#سواد الأبيض
البارت الثامن و العشرون
ل ورد العامري
سيف: رررررسل شبييج
رسل: طلعني اختنكت طلعني
سيف: سندي عليه اوكفي بس طلعي وجهج من الباب بس البس رسل اوكفي شبيج لتخوفيني عليج
رسل: ماكدر سيف تعبااانه تعبانه اااااه ااااااه
لف الخاولي ع جسمه وطلعني كعدني بالممر كبال الحمام كوه اتنفس وابجي من شنو ابجي ماعرف بس ابجي
سيف: ييييييمههه نووووواللللل
نوال: ها ها خير شبيها
سيف: اوكفي يمها بس البس
ام سيف: شكو ليش اخوج ايصيح شبيها هاي
سيف: نزليلها عباه اخذها للمستشفى
ام سيف: شبيج تبجين وروحج سايحه شبيج متكوليلي
سيف: وخري يمه من دربي
رسل: كعدت بالكاع واحس بالام ابطني تجي وتروح ونوال يمي واكفه تمسح باايدها ع وجهي وتلزم ايدي جتي ام سيف ع صياح سيف تصيح شبيج متكوليلي طلع سيف لابس البجامه مال لتراكسود والتشيرت يلبس بي دنج وشالني والتشيرت مال التراكسود سحابه مفتوح
وطلع يركض احس بالم بس جسمي كله يوجعني ومخنوكه وكل الي اسويه اني ابجي وابجي من كل كلبي عبالك احد اموتني كتل
ام سيف: وين ماخذها
سيف: للمستشفى
ام سيف: ولك تعال هاي بجر تاكل شهرها عوفها تشاليع هاي
نوال: جبت عبايتها اوكف
سيف: يله صعدي صعدي
رسل: صعدني بسياره وام سيف تكوله عوفها هوه اندار يصعد من جهه السايق
نوال طلعت لابسه عبايتها وشايله عباه الي بيدها
صعدت وشغل السياره سيف وطلع وام سيف تصيح ولك مابيهاشي
سيف: رسوله حبي شبيج عيني عليش هل بجي شنو اليوجعج
رسل: كل جسمي يوجعني ومخنوكه مااكدر اتنفس
نوال: اخاف اختنتكت من البخار
سيف: لامن طبيت كلت ل امي شكلها مصفر وترجف
نوال: اي هيه اليوم ده تمسح وتخربطت
سيف: ليش مكتولي
نوال: امي كالت عادي مال حمل ويمكن لان مدنجه جانت وتمسح صار ثقل عليها
سيف: وكت اشاره هسه
نوال: سيف سد سحاب تشيرتك
سيف: والله مامنتبه حته ع روحي شلون طلعت هيج
أنت تقرأ
سواد الأبيض
Fiction généraleعندما تكون حياتك مقرره لك بااختيار غيرك عندما يكسرك اقرب الناس اليك ويغض النضر عن تصديقك
