ما لا نراه
/ 14 /
زين:اني مدايرك خوي ومأمنك في مكاني تمشي انت ادير هكي ؟
مالك:ياراجل انت فاهم غلط
زين:الي سمعته شن ينفهم فيه غلط
مالك:اصبر نفهمك
زين:تي شششن بنفهم ياراجل تحركي خشي اداخل انتِ مزال وافقة ؟؟
انا:مادخليش انا 😖
زين:قتلك تحركككي *ودفني وسكر الباب*
مالك:شاريها والله شاريها ونبيها بالحلال
زين:جيتني ورديتك؟
مالك:مابيتش تحط العين وادير شي في بالك وهي مش موافقة
زين:عارفها مش موافقة وتكلم فيها علاش تبيني نغلط فيك ؟ تي مأمنك ياراجل
انا:ماااماا احلقي زين يتعارك مع مالك في الجنان
ماما:وووه عليا خيرهم هاتيلي المصلية فيسسع
رحمة:خيركم شن في
ماما:هاتولي المصلية 😡
رحمة:هي هاكي
انا:ينهاري بنموت الليلة*ونطل من الروشن*
رحمة:تي شن في فهمني
انا:زين ومالك يتعاركو😖
رحمة:على شنو شن في شن درتي شدك زين😱
انا:تي غير حولي مش وقتك
رحمة:بتنكدو عليا تلبيستي😖
انا:تي 😤 اخطيني يارحمة خيرلك
رحمة:شن درتي باهب
انا:مادرت شي اخطيني ياهمي
نحاول نسمع شن يصير لكن مش كل شي واضح ..ونشوف في ماما تحز بيناتهم ..
ماما:زييين خليك في مكانك وفهموني شن في
مالك:ياعمتي والله زين فاهم غلط ومش عاطيني فرصة نفهمه
زين:يمه خشي اداخل وخلينا
ماما:مش خاشة لين تفهموني
مالك:باهي على خاطر عمتي خليني نقول شن عندي
مالك:ياعمتي والله والله ماتجاوزت حدودي ولا غلطت بنتك عاجبتني ومكلم حتى امي وعاجبتها وراضية وقلتلها صغيرة توا واماليها مش ح يعطوها وتستنى شوية باش تكلمكم ولا كلمتها ولا جيت جبهتها توا سألتها على حالها وصحتها بس
زين:على حالها وصحتها ؟ مش اطرش اني سمعت كل شي
مالك:*سكت ونزل راسه *
مافهمتش ولا عرفت شن قالو شفت ماما مشت مع مالك للباب ودخلت زين ..هربت لداري نجري وسكرت عليا ..
سرّعت الأحداث .. بس اهو ح نعرفوا شن صار قبل شهر ..
كان ردي على قيس .. الرّفض ..
اي رفضت نرجع ليه مايستحقش فرصة ثانية مش ذنبي ان مايعرفش يتصرف وعنده عادي يكذب ويجري بمشاعري .. هو غلط لما سمع كلام صاحبه وخسرانه ليا نتيجة غلطته فيتحمّل ..
اعتذرت منه وقتله الي تكسر مايتصلحش وتعلمت الدرس ومش ح تتعاود ..
فقالي شي انا في الأصل عارفاته .. قالي نرد بالي من رزان .. وهي ترد بالها من عبدو لأن مش ناويلها على خير .. وغبية لو تفكر غير هكي .. ومانعرفش نادم ويبي يكفر على غلطته ولا لعبة جديدة هذه ..
لأن قالي يتمنى مانندمش على قراري ..
مانسيتاش لكن نتناسوا والحياة تمشي ..
قاعدين متفكرين لكن نتعاموا لأنّ بش نقعدوا عايشين على الّي فات بنظلموا نفسنا والّي حوالينا ..
سكّرنا الأبواب وقلبنا الصّفحات وخلّيناكم ورانا .. الفرصة فاتتكم والذّنب مش ذنبنا ..
اعطيناكم حقكم وأكثر وتوّا وقت حقنا ✋🏻
أنت تقرأ
ما لم نراه ( روايات ليبية )
Romanceيوجد اشياء لا نراها الا بعد فوات الاوان و لكن الخطاء ليس مننا الخطاء ان هذه الاشياء لم تعترف الا بعد ان فقدت الامل ؟ كلام معقد ستفهمه في رواية تجمل اجمل صدف الحب ؟ للكاتبة : ميرا رواية من داخل المجتمع الليبي
