#سواد الأبيض
البارت الرابع عشر
ل ورد العامري
رسل: ضربني وجارني من شعري
سيف: ليش ماكووو
رسل: شنو ماكو ماخذت شي اني والله
عافني وكام وكف يفتر بالغرفه ويباوع عليه منضره جان مرعب جنت متلفلفه بالروب جريته وتغطيت بي اباوع عليه بخوف
فتح الكنتور شمر عليه دشداشه وفتح الباب ونزل
لبست بسرعه جسمي كله يرجف خايفه حاسه برعب والم بكل جسمي
ازهار: شمسويه يمعزايه
رسل: ممسويه شي والله
صعدت ازهار تلطم ع وجهه ومن الباب تصيح شمسويه
وراها سيف وام سيف
ام سيف: هاي الي ردتها
ازهار: يمه اخاف لان صغيره
ام سيف: لاعيني لا شعليها هاي الشغله هاي عارها راح ايشيلوه الكك هاي الي ردتها
سيف: محد ايشيلني عار ليش احجي ويامن
رسل: لزم ركبتي خنكني باايده ويهز بيه كأني سعفه نخل باايده انهز
ازهار: ولك لاتموت سيف
سيف: انطم عارها احسن احجي
رسل: حسيت روحي راح تطلع ويصيح احجي يجرون بي امه وازهار وماعرف شنو الي يريدني احجي اصلا
ام سيف: ولك عوفها ابوها واخوتها يطمون عارها لاتوصخ ايدك بيها انت
سيف: ويامن حاجيني
ام سيف: تصيح صغيره اربيها ع ايدي هاي تربيك وتربي 10مثلك بعدج ما طلعتي من البيضه شوكت لحكتي
ازهار: لاعيني لا اكو شي غلط ولك مايطلعن من البيت
ام سيف: هاي الي ردتوها هاي ياسيف تاليتك شلت بس العار
رسل: يدفر بيه برجله ويضرب وامه تصيح عار وعار
صعد عمي وبنات عمي واخوته واني ممفتهمه شي
ابوسيف: شكو
ام سيف: هاي بت اخوك اخويه واخويه وبنت اخويه تالي طلعت ملبستكم العار وانتو نايمين
ابوسيف: شنو هل حجي
سيف: من هذا تتراجفين وتبجين وماريد وماريد تكوليلي طفله تخاف مو ازهار طلعت
ابوسيف: اسكت لك
ام سيف: ليش يسكت هاي هم تريد اطمطمها علمود اخوك
رسل: عمي ايباوع عليه دفع سيف. وعيونه عليه ختلت وره ضهره وهوه صافن بوجهي
الغرفه انترست ناس
أنت تقرأ
سواد الأبيض
Ficción Generalعندما تكون حياتك مقرره لك بااختيار غيرك عندما يكسرك اقرب الناس اليك ويغض النضر عن تصديقك
