#سواد الأبيض
البارت الثلاثون
ل ورد العامري
ام سيف: والله كلي حاجي خالتي اريد عبير
نوال: شششششنوووو
ابوسيف: انتي تخبلتي لو شنو قصتج
ام سيف: مابيها شي اول واحد اخر واحد يزوج ثنين
ابوسيف: وليش يزوج ثنين شبيها مرته اصلا
ساهره: يابه سيف ممرتاح بزواجه خلو يرتاح يزوج الثانيه
ابوسيف: شيريد ليش الافندي مو هوه الي كال صغيره واربيها ع ايدي مو جان يصيح ماريدها لعبير شغيره هسه اختج جتي لهنا وهيه الي حجت بي مو احنه حجينه ابنتها
وكالها لا اني حاط عيني ع بنت عمي وصغيره واربيها ع ايدي شتغير هسه
ام سيف: اي شاف روحه ممرتاح وده يريد بنت خالته
ابوسيف: اي روحي زوجي حته طلاكج ايصير
ام سيف; شنو تحرم الي حلله الله انت
رسل: عمي وام سيف تعاركو واني كعدت ع درج حاسه بنار مشتعله جوايه حاسه بغصه بنص كلبي
بس معارفه شنو احجي ولاشصرف صعدت فوك وعفتهم كعدت يم جرابي الجهال واردد بداخلي شسوي شسوي هسه شسوي
نوال: وينج وين صعدتي كابلتي جهالج وتبجين
رسل: شسوي هسه نوال ها لازم شسوي حاسه بنار هنا بنص صدري بس شسوي
نوال: كلشي متسوين ابويه ميقبل وهسه دك ع خالتي بتلفون لعب بيها لعب وكلها بس يوصل كوليله يجي للبيت وكاعدله ابويه اليوم حته للمكتب ميطلع
انوب عبير شنو اذكر هسه من البدايه رادن امي وخالتي وحجن وياه وكال ماريدها
كافي لاتبجين تشوطين وترضعين ذوله خطيه شذنبهم كافي حبيبتي سكتي
رسل: احس كلبي يوجعني مخنوكه وكل الي اعرفه اني اريد ابجي وبس
نوال: ولاتبجين ولاتغثين نفسج وداعتج ابويه ايكسر راسه
رسل: فات وقت تقريبا ساعه او اقل وسمعنه صوت عمي يصيح طلعت نوال تركض واني وراها
وصلت لنص الدرج شفت سيف واكف وعمي يصيح عليه
ابوسيف: سوايتك مال البارحه ونذالتك ابيت ابوك ووصلت تزوج ولك عدك ثنين ورود يسون راسك وراس الخلفوك
سيف: لااصيح يابه ممسوي شي غلط اني
ابوسيف: ممسوي شي غلط وخررري من كدامي
ام سيف: تريد تضرب ابنك يارجال
ابو سيف: اضربه وانعل امه وابوه تريد تزوج ولك وعليمن ع بت اخويه
سيف: اهوووووو اي اريد ازوج شتريد مني اني ممرتاح مطايق روحي مطايقها ممسوي شي حرام اريد ازوج ع سنه الله ورسوله
أنت تقرأ
سواد الأبيض
Tiểu Thuyết Chungعندما تكون حياتك مقرره لك بااختيار غيرك عندما يكسرك اقرب الناس اليك ويغض النضر عن تصديقك
