نجوم الحب

8

.
.
.
.
.
نجمة ..ثاني يوم العرس گعدت متكسرة البارحه گوة نمت متبدل مكاني فرح الخبلة ماخلتني انام بسريرها تگلي تردين نامي يمي ع السرير بس اني ماانام بالگاع متعودة

وماما مو يمي خجلت من نفسي من فكرت راحت يم بابا

وخلص من اليوم مكانها يم بابا رحت للمطبخ لكيت فرح كاعدة تتريگ وحمودي واكف فوگ راسها، صباح الخير

..صباح النور
..ماتتريگ حمودي شبيك واكف
جاوبني زعلان..ماا اريد ويه بابا
فرح..ماكو تريد تعال وياي ماكو نجب ماكو ريوگ

نجمة..انتي شبيج وياه، خلص حبيبي هسة يگعد بابا وتريگ وياه عنودي انت شيقنعك، سويتلي بيضه وجاي بسرعه وكعدت اتريگ وحمودي يباوع للصحون ويدور وجهة لزمتني الضحكه فجأة فرح طكتها ضحكه بصوت عالي

فرح..هههههههههه يلا مو تريد تنتظر بابا ابقه موت جوع عود

صاح بيها بزعل..مااااا لاتضحكين علييييه
..ههههههه حمودي تعال وياي وبعدين من يكعد بابا هم تريگ وياه

اجه هو عجبته الفكرة وكعد يمي ياكل
فرح..امداك ابو بطن مو بيدك

مدلها لسانه يعيب وهي تصيح ترا اجي اكتلك

..حمووودي عيب لاتعيب على فرح يلا اكل واسكت

عم الهدوء ناكل سمعت صوت باب الغرفه انفتح شويه و اجتي ماما للمطبخ ابتسمت بوجهنا وصبحت مدنگه وجهة صار احمممر هههههه

..هبة ..صباحا احسستُ بجفوني انطلقت بحريه لتَرى اعيُني اشراقه شمسٌ جديدة
كعدت اتأملت وجهة نايم براحه تلمست عيونه بأصابعي وطبعت شفايفي بخدة بسته برقه وابتعدت فز هو ابتسم وهمس..صباح الحب والفرح عيوني

..صباح الخير حبيبي، يلا اكعد هم يلا نتجهز ونستقبل العرسان، طلعت لغرفه البنات لكيتها فارغه خطواتي ببطئ خجلانه منهم لگيتهم بالمطبخ ملتمين ..صباح الخير حبايبي شوكت كعدتو

..صباح النور ماما قبل شويه كعدنه
..يلا تريگو خل نلحك نرتب البيت ونستقبلهم عمتكم وعمكم على جية هم
نجمة ..طلعت ماما تتنقل بالبيت، فرح مبتسمه ..امج خجلانه الظاهر العرسان البارحه امج وبابا

كتمت ضحكتي گوة وخزرتها..اشش عيب اسكتي حمودي كاعد وبعدين شعليج بهذي السوالف بعدج صغيرة

ردت بهمس وهي تباوع على حمودي..امممم ،

ردت ابدي اعلمها الصح والغلط الي اشوفه بيها رغم فرح عاقله بس عادي عدها تصرف طيش بدون انتباه

گعد بابا يضحك صبح علينه وبوسنه واحنه مبتسمين بوجهة

احس بسعادة متنوصف هذا الجو الي تمنيته طول عمري

تريگو ماما وبابا مبتسمين بوجه بعض حمودي گعد يمهم ياكل وياهم حقها فرح تگول علية ابو بطن ههههه