان مقضي اسعد ايام حياتو كل يوم خروجه شكل مع هند ، ..... " ف يوم وراحو ينقو فستان فرح"
سليم: كل واحد ينقي فستان ونشوف مين زوقه احلي
هند: اشطا ي حبيبي ، سليييم بص ده جميل ازاي
سليم: يبنتي انتي لحقتي
هند: ايوة ونبي عايزاه
سليم: لا مش هنختار من اول مره كده بصي هتلاقي موديلات احلي
هند: لوت بوزها وخبطت ف الارض برجليها" انا قولت عايزاه
سليم; متعمليش زي الاطفال ال بيمسكو ف لعبه ومش عايزين يسبوها دوري تاني بقولك
هند: انا قولت ده يعني ده هتزعلني ف يوم زي ده ي سليم 'ومسكت ايدو وبتثبته بنظراتها"
سليم: لو سمحتي ي انسه
فاتن : مدام .. مدام لو سمحت
سليم: اي ده مش باين عليكي خالص "هند بصالو ومبحلقه وبصاه لفاتن "
فاتن: تسلم ي سليم بيه من زوقك ، هي دي عروستك انت متأكد
سليم: ايوة
فاتن: اصل صغيرة اوي عليك "وفضلت تبص لعيونه الزرقه وده عصب هند جدا "
هند: بصتلها بعصبيه" اه فعلا انا صغيرة عليه والفرق بينا كبير ع فكره انا ازاي قبلت اتجوز واحد اكبر مني بكل السنين دي ، ممكن ينفعلك بعد ازنكم ..
سليم: سوري ع ال قالته اصل مخها ع قدها باي "وجري وراها وضمها ليه راحت ضربته ع قلبه وبكت وهو فضل يضحك" خلاص ي صغنن نا مقدرش ع زعلك والله انا بس كنت عايز اشوفك هتغيري ول لا والصراحه مش مطمن للمكان هنا تعالي نروح مكان احلي
هند: لا مش هروح ف حته
سليم: لا هنروح "وخدها وركبو العربية وراحو مكان تاني" يلا ي صغنن نختار اجمل فستان يليق باحلي هند ف الدنيا
"هند ابتسمت وكل واحد بيبص ع فستان ف اتجاه وهي عجبها فستان راحت خدته وسما صاحبه المكان ساعدتها ف اللبس وكانت عايزة تعملو مفاجأه وطلعت حطت ايدها ع كتفه راح اتعدل ليها وبصلها من فوق لتحت واتعصب جامد ، مسك ايدها ولفها عشان يشوف الفستان من ورا وبصلها بقرف ......"
سليم: بزعيق" اي ال انتي عملاه ف نفسك ده يروح ااامك
هند: في اااي
سليم: انتي لسه واااقفه قدامي ادخلي اقلعي الزفت ده انتي مش شايفه انو قصير فوق الركبه ومفتوح من ورا ومن قدام انتي هتتجوزي اريل ول اي
هند: سليم انت خلتني لبست كده مره
سليم: ايوة لانك مكنتيش ع زمتي مكنتيش تلزميني ولا تخصيني لكن دلوقت انتي هتبقي مراتي انتي ال هتشرف بيها قدام الناس مستحيل اخليكي تلبسي كده تاني "وبعصبيه مسكها من ايدها ودخلو البروفه وعدل ضهرها ليه وفكلها الرباط وايديه ال كانت لمساها خلت جسمها قشعر ،عدلت وشها ليه"
هند:الدموع ف عنيها" سليم اخرج انا هكمل
سليم: لف ايديه حوالين وسطها ورفعها من عالارض وخلا وشها قبال وشه" مش عايز اشوفك زعلانه بس انا بجد خايف عليكي من عيون الناس انا بحبك ولازم احافظ عليكي افهمي كده
هند: ابتسمت" فاهمه
سليم: نزلها " والله انتي ولا فاهمه ولا نيله انا عارف
هند:لي غبيه يعني
سليم: انا اقدر اقول كده ع قمرايتي "ثبت شفايفه ع شفايفها وبص ليها وبعدين ضحك وهي حطت ايدها ع بوقها وضحكت " يلا ي بت خلصي ونا هستناكي برا ونا ال هختارلك الفستان ..
*التكمله ف الجزء السابع*
اكمل ??
