ما لا نراه
/ 15 /
من التعب خلاص بنرقد مع ان كان يوم حلو حتى بإلي صار لكن رحمة طلعت حلوة وكل شي جي كيف ماتتمنى ..
وكيف حطيت راسي بنغمض عيوني خشت ماما وقتلي
ماما:شن في بينك وبين مالك ؟
انا:😨 مابيني وبينه شي
ماما:ماتكذبيش عليا شن الي سمعه زين ؟
انا:ياودي والله والله مابيني وبينه شي هو الي كلمني وانا مابيتش
ماما:كلمك شن قالك ؟
انا:قالي لو موافقة نجيب امي
ماما:وشن قلتيله
انا:قاعدة صغيرة واماليه مش ح يعطوني
ماما:وشن قالك
انا:شن بيقولي
ماما:جاوبي 😡
انا:ياودي قال رايد الحلال
ماما:تو نشوفو الي قلتيه صح ولالا وافرحي باهي خربتي علاقته بخوك
انا:وشن ذنبي انا شن درت
ماما:تو تشوفي شن بيدير فيك زين
انا:تي شن دخلني
ماما:يصير خير *وسكرت الباب وطلعت*
انا:لا حول ولا قوة إلا بالله
رحمة:ماتاخديش على كلامها تخوف فيك تشوف فيك تكلمي فيه ولالا
انا:هذا كله ومانكلمش فيه كان نكلم فيه شن دارو 😤
رحمة:قصدك ماكلمتيشي؟
انا:لا والحمدلله الي ماتهورتش
رحمة:باهي شن قالك على الباب؟
انا:مافيش شي يتعصب منه زين يسأل فيا ليش ماكلمتاش لتوا
رحمة:ياختااي هذا كله ومايتعصبش زين باهي الي مامدش ايده عليك قدامه
انا:هذا ماناقص
رحمة:باهي شن بإديري توا
انا:هو في ايدي حاجة نديرها؟ نبي نعرف شن قالتله ماما توقعت امه واخته مايجوش بس تفاجأت بيهم مبكري
رحمة:اي حتى انا قلت مش ح يجوا
انا:وامه وسلمت عليا ومدحتني ورنيم هدرزت عليا وماجابتش سيرة
رحمة:شن رايك تكلميه من تليفوني وتعرفي شن صار
انا:مش عارفة خايفة
رحمة:انتِ مش ح تخسري شي وحتى كان خدي منك زين التليفون مش ح يلقى رقمه ولا شي ليه
انا:..*سكتت وقعدت نفكر وطول خطر في بالي الڤيديو الي قررت مانمسحاش ونخليه ذكرى *
خديت اللابتوب وجبت وصلة ونقلت الڤيديو من تليفوني للاب ودرتله اخفاء ومسحته من تليفوني ..
رحمة:مش ناوية ترقدي ؟
انا:اهو بنرقد بس ..
رحمة:ها ؟
انا:نبي تليفونك
رحمة:بتكلميه؟
انا:نححاول لو رد
رحمة:باهي هاكي اني بنرقد تعبانة
انا:اوكي مش معطلة
رحمة:حطيه اهني لما تكلمي ..
فتحت تليفونها وكتبت رقمه وترددت قبل مانتصل .، بعدين تشجعت وقلت الي يصير يصير.. رن الخط والباين راقد .. كيف بنسكر نفتح ..
انا:الوو
مالك:ايوه منو
انا:مالك؟
مالك:ان شاء الله من معاي ؟
انا:ماعرفتنيش؟
مالك:كيف بنعرفك منو
انا:زينب
مالك:زينبب 😨 بس مش رقمك كيف حالك
انا:اي رقم رحمة خفت نتصل برقمي يلقاه زين عندك ولا عندي
مالك:صح مفروض نمسحه من عندي ساد الي صار
انا:وهذا ليش متصلة نبي نعرف شن صار معاش فهمت
مالك:ماقالولكش؟
انا:شن بيقولولي شن في ؟
مالك:اليوم امي كلمت امك علينا وخدت منها موعد
انا:تبصصصر ؟
مالك:والله
انا:و زين؟
مالك:هدرزت معاه وفهمته هو في الأخير خوك ومن حقه يخاف عليك لكن وضحتله مابيناتنا شي وكان موافق نجيب امي
انا:وشن قالك
مالك:مش ح يلقى نسيب زيني 😂
انا:غير بجديات مالك تدوي ولا تبصر ؟
مالك:والله ندوي رسمي علاش ماقالك حد؟
انا:لا مبكري ماما سألتني وقلتلها مانكلمش فيك وخوفتني وطلعت قتلي تو تشوفي شن يدير فيك زين
مالك:تي تجس في النبض تبي تعرفك شن تحت راسك
انا:ووه عليا ناقصة رعايش حرام عليهم
مالك:دامني معاك مافي شي يرعشك قتلك مش راخيك
انا:....
مالك:متحشمة؟
انا:يعنيي 😁
مالك:وكان نعرف وقفتي عليك في جنانكم بتخليني نسمع صوتك راهو درتها من زمااان
انا:قريب مشيت فيها 😂 لو ع شوي را شفت زين يكركر فيا من شعري
مالك:وانا قاعد والله ماصايرة
انا:بس هو خوي
مالك:باهي واني زوج المستقبل قدامي وفي وجودي يحترمني
انا:ليش انا؟
مالك:لأنّك انتِ زينب ..زيزو قتلك ربك حط حبك في قلبي
انا:بس مانقدرش نقول زيك
مالك:براحتك امتى ماتبي تقولي قولي لكن عارف في شي بالك انتِ بس مزال ماحسيتيش اني وصلني
انا:ههههه كيف جت هذه
مالك:مشكلتك مش عارف 😂
أنت تقرأ
ما لم نراه ( روايات ليبية )
عاطفيةيوجد اشياء لا نراها الا بعد فوات الاوان و لكن الخطاء ليس مننا الخطاء ان هذه الاشياء لم تعترف الا بعد ان فقدت الامل ؟ كلام معقد ستفهمه في رواية تجمل اجمل صدف الحب ؟ للكاتبة : ميرا رواية من داخل المجتمع الليبي
