سواد الأبيض

البارت الاول

#سواد الأبيض

حياتنا كالالوان قد يزينها الابيض

اوالزهري

قد تكون لها الوان غامقه

اوقد تمتزج كل الالوان بها

لكن هناك حياة يمتزج سوادها ببياضها

فيبتلع الاسواد الابيض

لتكون حياتنه بكل الوانها تضهر الاسود فقط

قصه اليوم كالعاده قصه حقيقيه 100%

المزيف فيها فقط الاسماء ف الاسماء غير حقيقيه

والمناطق لاتذكر للحفاظ ع الخصوصيه

المهن للابطال حقيقيه

الاعمار حقيقيه

بطله القصه اتابع القصه ويانه

اتمنا ان القصه تنال اعجابكم

اختكم ورد العامري😘😘

#سواد الابيض

البارت الاول

ل ورد العامري

لازم اليوم اروح للمدرسه

-بله سوالف كل يوم كومي يله

-حبابه حبابه والله مريضه بطني توجعني بس ليوم عوفيني انام

-كووووومي رسل

-حبيبتي تعاي ابوسج الله يخليج بس اليوم بطني توجعني اااايييي بطني بطني

-ماشي ماشي اصيح امي معليه بعد

-لالا رنا حبابه

-كومي يله بسرعه

-بطني بس انتي كولي لماما ماادوام اليوم

-حجه كل يوم بطليها يله كومي والله اصيحها

-والله نعسانه اوف اوف الله ياخذ المدارس حته اخلص اني اصلا اريد ابطل

-لاتستعجلين ايبطلج ابويه لاتخافين ايبطلج وضلي مثل البومه بالبيت

-شعري اييي

-ووجع تريد اتبطل رسيلان امداج اي بطلي وكابلينه وكعدي
والله اذا اسمعج بعد هيج تحجين شوفي شسوي بيج  هوه بله شي ابويه ميخلي بنيه تعدي السادس ابتدائي ويبطلها انوب اتسمعي تردين تبطلين بدل ماتتدعين بلكن الله يهدي ويخليج تكملين دراستج
كومي هاج جنطتج يله روحي لاتنكتلين من الصبح

-لبست جنطتي وطلعت اووف  شعري حيل مجرور بالقراصه اوف منج يارنا اوف

هااا نسيت اكولكم اني رسل م87

صف رابع ابتدائي احب المدرسه بس اضوج من كعده الصبح احس روحي نعسانه وبردانه وعيوني

توجعني وحته شعري يحكني كل الاحاسيس تطلع الصبح

اول مااجر رنا البطانيه مني