سواد الأبيض

البارت الثاني

#سواد الابيض

البارت الثاني

ل ورد العامري

ابوحسين: سدو هل موضوع وانتهى

حسين: يابه بس فهمني عمي شكال

ابوحسين: عمك سكتها ورزلها وكام ضربها بس هيه تصيح منين ايعيشها وحجي هواي

ام حسين: اي هيه دوم تصيح فكر

ابوحسين: انتي سكتي لاتدخلين

ام. حسين: سكتت عيوني سكتت بس ع كيفك

ابوحسين: لاتلحين ويايه

رنا: يابه مصار شي اعصابك ياعيني

ابوحسين: لا امج اتلح سكتي لاتحجين شي

لينا: سكتت يابه سكتت

رسل: ضل ابويه يتحجج ع امي

وره ساعه من دخول ابويه للبيت اندكت الباب طلع اخويه حسين فتح الباب ودخل عمي وابنه سيف

عم رسل: وين ابوك

حسين: فوت عمي فوت جوه ابويه

ابوحسين: هلا ابوسيف اتفضل خويه تفضل

رسل: دخل. عمي سلم وكعد

ابوسيف: يابنات اطونه استكان جاي

رسل: ركضت رنا تسوي جاي اني كاعده يم ابويه امي ولينا هم راحن جتي امي تقدم. مي لعمي وكعدت

ابوسيف: اي عمي حسين مجهز غرفتك ان شاءالله

حسين: ها عمي غرفتي

ابوسيف: اي لعد وين تزوج غير ابيت ابوك اني اكول ابني غرفه فوك احسن

ابوحسين: يازواج ياابوسيف

ابوسيف: شنو يازواج شبيك مو ردت ازهار لحسين

ابوحسين: ها اي بس

ابوسيف: واني نطيتك لبنيه ياخويه كبعها واخذها بعباتها

ابوحسين: بس ياابوسيف امها

ابوسيف: امها ماتحكم ولاتدخل بيني. وبين اخويه اخويه راد بنتي لويريد امددها واذبحها جوه رجله انفذله وماترمشلي عين لبنيه اني ناطيها ل ابن عمها وماالكه احسن من حسين اني

حسين: تسلم عمي

ابوسيف: كمل امورك ابني وخطيبتك تنتضرك وشتحتاج اني بالخدمه

ابوحسين: اريدك سالم ياخويه الله يخليك. فوك راسي

ابوسيف:كم اخ عندي اني انت غالي وطلب رخيص لوتطلب روحي

ابوحسين: سالمه روحك حبيبي بس ماعرف يعني ادز ام حسين ل ام سيف يحجون بشغله النيشان و ال

ابوسيف: اسكت اسكت يانيشان ابن عمها لماخذها ماحط نيشان ع ابن اخويه ولااشرط شرط

حسين عمي جيبلها حلقه واني اصلا مشتريلها زنجيل وتراجي جيبلها حلقه انت ولهدوم ماتحتاج اني اجهزها وعدها الملابس ماتكبر بخت