نجوم الحب

4

.
.
.
.
.

سميت بسم الله واتذكرت سارة اني هذة السؤال راجعته بس نسيته تذكرت سارة من تقلد عل الاستاذ اللي شرحه وجاوبته بسرعه وراها صرت كل سؤال

اتذكر مغامراتنه سؤال ثاني بيها تعاركنه ويه بنيه لأن حلته غلط وخلتنه نرسب بسببها وهي مسويه روحها كلش ،خلصت امتحان وسلمت ورقتي وطلعت انتظر سارة، لشويه واجتني تحسب بأيدها ركضت حضنتها بقوتي
...اوووي حقيرة خنگتيني شبييج منين هالحنية
..ههههه امووووت عليج لج جاوبت الكيميا بسببج يمه فدوة للذكيه، ماگلتيلي شتحسبين
..دنكت تنافخ بضجر، افففف احسب درجتي انجح لو لا
..خلصنه امتحانات واخيرا وبدت العطله بسام فاجأنه بيوم گال ..باجر نروح لكربلاء والنجف نزور نطلع نجومة شويه تغير جو اختنگت من الامتحانات
..الللله لك فديييت بسومة حبيبي بس انت وبسس هههه

هبة..هههههه عابتلج دگيتي طبل للمشي

..فعلا. تجهزنه ماما طبخت دولمة وكباب ناخذهن ويانه للطريق ورحنه اني وماما وبسام رحنا مشغلين قران وادعيه وماما بسام يسولفون ع الاوضاع وامور عامة، دائما احمد الله على علاقتهم المتفاهمة

هبة..وصلنه وزرنه صار فترة طويله مااجيت لكربلاء اليدخل للأمام تنغسل روحه ذبيت همومي هناك ولو اني منيلي هموم غير اني انغدرت من الشخص الحبيته وغير انه اهلي تبروا مني وغير انه احاول ابني لبنتي حياة افضل

نجمة..زرنه وطلعنه بين الحرمين نمشي نحفظ خطواتنه بهالمكان المقدس، بسام يمشي ويسولف ويانه

..هسة خل نروح نحجز بفندق ،تدرون صارت عندي خوفه من الفنادق ههههه هاي العام اجيت ويه صديقي نزور، وهو دگ صدر وكال اروح احجز غرفه ولايهمك، حجزلنه ورحنه للغرفه يابه شفتها وتخبلت العرفه وصخه البطانيات قديمة ووصخه مبين مستعملينهن ماي ماكو خلاني افر بأذني گلت بعد التوبه اخلي احد يحجز غيري

..هههههههه اي يعني احجزلنه بمكان زين، حسيت ماما وكفت صافنه تباوع گدام. بسام هم انتبهلها وشافها تباوع على مرة واكفه صافنه عليه فاتحه حلگها، اشو اثنينهم ارتبكو ماما لزمتني حيل وجرتني نرجع ضيعنه بسام دقايق واجه ورانه يتلفت، گال ..ضيعتنه ماكو شي

نجمة ..شننوو منو هذي ليش متوترين
هبة..ماكو شي امشو نروح خل نطلع منا ع السريع

..ماما جاوبيني شكوو لاتخبلوني،ماما ساكته ماتقبل تحجي وكل شوي تگلي اسكتي ماكو شي جاوبها بسام..خاله احجيلها من حقها تعرف
جرت نفس وسكتت

بسام ..هذي عمتي تقى الجبيرة اخت ابونا
نجمة..قصدك ابوك
..نجممممة ابوج لاتزعليني
..اني ماعندي اب
..وانا وين رحت
بتسمت بوجه بسام ..خلص لاتزعل احلا اخ واب همين هههههه

اخذنه بسام اشترالي حلويات واني دگيت رجل على دبدوب جبير وماما تگلي وين تودينه عوفيه يولي طنگرت الا اشتريه واشتريته گوة على ماما اشترينه هدايه لسارة وام شيماء، حجزنه غرفتين اني وماما بغرفه وبسام بغرفه وطبعا اختار فندق بدقه بحيث ساعتين ندور وگوة اقتنع بفندق
بعد يومين رجعنا هلمرة مشغلين اغاني بالطريق هههههه