#سواد الابيض
البارت الخامس
ل ورد العامري
لينا: رنا سيف ابن عمي صحيح وخوش ولد وعمنه حنين علينه بس يااختي صار سنين وانتي تحلمين
ومحد فتح حلكه واطه حجايه ولو راس خيط واحد يتعلك بي
رنا: سيف ممفكر يزوج هسه
لينا: تره سيف اكبر من حسين
رنا: وشنو يعني ممفكر يزوج
لينا: وانتي
رنا: شنو اني
لينا: لشوكت راح تضلين منتضره سيف يفكر يزوج
ومنو يكول انتي ابالهرنا: انتي اختي لو عدوتي ليش تحركين بكلبي
لينا: لالا اني مااحرك بكلبج بس ماريدج تضلين متعلكه بحلم سيف امه وراه ويجوز تاخذ من اهلها
رنا: هوه كال اريد وحده متربيه ع ايدي كدامي
وعمج بعد موقف حسين وازهار والي صار معناها ميمشي بكلامها اصلا
لينا: بكيفج رنا اني اذا احجي من خوفي عليج
رنا: لاتخافين عليه معاتبه عليج
رسل: جنت واكفه واسمع حجينه وراسي يندار منا ومنا بينهن منو الي تحجي اباوع عليها
طلعت من يمهم ورحت كعدت يم رجل ابويه جان متمدد ويسولف ويه سيف وحسين وعباس
جانو ايسولفون ع الغرفه بقه بس كاشي وتنصبغ
وبالفعل بخلال 10ايام خلصت الغرفه
وحسين اخويه وازهار راحو يشترون غرفه
اختارو وحده واجه حسين اخذ امي تشوفها بالمعرض ويه ام سيف واني جلبت باامي اخذتني وياها بسياره سيف رحنه
ازهار: هاي ماما
ام سي: عوووع شنو هاي هذا صاج عراقي مو
حسين: اي اي
ام سيف:: لاعيني لا مصريه اخذلها
ازهار: هاي عجبتني حلوه
ام حسين: ختولي ماما شنو هاي لاعيني لا ماريدها
سيف: همه بكيفهم الي يعجبهم
ام سيف: شنو الي يعجبهم هاي بتول بت خالتك غرفتها جتي من الكويت مخصوص الها صارلها سنين الغرفه وتشوفها شحلاتها جنها البارحه ناصبتها
سيف: هسه احنه شعلينه بتول خلفت 3جهال وانتو بعدكم تصيحون غرفه بتول
ام سيف: مالكيت غير هل معرض
حسين: شبي مرت عمي
ام سيف: هنه ذني هم غرف جايبها تختار منهن
ازهار: يمه اني اختاريت افترينه هواي بس هذا عجبتني الغرفه هاي عنده
ام سيف: ختولي بنتي متفيدج عوع شبيج صاير ماعندج ذوق
أنت تقرأ
سواد الأبيض
Genel Kurguعندما تكون حياتك مقرره لك بااختيار غيرك عندما يكسرك اقرب الناس اليك ويغض النضر عن تصديقك