نجوم الحب

10

.
.
.
.

اتعرفت على زيد اكثر بفترة خطوبتنه تعلقت بيه حد النفس حبيته حيل بكل يوم اتذكر لقائنه الاول من التقت عيوننه،

زواجنه بعد شهر وبديت اجهز نفسي، ماما تصفن بوجهي وعيونها تدمع تحسسني مابيها شي بس اعرف شايله هم فراگي، من نطلع نجهز للعرس اشوفها متلهفة وتختار وتحتار اكثر مني ماما بالنسبه الي أُم مثاليه بمعنى الكلمة

،بيوم رجعنه من الدوام سارة صعدت لغرفتها و اني رحت ابدل فرح وحمودي بالمدرسه، اجتي ماما وراي تتطمن على يومنه
..يلا بدلي راح اصبلجن غدا

..روحي ارتاحي ماما احنه نصب اخويه هسة تعبان من وراج بس تفترين دأشوفج هاملة صحتج هالايام، طلعت اصب غدا ونزلت سارة تحظر وياي وكعدنه نتغدا
سارة..يمكن العصر اخلي بسام ياخذني لأهلي مشتاقتلهم من زمان ماشايفتهم
نجمة..امممم بس موتتأخرين

سارة..ديلا علأساس اخوج يخليني ابقه غير اليوم الواحد ،خلصت غدا وصعدت لبست ثوب قصير وتمكيجت

،جهزت ملابس بسام اتصل بيه و اني بالدوام گال رايح يشوف محل يشتريه يريد يشتغل شي غير السيارة رغم عمو گله تعال وياي بالسوبر ماركت ماقبل يريد شغل مستقل لوحده

،اكيد هسة على جية حظرت ملابسه وكعدت اتصفح بتلفوني فتح باب الغرفه ودخل رفعت راسي ورديتله الابتسامه، اتقدمت لفيت ايديه على ركبته باس خدودي وشفايفي سريع همس...اريد غدا جوعان

..صار حبيبي دقايق ويجهز بدل لبينما اصعدلك الغدا،

نزلت حميتله الاكل وصعدته لگيته سابح ومبدل كعد يتغدا ويشوف

..زيد لگالي واحد يشتري السيارة راح ابيعها و اشتري وحدة صغيرة والمحل أخذته إيجار بعد اترسه بضاعه ملابس واجيبلي عامل وياي

..هااا ان شاء الله خير حبيبي، اكول بسام اني مشتاقه لأهلي من زمان مارحت شوكت اروح الهم

رفع حاجبه گال..سارة قبل اسبوعين رحتي يمهم وهم يجوج دوم

..حبيبي بس رحت ساعه وحدة ورجعت حتى مالحكت اشوفهم

..اي اي بعدين، خلص غدا ونزلت الاماعين غسلتهم وصعدت قررت اقنعه بالحيلة، تمددت يمه وحضنته وهو يباوعلي
..هاا

..هاا شنو مايصير احضن حبيبي وروحي
..ههههههه لا والله انا الممنون غير

جنت نايمة على صدرة وارسم لوحة خيال بصدرة مديت اتلمس بوجهة وابوسه وهو انطلق مرحب بلهفة ...

بعد وقت جنت واكفه انشف بشعري وهو واكف يرش عطر، تقدمت احجي وياه..بساام مدأتشاقه والله اريد اروح لأهلي ميصير هيج ترا

..سارة مو هسة غير يوم
..لا ماعلية العصر اروح وابقه عدهم
دار وجهة مكتف ايديه ..اي بله انتي قررتي وخلص، بله شكد تبقين
..يومين