#سواد الأبيض
البارت السادس و العشرون
ل ورد العامري
رسل: غطيت راسي بل لحاف وبجيت لااريد احد يشوفني ولااريد احد يحس بيه
بجيت لحد ماحسيت خلص ارتاحيت بعد ماريد ابجي
وكأن بالبجي طلعت كل الي مضموم بكلبي وخلص
كمت اريد اغسل طلعت من الصاله رحت للحمام سمعت صوت نوال
نوال: والله اكوله لسيف ول ابويه
ساهره: اي موجديده عليج مثل مافتنتي ع امي
نوال: اني فتنت ع امي
ساهره: اي انتي كل هذا علمود عباس تبيعين امج
نوال: ياعباس بابا دروحي
ساهره: بس كلتلج ازهار ايريدج عباس هسه كمتي اتسوين من ياخذج شلون
نوال: ساهره لاعباس ولاغيره اني اصلا كتله ل ابويه لاتشهدوني ولااحد يدخلني
ساهره: وعليش بعد ايشهدج اذا انتي حاجيتله كلشي
نوال: اني محجيت شي
ساهره: اي اي صدكت روحي عيني روحي داريها لست الحسن والدلال حته ترضه عليج ويرضه عليج عباس افندي
نوال: اي اداريها بس اداريها لانها مرت اخويه وحامل ب ابن اخويه وهذا اول طفل يصير عدنه
ساهره: هههه ياعيني نسيتي حته فطومه شدعواج
نوال: لا مانسيت فطومه بس فطومه بت اختنه يعني راجعه لحسين اكثر ما هيه النه بس هذا الطفل دمنه ولحمنه ابن اخونه واخونه الجبير هم
ساهره: يافرحتي امه رسل
نوال: وشبيها رسل مو بت عمنه
ساهره: وعمه لهيج عم
نوال: ساهره عوفي لبنيه متردين اداريها عوفيها محد جابرج تكولين شغل اشتغلي بس شغلج واني الباقي عليه اني اكمله
ساهره مولخاطرها لخاطر ابن اخونه
ساهره: خبصتينه دروحي انتي وياها وابن اخوج وياكم خل احب امه حته احبه اله
نوال:وليش متحبين امه شبيها رسل حبابه وبت عمنه
ساهره: حبابه وبت عمنه والله ياالله مااحبها متعجبني
نوال: ليش متعجبج لان مو خفيفه وماتتمضحك وصوتها ايلعلع
ساهره: قصدج
نوال: تعرفين قصدي كلش زين
ساهره: اي عبير احسن منها ب الف مره ع قليل موجامده مثلها شثكل دمها
نوال: رسل موجامده بالعكس بس بعدها صغيره وبعدين اذا ضايجه من شي بيها بدل ما تتقلدين عليها وتحجين نصحيها علميها
أنت تقرأ
سواد الأبيض
Ficção Geralعندما تكون حياتك مقرره لك بااختيار غيرك عندما يكسرك اقرب الناس اليك ويغض النضر عن تصديقك
